Општина Богданци                                                                                          

Најави

НАЈАВА ЗА ПРВОМАЈСКИ НАТПРЕВАРИ ВО СТОЈАКОВО

Како што е веќе познато,традиционално секоја година, во Стојаково се организираат првомајски натпревари. Од пред многу години,  направиле благодет којшто и до ден денес го прославувавме,а се надеваме и во иднина. На 1 Мај, на денот на трудот во Стојаково ќе се организира богата програма, како на натпреварувачки, така и на забавен план. Забава со сите нишани, како за помладите така и за постарите. Програмата ќе ја збогатат трките со коњи, со магариња, трка на 100 метри за јуниори и сениори, трка на 3000 метри, трка со вреќи, трка за девојки на 100 метри, трка со велосипеди и влечење јаже. За натпреварувачите се обезбедени по три награди од секоја трка, значи I , II и III место (парично). За забавата да биде уште подобра, побогата и поамбиентална ќе се погрижи локална музичка група.

Почетокот е во 08:30 часот.

ЧАС НА ПЛАНЕТАТА ЗЕМЈА

     На 28март(Сабота) во  периодот од 20:30 до 21:30 часот општина  Богданци ќе го исклучи уличното осветлување на неколку локации во Богданци.Со тоа ќе даде свој придонес во глобалната волонтерска акција „Часот на планетата земја“ која годинава ќе се спроведува во 162држави.

Македонија шеста година по ред  се вклучува во одбележувањето на оваа најголема светска еколошка акција, која дава порака за спас на планетата Земја.

Ги повикуваме сите заинтересирани граѓани од територијата на општината во сабота на 28–ти март во 20,30 ч по локално време сите заедно да ги исклучиме светилките еден час и на тој начин да ја покажеме нашата солидарност во борбата против климатските промени, како граѓани на Планетата Земја.

СООПШТЕНИЕ ЗА ОРГАНИЗИРАЊЕ НА ОТВОРЕН ДЕН НА АВРМ ВО ОПШТИНА БОГДАНЦИ

Во Понеделник, 23 Mарт 2015 година Агенцијата за вработување на Република Македонија ќе организира Отворен ден во Салата на Советот на општина Богданци.
Во рамки на оваа активност, која ќе започне во 15 часот, ќе присуствува и директорот на АВРМ Влатко Поповски.
На отворениот ден се повикуваат сите заинтересирани граѓани и на истиот невработените и работодавачите ќе имаат можност да се запознаат со мерките и програмите за вработување.

КОЛЕДАРСКИ ХЕПЕНИГ 2015

Ве покануваме вечерва на коледарскиот хепениг кој ќе се одржи во Градскиот Парк во Богданци со почеток во 18.00 часот. 
Утревечер истиот во организација на Месната заедница Стојаково ќе се одржи на школското игралиште во с.Стојаково со почеток во 19:30 часот.

СООПШТЕНИЕ ЗА ОРГАНИЗИРАЊЕ НА ИСПИТ ЗА ДОБИВАЊЕ НА СЕРТИФИКАТ ЗА АВТО ТАКСИ ВОЗАЧ

Согласно член 8-з од Законот за превоз во патниот сообраќај („Службен весник на Р.Македонија бр. 68/04, 127/06, 114/09, 83/10, 140/10, 17/11, 53/11, 6/12, 23/13, 120/13, 163/13, 187/13, 42/14 и 112/14) и Правилникот за постапката и програмата за полагање на испитот за добивање на сертификат за автотакси возач, формата и содржината на Уверението за положен испит и на сертификатот за авто – такси возач („Службен весник на Р.Македонија бр.98/14), општина Богданци Ве известува дека ќе спроведе по втор пат испит за добивање на сертификат за авто такси возач.

Истиот ќе се спроведе на ден 30.12.2014 година (Вторник) со почеток во 13.00 часот.

Испитот ќе го спроведе посебна комисија за полагање на испит за авто – такси возач, формирана од Градоначалникот.

Кандидатите (авто – такси возачи) освен пријава, потребно е да достават и Потврда за завршена обука од правно лице кое е овластено од општината за стручно оспособување на кандидатите.

Пријавите се поднесуваат во архивата на општина Богданци најдоцна до Петок, 26.12.2014 година, 16.00 часот.

ИЗВЕСТУВАЊЕ ЗА АКЦИЈАТА ДЕН НА ДРВОТО

Почитувани,

По повод акцијата „Ден на дрвото-есен 2014“ , Ве известувамeдека истата  ќе се одржи на 03.12.2014 год. (среда) со почеток во 09.00 часот. Локација за пошумување - мв „Паљурци“.

Поаѓање на автобусот од автобуска станица во Богданци во 09.00 часот.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
860055

Посетители

1400594
Денес
Вчера
Оваа недела
Овој месец
Вкупно
104
1717
7911
44187
1400594

Server Time: 2018-02-25 05:58:57
Joomla template by Joomlashine.com