Општина Богданци                                                                                          

Соопштенија

ЈАВЕН ОГЛАС ЗА ПОДНЕСУВАЊЕ БАРАЊА ЗА СУБВЕНЦИОНИРАЊЕ НА ТРОШОЦИ ЗА КОМУНАЛНИ УСЛУГИ

Врз основа на Одлуката за спроведување на мерки за субвенционирање на трошоци за комунални услуги бр.08- 1983/18 од 27.12.2017година („Службен гласник на Општина Богданци“ бр. 21/17), Градоначалникот на општина Богданци објавува  

ЈАВЕН ОГЛАС 
ЗА ПОДНЕСУВАЊЕ БАРАЊА ЗА СУБВЕНЦИОНИРАЊЕ НА ТРОШОЦИ ЗА КОМУНАЛНИ УСЛУГИ 

Општина Богданци ќе обезбеди средства од Буџетот на Општина Богданци за 2018 година за финансирање на активности од областа на социјалната заштита, во облик на спроведување на мерки за субвенционирање на трошоци за комунални услуги за граѓани изложени на социјални ризици.

Вкупниот  износ на субвенцијата ќе изнесува  300,оо денари  месечно за секој корисник  и е составена од една компонента и тоа:

  1. покривање на трошоците  за потрошена вода за пиење од 300,оо денари за секој корисник на услугата односно субвенцијата;

Право да поднесат  барање за субвенционирање од средствата на  Буџетот на Општина Богданци имаат:

Ø  Лица корисници на постојана парична помош;

Ø  Да е корисник на услуги од ЈП „Комунална Чистота“ Богданци, корисникот на постојана парична помош или член на неговото семејство;

 

Со барањето за субвенционирање на трошоци за комунални услуги се доставува следната документација:

 

Ø  Потврда дека е корисник на постојана парична помош;

Ø  Потврда за користење на услуги од ЈП „Комунална Чистота“ Богданци;

Ø  Лична карта (на увид);

 

      Заинтересираните лица своите барања можат да ги достават директно во архивата на општина Богданциили преку пошта, на адреса : општина  Богданци ул.„Маршал Тито“ бр.62 Богданци;

      Јавниот оглас ќе трае 10 дена од денот на објавувањето на веб страната на општината  www.bogdanci.gov.mk, и на огласната табла на општината, а барањата ќе можат да се достават најдоцна до 02.02.2018година до 16 часот во архивата на Општина Богданци.                                                                    

   

СООПШТЕНИЕ ЗА ПОДНЕСУВАЊЕ НА ДАНОЧНА ПРИЈАВА

Ве известуваме дека согласно член 29 од Законот за даноците на имот („Службен весник на Р.Македонија“ бр. 61/04, 92/07, 102/08, 35/11, 53/11, 84/12, 188/13, 154/15, 192/15 и 23/16) обврзникот на данокот на имот е должен да поднесе даночна пријава до 31 Јануари во годината за која се врши утврдување на данокот.

Обврзникот на данокот на имот кој поднел даночна пријава нема обврска за истиот имот да поднесе нова пријава, доколку нема промени на податоците содржани во претходно поднесената даночна пријава, а кои се од влијание за висината на даночната обврска.

Но, за имотот што го стекнува или почнува да го користи во текот на годината или ако по некоја друга основа настанува даночна обврска, обврзникот е должен да поднесе даночна пријава во рок од 15 дена од денот на стекнувањето на имотот, или од отпочнувањето на користењето на имотот, односно од настанувањето на даночната обврска.

Пријаватасе поднесува до општинската администрацијакаде што се наоѓа имотот.

РЕШЕНИЕ ЗА СВИКУВАЊЕ НА ТРЕТАТА СЕДНИЦА НА СОВЕТОТ НА ОПШТИНА БОГДАНЦИ

Почитувани,

Ве известуваме дека третата седница на Советот на општина Богданци е закажана за ден 06.12.2017 година (Среда) со почеток во 15.00 часот во салата на Советот на општина Богданци.    

