Општина Богданци                                                                                          

Најави

ВО БОГДАНЦИ МАНИФЕСТАЦИЈА ЗА СКУЛПТУРИ ОД ПЛАСТИЧНА АМБАЛАЖА

Во рамките на проектот „Намалување на испуштање на НОЗ (Неразградливи Органски Загадувачи) преку намалување на пластичната амбалажа со рециклирање во Гевгелија и Богданци“ на ден 14.05.2014  (среда) со почеток во 18 часот во Градскиот парк во Богданци ќе се одржи манифестација на која ќе бидат изложени склуптури од пластична амбалажа направени од ученици од СОУ „Богданци“, ООУ „Петар Мусев“ и ООУ „Кирил и Методиј“.

Изложените склуптури ќе бидат предмет на оценување при што најубавата склуптура ќе биде наградена.

На манифестацијата учество ќе земат ученици од споменатите училишта и ќе се претстават со разни музички точки, драмски текстови и хорски настап.

Проектот е финансиран од Програмата за мали грантови (ПМГ) на Глобалниот еколошки фонд (ГЕФ), НВО „Поддршка“ и Општините Богданци и Гевгелија.  

ПОКАНА

Почитувани,

Врз основа на заложбите за поинтензивна соработка со граѓанскиот сектор, а согласно годишната Програма за оделението за ЛЕР во делот на активноста: Финансирање на локални микро проекти од различни области, изготвен е Предлог на оперативни насоки за користење на финансиски средства од Буџетот на општина Богданци.

За таа цел оделението за ЛЕР Ве поканува на работен состанок на кој е предвидено заедничко разгледување и заедничко утврдување на Предлог оперативните насоки кои преку Комисијата за финансирање буџет и ЛЕР ке одат на усвојување до Советот на општина Богданци.

Состанокот ке се оддржи на 25.04.2014 год (Петок) во просториите на Советот на општина Богданци во 12.00 часот.

Предлог оперативните насоки може да ги погледнете на следниов линк

ВО ПЕТОК ЌЕ СЕ ОДДРЖИ ОПШТИНСКИОТ НАТПРЕВАР ДЕТСКИ СЕМАФОР - 2014

   Општинскиот Совет за Безбедност на Сообраќајот на Патиштата при општина Богданци (ОСБСП) во соработка со општина Богданци на својот состанок оддржан денес, 07.04.2014 година, ги дефинираше последните подготовки за оддржување на општинскиот натпревар „Детски семафор - 2014“ .

       Натпреварот ќе се оддржи во Петок, 11.04.2014,  во 11.00 часот во ООУ „Петар Мусев“ Богданци. 
    На истиот свое учество ќе земат учениците од ООУ „Петар Мусев“ Богданци и ООУ „Кирил и Методиј“ Стојаково заедно со подрачните училишта во с.Селемли и Ѓавото. 
        Победниците свое учество ќе земат на Регионалниот натпревар кој ќе се оддржи во Струмица.

ПРОДОЛЖУВА АКЦИЈАТА ЗАЕДНО ЗА НАШИОТ ГРАД

Почитувани, продолжува акцијата „Заедно – за нашиот град“ која започна на 22 февруари 2014 година, во организација на општина Богданци и ЈП „Комунална чистота“.

На 5 Април 2014 година (сабота), со почеток од 08 часот, на ул. „Страшо Пинџур“ бидете и Вие дел од оваа акција со чистење на Вашите, подруми, дворови, тротоари...

На денот на акцијата, користењето на услугите на ЈП „Комунална чистота“ ,за собирање и транспортирање на отпад, не се наплаќа.

ОПШТИНА БОГДАНЦИ ОРГАНИЗИРА „ОТВОРЕНИ ДЕНОВИ“ ВО НАСЕЛЕНИТЕ МЕСТА

   

   На ден 04.02.2014 година (Вторник) во 10.00 часот во просториите на месната заедница – Стојаково, општина Богданци повторно организира „Отворен ден“ со Градоначалникот, Анастасија Олумчева.

   „Отворен ден“ со жителите на с.Стојаково општината ќе организира секој прв Вторник во месецот  во период од 10.00 до 12.00 часот.

   Секој втор Вторник во месецот „Отворениот ден“ во периодот од 10.00 до 12.00 часот ќе се организира за жителите на неселено место Ѓавато во просториите на основното училиште.

   Во населено место Селемли ваквите средби ќе се организираат секој трет Вторник во месецот во истиот период во просториите на  ОУ „Стојан Вујановиќ“.

   Целта на „Отворените денови“ е да се обезбеди полесен пристап на граѓаните до службите на општината како и да се изнајдат решенија за нивните потреби и проблеми за кои е надлежна истата.

 

Јавна дебата во рамките на проектот „Подобрување на патната мрежа за развој на руралната прекугранична област“

                                                                  
 

 

    Во рамките на проектот „Подобрување на патната мрежа за развој на руралната прекугранична област“ – АГРАС,  финансиран од Европската унија преку ИПА програмата за прекугранична соработка помеѓу Р.Грција - Р.Македонија 2007-2013 година и имплементиран од Центарот за развој на Југоисточниот плански регион ќе се одржуваат јавни дебати во сите десет општини од Југоисточниот плански регион. Тема на дискусија ќе бидат изработените анализи за постоечката патна инфраструктура во регионот. Истите ќе се дискутираат и анализираат со помош на надворешни експерти во поглед на техничките прашања и  дизајнот.
    Дебатите ќе ги организира Центарот за развој на Југоисточниот плански регион во координација со општините. Учество ќе земат сите заинтересирани страни (бизнис сектор, експерти, граѓани итн.)
    Целта на јавните дебати е да се добие целосен увид и преглед на моменталната  состојба на инфраструктурата во регионот и да се подобри истата преку анализите од дискусиите во општините со помош од соодветни експерти. Истите ќе послужат за изработка на стратешки документ Студија на можности која ќе послужи за подобрување на патната инфраструктура во Југоисточниот регион.
    Студијата на Можности ќе биде подготвена и доставена до сите заинтересирани страни во иднина.
 
    Во вторник,10.12.2013 година, во просториите на Општина Богданци со почеток од 11.30 часот ќе се одржи една од предвидените десет јавни дебати од овој вид.
 
Агендата можете да ја симнете од дадениот линк:
 
 
 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
860055

Посетители

1400594
Денес
Вчера
Оваа недела
Овој месец
Вкупно
104
1717
7911
44187
1400594

Server Time: 2018-02-25 05:58:57
Joomla template by Joomlashine.com