Општина Богданци                                                                                          

Занимливости за Општина Богданци

Настани

СО ЉУБОВТА ШЕГУВАЊЕ НЕМА

ИНТИМЕН ТЕАТАР – Битола
СО ЉУБОВТА ШЕГУВАЊЕ НЕМА
по текстови од: Алфред Де Мисе и документарни материјали

датум на оддржување: 22.08.2015 (Сабота), 20.30 часот

место: Дом на Културата „Бранд Петрушев“ Богданци

режија: Софија Ристевска
играат: Здравко Стојмиров, Катерина Аневска и Стефанија Милевска
кореографија: Кире Миладиноски и Стефанија Милевска
костими: Модно студио Анастасија
дизајн на звук и избор на музика: Златко Кузевски
дизајн на светло: Игор Мицевски

„СО ЉУБОВТА ШЕГУВАЊЕ НЕМА“, е создадена врз идејата за денешниот неолиберализам, којшто го проголтува и уништува секој човечки напор за живеење надвор од матрицата на истиот. Во денешниот свет, конструиран само и единствено врз правилата на КАПИТАЛОТ, човекот за жал нема многу избор за алтернативи, освен да се потчини и да се постави во функција на парите. И кога капиталот е основниот параметар по којшто се конструира и структурира еден живот, тогаш доаѓаме до заклучокот дека всушност СО КАПИТАЛОТ ШЕГУВАЊЕ НЕМА, а дека ЉУБОВТА Е ПОСТУДЕНА ОД КАПИТАЛОТ. Точно за тоа зборува и нашата претстава. Денес може да се шегуваш со љубовта, но не и со капиталот. Не со финансиите на големите корпорации, затоашто најприфатливата особина на современиот човек е неговата потрошувачка и финансиска моќ. Љубовта оди на заден план, затоашто невлегува во концептот на капиталистичко - политичките односи што во моментов владеат во светот. Во општество на несолидарност и краен финансиски егоизам, нема место за љубов. Во нашата претстава, ги спротивставуваме љубовта и капиталот, ги ставаме во арена и ги анализираме резултатите од тој чин. Во свет на потрошувачко општество, љубовта којашто некогаш била основната жива и движечка сила за човекот, денес е константно поставувана на испит и секојдневно и масовно манипулирана. 
„СО ЉУБОВТА ШЕГУВАЊЕ НЕМА“, е повик за создавање на еден похуман, посолидарен и социјално рамноправен свет, кадешто индивидуата ќе има право на слобода и љубов, затоашто точно игнорирањето на овие две категории, може да не чини многу!
Софија Ристевска - режисер

ЗАПОЧНА БОГДАНСКО КУЛТУРНО ЛЕТО - 2015

Почетокот на Богданско Кулурно Лето – 2015 беше резервиран за промоција на зборникот на политички затвореници – Втор том, од страна на ЗГ политички прогонувани, затварани и осудувани за самобитноста на македонскиот народ и неговата државност.

Свечената промоција беше оддржана на 13.07.2015 година (Понеделник) во 21.00 часот во малата сала на Дом на култура „Бранд Петрушев“ Богданци.

Документи, фотографии и копии од пресуди се дел од содржината на вториот том на зборникот кој претставувасведошто за тоа што претрпеле граѓаните и нивните семејства. Авторот Никола Андонов изјави дека зборникот ги обработува пресудите на лицата, кои од 1945 година наваму важеле за противници на комунистичкиот режим.

Првиот Зборник е издаден во 2007 година, но на барање и предлози на голем број политички затвореници и нивните наследници, по долгогодишно макотрпно собирање на материјали е создаден и вториот том.

 

проширување на уличната мрежа во општина Богданци

 

Согласно Програмата за улично осветлување на подрачјето на општина Богданци за 2015 година,во тек е проширување на мрежата за јавно осветлување.

Беа поставени нови канделабри и нови светилки на ул.Браќа Миладиновци, Крушевска, Васо Марков, Бошко Буха, Братство Единство, Првомајска, Браќа Миладиновци и Осоговска, како и на дел од ул.Ѓуров Дол.

Паралелно со инсталирањето на нови линии за улично осветлување и докомплетирање на постојните се вршат и интервенции за отстранување на оштетените сијалични места и се вградуваат нови. На овој потег поставени се 35 нови светилки.

Општина Богданци продолжува со активноста за проширување на мрежата за јавно осветлување  во сите населени места во општината, согласно планираните локации во Програмата.

Проширувањето  на  мрежата за јавно  осветлување  значително ќе ја подобри осветленоста на локалните патишта и ќе придонесе за поголема безбедност на сите учесници во сообраќајот.