На седницата ќе се работи по следниот     

  ДНЕВЕН  РЕД

 

1.      Разгледување на Извештај за резултатите од гласањето на Локалните избори на територијата на Општина Богданци одржани на ден 15.10.2017 година;

2.      Предлог-Одлука за определување надоместок за трошоците на организаторите на изборната кампања за локалните избори 2017 година;

3.      Предлог-Одлука за определување на висината на надоместокот на изборните органи за извршената работа во изборниот процес за Локалните избори 2017 година, на подрачјето на ОИК Богданци;

4.      Предлог-Одлука за давање на времено користење на просторија во сопственост на Општина Богданци;

5.      Разгледување на Квартален извештај за извршување на Буџетот на Општина Богданци за периодот јули-септември 2017 година;

6.      Разгледување на Извештај за материјалното и финансиското работење на ЈП „Комунална чистота“-Богданци за периодот од 01.01.2017-30.06.2017 година;

7.      Разгледување на Извештај за материјалното и финансиското работење на ЈП „Комунална чистота“-Богданци за периодот од 01.01.2017-30.09.2017 година;

8.      Разгледување на Годишен извештај за работата на ЈОУДГ „Коста Поп-Ристов Делчев“-Богданци за учебната 2016/2017 година;

9.      Разгледување на Годишна програма за работа на ЈОУДГ „Коста Поп-Ристов Делчев“-Богданци за учебната 2017/2018 година;

10.  Разгледување на Одлука за формирање Комисија за прием на деца во ЈОУДГ „Коста Поп-Ристов Делчев“-Богданци;

11.  Разгледување на Одлука за утврдување на критериуми за прием  на деца во ЈОУДГ „Коста Поп-Ристов Делчев“-Богданци;

12.  Предлог-Одлука за давање согласност за формирање на групи со помал и поголем број на деца во ЈОУДГ „Коста Поп-Ристов Делчев“-Богданци;

13.  Предлог-Одлука за донесување на урбанистичко планска документација и вклопување на бесправниот објект во истата (КП бр.1324/1 и КП бр. 1324/2);

14.  Предлог-Одлука за донесување на урбанистичко планска документација и вклопување на бесправниот објект во истата (КП бр.168/2);

15.  Предлог-Одлука за донесување на урбанистичко планска документација и вклопување на бесправниот објект во истата (КП бр.5198 и КП бр.8169);

16.  Предлог-Одлука за донесување на урбанистичко планска документација и вклопување на бесправниот објект во истата (КП бр.10973);

17.  Предлог-Одлука за донесување на урбанистичко планска документација и вклопување на бесправниот објект во истата (КП бр.191);

18.  Предлог-Одлука за донесување на урбанистичко планска документација заради усогласување на намените од ДУП Богданци со бесправно изградени објекти (КП бр.11317/1);

19.  Предлог-Одлука за донесување на урбанистичко планска документација заради усогласување на намените од ДУП Стојаково со бесправно изградени објекти (КП бр.7452);

20.  Предлог-Одлука за донесување на урбанистичко планска документација заради усогласување на намените од ДУП Стојаково со бесправно изградени објекти (КП бр.7732);

21.  Предлог-Одлука за донесување на урбанистичко планска документација заради усогласување на намените од ДУП Богданци со бесправно изградени објекти (КП бр.8780/1, 8780/2 и 8753);

22.  Предлог-Одлука за донесување на урбанистичко планска документација заради усогласување на намените од ДУП Богданци со бесправно изградени објекти (КП бр.9834/1);

23.  Предлог-Одлука за донесување на урбанистичко планска документација и вклопување на бесправниот објект во истата (КП бр. 8626);

24.  Предлог – Решение за разрешување на членови во Управен одбор на ЈП „Комунална чистота“-Богданци;

25.  Предлог-Решение за именување на членови во Управен одбор на ЈП „Комунална чистота“-Богданци;

