Општина Богданци                                                                                          

Занимливости за Општина Богданци

Настани

ОДБЕЛЕЖАН ДЕНОТ НА ОСЛОБОДУВАЊЕТО НА БОГДАНЦИ

Денес достојно се одбележа 10 Октомври,Денот на општината, 71 годинаод ослободувањето на Богданци од фашистичките окупатори. Свеченото одбележување започна со положување на свежо цвеќе на бистите на паднатите борци и спомен-плочата на  Васо Марков, партизан од Серменин кој загинал при воените дејствија во Богданци, од страна на градоначалникот Анастасија Олумчева, претседателот на Советот Блаже Шапов,членови на Советот,претставници од Сојузот на борците и нивни продолжувачи, претставници од општинските училишта и граѓани кои им оддадоа достојна почит на луѓето заслужни за нашата слобода.

Потоа следуваше мала програма приредена во просториите на Дом наКултура „Бранд Петрушев“ – читање на поемата „АКО“ од Трајче Кацаров од страна на ученици од СОУ „Богданци“ под менторство на професорите Соња Србова и Верица Ризовска, а музички придружувани од професорот Бранко Сапламаев.

По повод Денот на општината, од страна на општината беше организиран награден литературно-ликовен конкурс за учениците од основните и средното учулиште на тема „Го сакам Богданци“, а резултатите за освоено прво, второ и трето место беа соопштени на оваа свеченост.

Воедно градоначалникот на општина Богданци, Анастасија Олумчева и Претседателот на Советот, Блаже Шапов, на своите сограѓани им го честитаат Денот на општината, а на граѓаните на Република Македонија - 11-ти Октомври,денот на Народното востание.

Почит и слава до сите херои кои несебично ги дале своите животи во ослободувањето на својата татковина! 

 

 

ГРАЃАНСКИ ФОРУМ ЗА БРЕНДИРАЊЕ НА ОПШТИНА БОГДАНЦИ

На ден 08.10.2015 во просториите на салата на советот во општина Богданци беше оддржан Грагански форум за брендирање на општина Богданци. Форумот беше организиран од страна Националниот демократски институт во соработка со општина Богданци. Настанот беше модериран од страна на Славица Билјарска консултант а со свое присуство не удостои и директотрот на НДИ Македонија Крис Хеншоу.

На форумот свое учесто земаа засегнати невладини организации, правни субјекти, јавни институции и грагани.

МЛАДИ УМЕТНИЦИ ОД ОПШТИНА БОГДАНЦИ НА „ПРАЗНИКОТ НА ПЛОДОРОДИЕТО“ ВО ЌУСТЕНДИЛ ЦРТАА НА ТЕМИ ПОВРЗАНИ СО ЕСЕНТА И ПЛОДНОСТА

Во рамки на проектот за прекугранична соработка помегу општина Богданци и општина Ќустендил “Отворена врата за културна размена – градење на заедничка европска иднина”, млади уметнициод општина Богданци во периодот од  02.10 до 04.10.2015 присуствуваа на фестивалот на плодноста, кој традиционално секоја година се оддржува во Ќустендил.

На настанот се црташе на теми поврзани со есента и плодностаа, а фотографиите ќе се изложат во новиот објект во Ќустендил „OBJECT“366 што се реконструираше во рамки на проектот.

„Празникот на плодноста“ ја крунисува есента во гр. Ќустендил и го покажува повторно како град –„Мајка на овоштарството“.

На настанот меѓу другото, можеа да се забележат убаво аранжирани катчиња со овошје и зеленчук, а во богатата уметничка програма организирана од Општина Ќустендил учествува ансамбли од Бугарија, Македонија и Србија.

 

 

И ОПШТИНА БОГДАНЦИ БЕШЕ ДЕЛ ОД АКЦИЈАТА МАКЕДОНИЈА БЕЗ ОТПАД

 

Во соработка со ЈП „Комунална Чистота“ и општина Богданци беше дел од акцијата „Македонија без отпад“ која се спроведе на 03.10.2015 година.

Истата беше спроведена надвор од оградата на градската депонија во Богданци.

Во рамки на оваа кампања беа соберени околу 100м3 отпад кои со помош на ЈП „Комунална Чистота“ беа депонирани на градската депонија.

Во реализација на акцијата беа вклучени и учениците од училиштата на територијата на општина Богданци кои ја спроведоа истата во своите училишни дворови и внатре во своите училници.

ЛЕТЕН КАМП НА ПАЉУРЦИ

Во периодот од 18 до 20 Септември 2015 година со благослов на Н.В.П. монс. д-р Киро Стојанов, Скопски бискуп и Апостолски егзарх во Македонија, Католичката црква во Македонија во соработка со општина Богданци организира камп за млади на локалитетот Паљурци.

На кампот, свое учество ќе земат повеќе млади лица од повеќе места од Македонија, а тема водителка е „Година на семејството“.

Кампот ќе заврши во Недела, 20 септември, со Молебен до Пресвета Богородица Утешителка со почеток во 14.00 часот. Покрај учесниците на кампот на молебенот се повикани да присуствуваат и верници од парохиите.

ДЕН БЕЗ АВТОМОБИЛИ

Општина Богданци се вклучува во одбележување на „Европската недела на мобилност“ и по тој повод организира настан на 22 септември – „Ден без автомобили“, во кој ќе бидат вклучени учесници со велосипеди, тротинети, ролери, скироли и пешачење.

 Во таа насока, Ве известуваме дека истиот ќе се одржи на ден 22 септември (вторник), со почеток во 08:00 часот.

Старт: Автобуска станица - Богданци

Цел: ООУ„Кирил и Методиј’ Стојаково

На настанот ќе учествуваат: учениците од средното општинско училиште, основните училишта и градинките во општина Богданци.

 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1089343

Посетители

1715224
Денес
Вчера
Оваа недела
Овој месец
Вкупно
1088
1460
13087
36969
1715224

Server Time: 2018-08-20 15:10:33
Joomla template by Joomlashine.com