Општина Богданци                                                                                          

Соопштенија

ЈАВЕН ОГЛАС ЗА ПОДНЕСУВАЊЕ БАРАЊА ЗА СУБВЕНЦИОНИРАЊЕ НА ПРЕСТОЈ НА ДЕЦА ВО ЈОУДГ „Коста Поп- Ристов Делчев“ БОГДАНЦИ

Врз основа на Одлуката за обезбедување на средства за субвенционирање на престој на деца во ЈОУДГ „Коста Поп – Ристов Делчев“ Богданци  бр.08- 2501/21од 28.12.2015 година (Службен гласник на општина Богданци бр.15/2015), Градоначалникот на општина Богданци објавува : 

ЈАВЕН ОГЛАС 
ЗА ПОДНЕСУВАЊЕ БАРАЊА ЗА СУБВЕНЦИОНИРАЊЕ НА ПРЕСТОЈ НА ДЕЦА ВО ЈОУДГ „Коста Поп- Ристов Делчев“ БОГДАНЦИ

Општина Богданци ќе врши обезбедување на остварувањето на социјална заштита на граѓаните од средствата на Буџетот на општина Богданци, во облик на спроведување на мерки за субвенционирање на престој на деца на самохрани родители со месечни примања во висина до 12.000 денари во ЈОУДГ „Коста Поп-Ристов“ Делчев Богданци.

Вкупниот  износ на субвенцијата   ќе изнесува  1.500денари  месечно за секој корисник  и е составена од една компонента и тоа:

  1. покривање на трошоците  за престој во детска градинкаод1.500денари за секој корисник на услугата односно субвенцијата;

Право да поднесат  барање за субвенционирање од средствата на  Буџетот имаат лица со статус насамохрани родители на деца до петгодишна возраст  и тоа:

Ø  Невработени или вработени лица со месечни примања во висина до 12.000 денари.

Со барањето за субвенционирање на престој во детската градинка се доставува следната документација:

Ø  Фотокопија од Извод од матичната книга на родените (за дете) ;

Ø  Потврда за невработеност/ потврда за плата;

Ø  Изјава дадена под морална, материјална и кривична одговорност дека лицето, подносител на барањето е самохран родител;

Ø  Лична карта (на увид);

Заинтересираните лица своите барања можат да ги достават директно во архиватана општина Богданциили преку пошта, на адреса : општина  Богданциул.„Маршал Тито“ бр.62Богданци;

Јавниот оглас ќе трае 10 дена од денот на објавувањето на веб страната на општината  www.bogdanci.gov.mk, и на огласната табла на општината, а барањата ќе можат да се достават најдоцна до 05.02.2016год.

 

Број 04-171/1                                                                                                                                                                           Градоначалник

26.01.2016                                                                                                                                                                           на општина Богданци

Богданци                                                                                                                                                                          Анастасија Олумчева с.р.        

ЈАВЕН ОГЛАС ЗА ПОДНЕСУВАЊЕ БАРАЊА ЗА СУБВЕНЦИОНИРАЊЕ НА ТРОШОЦИ ЗА КОМУНАЛНИ УСЛУГИ

Врз основа на Одлуката за спроведување на мерки за субвенционирање на трошоци за комунални услуги бр.08- 2501/26 од 28.12.2015 година (Службен гласник на општина Богданци бр.15/2015), Градоначалникот на општина Богданци објавува : 

ЈАВЕН ОГЛАС 
ЗА ПОДНЕСУВАЊЕ БАРАЊА ЗА СУБВЕНЦИОНИРАЊЕ НА ТРОШОЦИ ЗА КОМУНАЛНИ УСЛУГИ 

 

Општина Богданци ќе врши обезбедување на остварувањето на социјална заштита на граѓаните од средствата на Буџетот на општина Богданци, во облик на спроведување на мерки за субвенционирање на трошоци за комунални услуги за граѓани изложени на социјални ризици.

Вкупниот  износ на субвенцијата   ќе изнесува  300,оо денари  месечно за секој корисник  и е составена од една компонента и тоа:

  1. покривање на трошоците  за потрошена вода за пиење од300,оо денари за секој корисник на услугата односно субвенцијата;

Право да поднесат  барање за субвенционирање од средствата на  Буџетот имаат лица со статус на:  корисници напостојанапарична помош  и тоа:

Ø  Лица на возраст над 65 години без никакви приходи ниту тој ниту семејството

Ø  Лица на возраст над 26 години со психофизички хендикеп и без примања;

Ø  Да се корисник на услуги од ЈП „Комунална Чистота“ Богданци, корисникот на постојана парична помош или член на неговото семејство ;

Со барањето за субвенционирање на трошоци за комунални услуги се доставува следната документација:

Ø  Потврда дека е корисник на постојана парична помош;

Ø  Потврда за користење на услуги од ЈП „Комунална Чистота“ Богданци;

Ø  Лична карта (на увид);

Заинтересираните лица своите барања можат да ги достават директно во архиватана општина Богданциили преку пошта, на адреса : општина  Богданциул.„Маршал Тито“ бр.62Богданци;

Јавниот оглас ќе трае 10 дена од денот на објавувањето на веб страната на општината  www.bogdanci.gov.mk, и на огласната табла на општината, а барањата ќе можат да се достават најдоцна до 05.02.2016год.

