Општина Богданци                                                                                          

Занимливости за Општина Богданци

Католичка црква

 

   Католичката парохија од источен обред во Богданци е од самиот почеток на Кукушката унија. Првата црква е изградена во 1884 година. Посветена е на светите браќа Кирил и Методиј, а ја осветил владиката Лазар Младенов.
   Интересно е да се спомене дека парохијаните се автохтони со еден дел дојдени од Паљурци.
 

Најави

Јавна трибина за одгледувачи на цвеќе

   На ден 31.07.2013, Среда, со почеток од 20.30 часот во салата на Советот на Општина Богданци ќе се оддржи трибина за одгледувачите на цвеќе. Предавач ќе биде дипломиран агроном инженер Атанас Василев.

 

Јавна трибина „Почва“

   Во просториите на СОУ„Богданци“ – Богданци, на ден 23.07.2013 година  (вторник), со почеток од  20:15 часот, општина Богданци  организира Јавна трибина на тема: Почва (елементи во почвата, исхрана на растенијата, почвена анализа, техники и обработка на почвата, ѓубрива и нивна примена, апсорбативна способност на почвата).

 

Дискусија за придобивките и можностите од формирање на водна заедница

   Среда 24.07.2013 со почеток во 20.30 часот Анастасија Олумчева, Градоначалник на Општина Богданци организира јавна дискусија за можностите и придобивките за формирање на водна заедница во населено место Селемли. Дискусијата ќе се оддржи во просториите на основното училиште во населено место Селемли.

 

Инфо ден за измени на ИПАРД Програмата

   Се известуваат сите заинтересирани страни и пошироката јавност од  Општина Богданци дека Телото за управување со ИПАРД при Министерството за земјоделство, шумарство и водостопанство, на ден 03 јули 2013 година (среда) со почеток од 15.30 часот во просториите на СОУ Богданци (кабинет по музичко) ќе спроведе на територијата на нашата општина активност - инфо ден - на кој ќе бидат презентирани кои ги нудат новите измени на ИПАРД Програмата 2007-2013 и начинот на користење на средства од програмата.

Презентирање на проектот на УСАИД за “Општински стратегии за климатски промени“

   Здружението Мрежа за рурален развој на Република Македонија од Скопје заеднички во партнерство со Општина Богданци, доби можност да биде меѓу првите општини во Македонија кои ќе изготвуваат Општинска стратегија за климатски промени. Активностите за изготвување на ваквата стратегија се поддржани од проектот на УСАИД “Општински стратегии за климатски промени“ кој се спроведува од страна на  Милиеуконтакт Македонија.
   За изготвување на стратегијата за климатски промени во Општина Богданци ќе се користи методологијата на “Зелена Агенда“ која е развиена од страна на Милиеуконтакт Интернационал и досега e спроведувана во 40 општини во Централна и Источна Европа на теми поврзани со заштитата на животната средина и културата.
Првиот јавен состанок на засегнати страни ќе се одржи на 14.06.2013 година (петок), во ОУ„Петар Мусев„ Богданци со почеток во 20:00ч,
 
Целите на состанокот се:
 
Презентирање на проектот на УСАИД за “Општински стратегии за климатски промени“
Презентирање на методологијата на Зелена Агенда за изготвување на стратегии за климатски промени
Презентирање на резултатите од неодамна спроведената анкета за утврдување на вредностите на граѓаните на општина Богданци
Формирање на работни групи кои ќе ја изготвуваат стратегијата за климатски промени и ќе развиваат пилот- проекти
 
   На овој прв состанок учество ќе земат учество Директорот на Милиеуконтакт Македонија г. Игор Славкоски, претставник од УСАИД, Градоначалничката на Општина Богданци г-ца Анастасија Олумчева. 
 
Покануваме сниматели, фоторепортери и новинари во просториите на ООУ „Петар Мусев“ – Богданци во 19.45 часот
 

Награди по повод 5 Јуни - Светски ден на животната средина

   По повод 5 Јуни – Светски ден на животната средина, Општина Богданци распиша Конкурс за климатските промени на глобално и локално ниво. Конкурсот траеше до 30.05.2013 година, а право на учество имаа сите ученици од прво до осмо одделение од основните училишта во општината и учениците од СОУ “Богданци“.
   Наградените творби од овој Конкурс ќе им бидат доделени на учениците на 5 јуни со почеток во 11.30 часот во кабинетот на градоначалникот на Општина Богданци.
   Своите творби учесниците ги доставија според пропишаните пропозиции и тоа во форма на проза, поезија, цртежи и фотографии во три категории:
- I категорија за ученици од I до IV одделение на тема: „Да ја заштитиме планетата Земја“;
- II категорија за ученици од V до VIII одделение на тема: „Климатските промени – опасна закана“;
- III категорија за ученици од I до IV година средно образование на тема: „Климатски промени“.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
777677

Посетители

1269726
Денес
Вчера
Оваа недела
Овој месец
Вкупно
127
1747
3939
18970
1269726

Server Time: 2017-12-13 03:29:37
Joomla template by Joomlashine.com