Општина Богданци                                                                                          

Занимливости за Општина Богданци

Ратко Јанев - Атомски физичар

 

    Роден е во 1939 година.
    Електротехнички факултет завршил во Белград, Србија. Атомска физика докторирал во Санкт Петербург, Русија.
    Работел во Институтот за нуклеарна физика во Белград; работел во Институтот за физика во Белград; предавал атомска физика на Природно - математичкиот факултет во Скопје; истражувал во Париската опсерваторија, Франција; предавал на институтот Болдер во Колорадо, САД; консултант е на Принстон во Њу Џерси, САД; предавал и истражувал во Лондон, Велика Британија и на Оук Рич во Тенеси, САД; раководел со Секцијата за атомска енергија при ООН во Виена, Австрија; работел во Институтот за фузија во Нагоја, Јапонија;  постојан соработник е на Институтот за физика во Истражувачкиот центар "Јулих" во Германија; професор е на Институтот за применета физика и компјутерска математика во пекинг, Кина.
    Во 2004 година ја добил Хумболтовата награда за физика.
    Од 1987 година е член на МАНУ.
 

Најави

ЌЕ СЕ ОДДРЖИ ПАРАДНО ДЕФИЛЕ ОД МОТОЦИКЛИСТИ ПОД МОТОТО ДА ВИДИТЕ КОЛКУ НЕ ИМА

Почитувани,

Од страна на Републичкиот Совет за Безбедност на Собраќајот на патиштата донесена е одлука со која оваа недела, од 16.06.2014 до 22.06.2014 година, е прогласена како „Недела за безбедност на мотоциклистите“.

По тој повод, во Богданци во Четврток, 19.06.2014 година во 12:00 часот ќе има парадно дефиле од мотоциклисти под мотото „Да видите колку не има“. Маршутата е од центарот на Богданци до брана Паљурци.

ПРЕЗАКАЖАНА МАНИФЕСТАЦИЈАТА ЗА ИЗЛОЖУВАЊЕ НА СКУЛПТУРИ ОД ПЛАСТИЧНА АМБАЛАЖА

Манифестацијата за изложување на скулптури од пластична амбалажа направени од ученици од СОУ „Богданци“, ООУ „Петар Мусев“ и ООУ „Кирил и Методиј“ во рамки на проектот „Намалување на испуштање на НОЗ (Неразградливи Органски Загадувачи)  преку намалување на пластичната амбалажа во Гевгелија и Богданци“ која беше одложена поради лошите временски услови, ќе се оддржи утре, 20.05.2014 година, со почеток во 18:00 часот.

Како што беше најавено, на манифестацијата учество ќе земат ученици од споменатите училишта и ќе се претстават со разни музички точки, драмски текстови и хорски настап.

ВО БОГДАНЦИ МАНИФЕСТАЦИЈА ЗА СКУЛПТУРИ ОД ПЛАСТИЧНА АМБАЛАЖА

Во рамките на проектот „Намалување на испуштање на НОЗ (Неразградливи Органски Загадувачи) преку намалување на пластичната амбалажа со рециклирање во Гевгелија и Богданци“ на ден 14.05.2014  (среда) со почеток во 18 часот во Градскиот парк во Богданци ќе се одржи манифестација на која ќе бидат изложени склуптури од пластична амбалажа направени од ученици од СОУ „Богданци“, ООУ „Петар Мусев“ и ООУ „Кирил и Методиј“.

Изложените склуптури ќе бидат предмет на оценување при што најубавата склуптура ќе биде наградена.

На манифестацијата учество ќе земат ученици од споменатите училишта и ќе се претстават со разни музички точки, драмски текстови и хорски настап.

Проектот е финансиран од Програмата за мали грантови (ПМГ) на Глобалниот еколошки фонд (ГЕФ), НВО „Поддршка“ и Општините Богданци и Гевгелија.  

ПОКАНА

Почитувани,

Врз основа на заложбите за поинтензивна соработка со граѓанскиот сектор, а согласно годишната Програма за оделението за ЛЕР во делот на активноста: Финансирање на локални микро проекти од различни области, изготвен е Предлог на оперативни насоки за користење на финансиски средства од Буџетот на општина Богданци.

За таа цел оделението за ЛЕР Ве поканува на работен состанок на кој е предвидено заедничко разгледување и заедничко утврдување на Предлог оперативните насоки кои преку Комисијата за финансирање буџет и ЛЕР ке одат на усвојување до Советот на општина Богданци.

Состанокот ке се оддржи на 25.04.2014 год (Петок) во просториите на Советот на општина Богданци во 12.00 часот.

Предлог оперативните насоки може да ги погледнете на следниов линк

ВО ПЕТОК ЌЕ СЕ ОДДРЖИ ОПШТИНСКИОТ НАТПРЕВАР ДЕТСКИ СЕМАФОР - 2014

   Општинскиот Совет за Безбедност на Сообраќајот на Патиштата при општина Богданци (ОСБСП) во соработка со општина Богданци на својот состанок оддржан денес, 07.04.2014 година, ги дефинираше последните подготовки за оддржување на општинскиот натпревар „Детски семафор - 2014“ .

       Натпреварот ќе се оддржи во Петок, 11.04.2014,  во 11.00 часот во ООУ „Петар Мусев“ Богданци. 
    На истиот свое учество ќе земат учениците од ООУ „Петар Мусев“ Богданци и ООУ „Кирил и Методиј“ Стојаково заедно со подрачните училишта во с.Селемли и Ѓавото. 
        Победниците свое учество ќе земат на Регионалниот натпревар кој ќе се оддржи во Струмица.

ПРОДОЛЖУВА АКЦИЈАТА ЗАЕДНО ЗА НАШИОТ ГРАД

Почитувани, продолжува акцијата „Заедно – за нашиот град“ која започна на 22 февруари 2014 година, во организација на општина Богданци и ЈП „Комунална чистота“.

На 5 Април 2014 година (сабота), со почеток од 08 часот, на ул. „Страшо Пинџур“ бидете и Вие дел од оваа акција со чистење на Вашите, подруми, дворови, тротоари...

На денот на акцијата, користењето на услугите на ЈП „Комунална чистота“ ,за собирање и транспортирање на отпад, не се наплаќа.

  

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
582517

Посетители

944310
Денес
Вчера
Оваа недела
Овој месец
Вкупно
594
1264
9074
31961
944310

Server Time: 2017-03-26 16:51:15
Joomla template by Joomlashine.com