26.  Предлог – Решение за именување на член во Надзорен орган на ЈП „Комунална чистота“-Богданци;

27.  Предлог-Решение за разрешување и именување на член  во Управниот одбор на ЈОУДГ „Коста Поп-Ристов Делчев“-Богданци;

28.  Предлог-Решение за разрешување и именување на член  во Надзорниот орган на ЈОУДГ „Коста Поп-Ристов Делчев“-Богданци;

29.  Предлог-Решение за разрешување и именување на членови во Надзорниот одбор на ЈОУ Дом на културата „Бранд Петрушев“-Богданци;

30.  Предлог-Решение за разрешување на член во Училишниот одбор на СОУ „Богданци“-Богданци;

31.  Предлог-Решение за именување на членови во Училишниот одбор на СОУ „Богданци“-Богданци;

32.  Предлог-Решение за разрешување и именување на член во Управниот одбор на Здравен Дом-Гевгелија:

33.  Предлог-Решение за формирање на комисија за разгледување на барања за социјална парична помош;

34.  Предлог-Решение за формирање Комисија за утврдување Предлог – Програма за работа на Советот на Општина Богданци за 2018 година.

35.   Советнички прашања

Истата може да ја проследите во живо на следниот You tube канал: https://www.youtube.com/channel/UCD0CQMnCCARc9UUgAW6RAgg?disable_polymer=true.

 

ИЗВЕСТУВАЊЕ ЗА ПРИЕМЕН ДЕН НА ГРАДОНАЧАЛНИКОТ

Почитувани,

Ве известуваме дека за приемен ден на Градоначалникот, Блаже Шапов е определен секој Четврток во месецот во периодот од 09.00 до 13.00 часот, во просториите на Кабинетот во општинската зграда.

Се замолуваат граѓаните да се придржуваат на дадениот распоред, со цел ефикасно и ефективно работење на општинската администрација и успешно одговарање на граѓанските потреби и барања.

 

Со почит,               

                                                                                                                                                                                                                                 Општина Богданци

 

                                                                                                        

СООПШТЕНИЕ ЗА ПРВАТА (КОНСТИТУТИВНА) СЕДНИЦА НА СОВЕТОТ НА ОПШТИНА БОГДАНЦИ

Почитувани,

Ве известуваме дека на ден 02.11.2017 година (Четврток) со почеток во 13.00 часот во салата на Советот на општина Богданци ќе се оддржи првата (Конститутивна) седница на новоизбраниот Совет на општина Богданци. Решение за свикување на истата согласно Законот за локалната самоуправа и Деловникот за работа на Советот на општина Богданци донесе Претседателот на Советот на општината од претходниот состав, Блаже Шапов.

 На седницата ќе се работи по следниот Дневен ред:

            1. Избор на Верификациона комисија;

            2. Верификација на мандатите на новоизбраните членови на Советот;

            3. Избор на Кандидациона комисија;

            4. Избор на претседател на Советот на Општина Богданци;

            5. Избор на Комисија за мандатни прашања, избори и именувања.

Истата ќе може да ја проследите во живо на следниот You Tube канал: https://www.youtube.com/channel/UCD0CQMnCCARc9UUgAW6RAgg?disable_polymer=true.

 

ИЗВЕСТУВАЊЕ

СЕ ИЗВЕСТУВААТ ГРАЃАНИТЕ НА ОПШТИНА БОГДАНЦИ ДЕКА ЛИЧНИ ДОКУМЕНТИ МОЖАТ ДА ИЗВАДАТ ВО ПРОСТОРИИТЕ НА ПОЛИЦИСКАТА СТАНИЦА БОГДАНЦИ СЕКОЈ ПОНЕДЕЛНИК И ЧЕТВРТОК ОД 08.00 ДО 16.00 часот.

ЗА ПОВЕЌЕ ИНФОРМАЦИИ МОЖЕ ДА СЕ ОБРАТИТЕ НА ТЕЛЕФОН 034/221-066.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1010536
Joomla template by Joomlashine.com