 

Број 04-170/1                                                                                                                                                                                                               Градоначалник

26.01.2016                                                                                                                                                                                                              на општина Богданци

Богданци                                                                                                                                                                                                               Анастасија Олумчева                                                                                                           

ИЗВЕСТУВАЊЕ ЗА ПОДНЕСУВАЊЕ НА ДАНОЧНА ПРИЈАВА

Почитувани,

Ве известуваме дека согласно член 29 од Законот за даноците на имот („Службен весник на Р.Македонија“ бр. 61/04, 92/07, 102/08, 35/11, 53/11, 84/12,188/13, 154/15 и 192/15) обврзникот на данокот на имот е должен да поднесе даночна пријава до 31 Јануари во годината за која се врши утврдување на данокот.

Обврзникот на данокот на имот кој поднел даночна пријава нема обврска за истиот имот да поднесе нова пријава, доколку нема промени на податоците содржани во претходно поднесената даночна пријава, а кои се од влијание за висината на даночната обврска.

Пријаватасе поднесува до општинската администрацијакаде што се наоѓа имотот.

 

ИЗВЕСТУВАЊЕ

Се известуваат сите земјоделци кои што имаат засадено површини со зимна зелка и кромид, а наводнуваат од ХМС Паљурци, во најкраток можен рок да се пријават во просториите на ВЗ Богданска Котлина-во стечај, заради евидентирање на истите и подготовка на план за наводнување.

Завршување на реконструкцијата на Домот на културата Бранд Петрушев во Богданци

По повод завршувањето со реализација на активносите поврзани со проектот Отворена врата за културна размена - Градење на заедничка европска иднинаод страна на општина Богданци на ден 18.12.2015 година беше оддржана завршна пресконференција на која присуствуваа Градоначалникот на општина Богданци – Анастасија Олумчева, проект менаџерот – Ирена Ѓоргиевска и раководителот на Дом на Култура – Марјан Карастојанов како и заинтересирана група на граѓани.

 Активностите се реализираа со средства обезбедени од ИПА - Програмата за прекугранична соработка  на Европската Унија, во соработка помеѓу општина Богданци од македонска и општина Ќустендил од бугарска страна.

Во рамки на проектот општина Богданци го реконструираше Домот на културата „Бранд Петрушев“. Активноста опфати целосно реновирање на кино салата со обнова на кровот и  ѕидовите, замена на подот, нова бина и опремување со нов мебел, аудио и видео опрема.

Во рамки на проектот од страна на општина Богданци беа реализирани и други активности меѓу кои беше подготовката на сеопфатна Студија за презентација на културните, историските и фолклорните традиции на Богданци која има за цел да ја открие, анализира, зачува и пренесе на следните генерации културната традиција од овој регион. Резултатите од истражувањето се презентирани во форма на ЦД мултимедија (1000 примероци). Електронскиот производ ќе биде користен за културна и туристичка промоција на Богданци. Изминатиот месец беше одржан и културниот настан „Денови на Ќустендилскарта култура во Богданци“ на кој се презентираа повеќе уметници од областа на ликовната, музичката уметност и поезијата од Ќустендил и Богданци.

Од страна на партнерите, во општина Ќустендил, се реновираше и опремуваше Културниот центар „Објект 366“, а се одржаа и два културни настани на кои гостуваа уметници од општина Богданци. Беше издаден и каталог со празниците во двете партнерски општини кој ги промовира традициите во Ќустендил и Богданци.

Вкупниот буџет на проектот е 295.597,14 ЕУР. Фокусот на проектот е изградба на трајно пријателство и соработка помеѓу граѓаните на Богданци и Ќустендил, преку културна размена и зачувување на културното наследство на територијата на овие две општини.

 

СООПШТЕНИЕ

Ве известуваме дека општина Богданци, започна со собирање на електрична и електронска опрема (мали домашни апарати, телефони, фенови за коса, тостери, пегли, фритези, микропечки, блендери, миксери, тестатури, глувчиња и звучници од компјутери), односно целата опрема од домаќинствата која сакаме да ја одложиме и која содржи електрика /или електроника, вклучувајќи и сијалици, ламби и останата светлечка опрема за домаќинството.

Контејнерот е поставен на паркинг просторот на Автобуската станица во Богданци.

Собирањето на електронската и електричната опрема започнува од месец декември 2015 година и ќе трае до месец јули 2016 година.

Контејнерот ќе биде отворен од 08 до 14 часот секој ден.

Лице за контакт: Александар Олумчев, тел.071 207 480.

 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
777677

Посетители

1269726
Денес
Вчера
Оваа недела
Овој месец
Вкупно
127
1747
3939
18970
1269726

Server Time: 2017-12-13 03:29:37
Joomla template by Joomlashine.com