 

ОДБЕЛЕЖАН ПАТРОНИОТ ПРАЗНИК ВО ООУ ПЕТАР МУСЕВ БОГДАНЦИ

На 30.04.2015 година ООУ „Петар Мусев“ Богданци  го одбележа  Патрониот празник со Партнер училиштето„Мехмет Дерала“ од Градец, општина Врапчиште во рамки на Проектот на УСАИД за меѓуетничка интеграција.

По полагање на цвеќе на спомен бистите во паркот, програмата беше збогатена со бројни активности и истата беше проследена од гости како и претставници од канцеларијата за локален економски развој, Државниот просветен инспекторат, МЦГО - УСАИД и ТВ Вис. На заедничко задоволство на сите учесници се реализираа сите планирани активности: Час во природа на Паљурци, Спорски игри, Мала хемиска лабораторија како и  Заеднички настапи во културно-уметничката програма со вкупно 150 ученици. 

 

САД Помага во реновирање на средно училиште во Богданци

Денес, 22 Април 2015 година, Проектот на УСАИД за меѓуетничка интеграција во образованието (ПМИО) заедно со општина Богданци го прославија завршувањето на реновирањето на средното училиште „Богданци“. Процесот на реновирање, финансиски поддржан од Владата на САД преку Европската команда на американската војска (ЕУКОМ) ја покажа моќта на заедничката работа преку ангажирање на сите членови на заедницата во процесот. Фондовите беа овозможени преку учеството на училиштето во ПМИО на УСАИД.

Импресивно е што сé можеме да постигнеме кога работиме заедно. Обезбедувањето на помош за луѓето од Македонија преку програми како што е ПМИО е еден начин на кој можеме да го зајакнеме нашиот однос со вас и да работиме заедно за да поттикнеме и изградиме меѓуетничка интеграција во вашата заедница и низ целата земја“ рече Потполковник Џенифер Форд, Воздухопловното Аташе при Амбасадата на САД во Скопје.

Градоначалникот на општина Богданци, г-а Анастасија Олумчева, Директорот на средното училиште Богданци г-ѓа Емилија Минева, исто така одржаа свои говори и и помогнаа на Потполковник Џенифер Форд во сечење на лентата.

Едно од клучните достигнувања на овој проект е дека сите основни и средни училишта во Македонија се дел од проектните активности, како и општините, родителите и локалните заедници. Дополнително, советниците и просветните инспектори од Бирото за развој на образованието (БРО) на национално и регионално ниво се вклучени во постигнувањето на одржлива промена и во активностите за зајакнување на капацитетите. Воспоставени се повеќе од 100 партнерства во кои наставниците и учениците од училишта со настава на различен наставен јазик соработуваат. Повеќе од 250 ученици беа дел од креативните работилници организирани со етнички мешани групи. Повеќе од 260 ученици учествуваа во Дебатниот клуб.

Училиштата кои работат со Проектот на УСАИД за меѓуетничка интеграција во образованието имаат можност да аплицираат за средства за реновирање достапни од Европската команда на Американската војска. До сега, ПМИО помогна на 35 заедници во нивните напори да ги подобрат училишните објекти, овозможувајќи им достапност на ученици со посебни потреби, и заложувајќи се да помогне на уште 13 во следната година. ПМИО е четири годишна иницијатива вредна 5.2 милиони долари која соработува со сите релевантни образовни институции, поддржувајќи ги напорите на Владата на Република Македонија во процесот на етничко интегрирање. Проектот има за цел да обезбеди повисоко ниво на свест кај луѓето, обуки за разновидност, техничка помош и стимул за училишните одбори, директори, наставници и претставници на администрацијата. 

ОТВОРЕН ДЕН НА АВРМ ВО БОГДАНЦИ

Во рамки на проектот „Отворен ден“ директорот на Агенцијата за вработување Влатко Поповски, вчера во 15:00 часот во Богданци се сретна со невработени лица и работодавачи.

На средбата, во присуство на раководителот на Центарот за вработување Гевгелија,  Даница Гаврилска, беа разменети мислења и искуства околу мерките на АВРМ за вработување и планирањата за во иднина во врска со зголемување на вработеноста.

Поповски ги објасни четирите нови мерки кои ќе бидат објавени во периодот Мај/Јуни и во истите ќе бидат опфатени невработени лица од сите возрасти. Оперативниот план најмногу ги бенефицира младите, како и другите невработени лица, а сите кои имаат потреба ќе ги добијат услугите на Агенцијата, потенцираше Директорот.

Тој информираше дека наскоро канцеларија на Агеницијата за вработување во Богданци ќе работи пет дена во неделата.

 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1089343

Посетители

1715224
Денес
Вчера
Оваа недела
Овој месец
Вкупно
1088
1460
13087
36969
1715224

Server Time: 2018-08-20 15:10:33
Joomla template by Joomlashine.com