Општина Богданци                                                                                          

Занимливости за Општина Богданци

Настани

ОТВОРЕН ДЕН НА АГЕНЦИЈАТА ЗА ХРАНА И ВЕТЕРИНАРСТВО И ВО ОПШТИНА БОГДАНЦИ

Агенцијата за храна и ветеринарство денес во општина Богданци со почеток во 09:30 часот организираше отворен ден, на кој беше промовиран Водичот за новите правила за означување  на храната во Европската Унија.

На оваа средба,  компаниите од земјоделско – прехрамбениот сектор добија информации за прашања во доменот на работата на оваа институција како и за начинот на обезбедување на информации за храната на потрошувачите, кој секогаш треба да биде транспарентен и во согласност со домашните прописи кои треба да се усогласат со прописите на Европската Унија.

 

промовиран проектот пристап на микропретпријатијата до јавните набавки

УСАИД, Центарот за грагански комуникации и Едукативно хуманитарната организација (ЕХО) Штип во соработка со општина Богданциво вторникот на ден 16.02.2015во кабинетот по информатика  во ООУ Петар Мусев  го промовираа  проектот „Пристап на микропретпријатијата до јавните набавки“, со оддржување на еднодневна обука на истата тема наменета за локалните микро претпријатија .

Целта на овој проект е да го олесни пристапот на малите и на микропретпријатијата до пазарот на јавни набавки, придонесувајќи за нивен одржлив развој и подобро искористување на нивните потенцијали за создавање работни места, раст и иновации. Од друга страна, на договорните органи проектот треба да им овозможи постигнување пониски цени и повисок квалитет во јавните набавки.

Обуката во општина Богданци ја посетија претставници на 10 локални микро претпријатија.   Општите услови за учество на претпријатијата во проектот и за нивно квалификување за добивање помош се претпријатието да има производи и услуги кои се барани на огласите за јавни набавки и да има максимум до 9 вработени. Предност им се дава на оние мали и микропретпријатија кои немаат никакво или имаат сосем мало искуство со јавните набавки, како и на оние кои имаат барем основна информатичка опрема.

 

ОПШТИНА БОГДАНЦИ ДЕЛ ОД АКЦИЈАТА ДЕН НА ДРВОТО – ЗАСАДИ ЈА СВОЈАТА ИДНИНА

И во општина Богданциуспешно беше спроведена акцијата „Ден на дрвото-засади ја својата иднина“, еколошка акција која се спроведува низ цела Македонија.

Се пошумуваше на м.в. „Паљурци“, а пошумувањето се изврши на површина од околу 2 ха со 3000 садници на чемпрес, јасен, јавор и багреми, како и декоративни палми одгледувани од сопствен расадник на ЈП „Комунална Чистота“ Богданци.

Во акцијата беа вклучени ученици, наставници, вработените во општинската администрација, вработенитево ЈП „Комунална Чистота“ Богданци и заинтересирани граѓани, за што бешеобезбеден автобуски превоз од автобуската астаницадо местото на пошумување.

Локацијата каде што се пошумуваше беше посетена и од страна на Министерот за одбрана на Р.Македонија, г-ин Зоран Јолевски.

ЕДУКАЦИЈА НА ТЕМА: ПАУШАЛНО ОДАНОЧУВАЊЕ НА ЗЕМЈОДЕЛЦИТЕ НА ПРИХОДИТЕ ОД ЗЕМЈОДЕЛСКА ДЕЈНОСТ

Ве известуваме дека Управата за јавни приходи врши едукација на тема: Паушално оданочување на земјоделците на приходите од земјоделска дејност и нивна преработка за 2014 година.

Локација:Сала на Совет на општина Богданци.

Термин: Четврток со почеток во 12:00 часот.

Ги повикуваме сите заинтересирани земјоделци да присуствуваат на оваа едукација.

ЌЕ СЕ СПРОВЕДЕ АКЦИЈАТА МАКЕДОНИЈА БЕЗ ОТПАД

Во сабота (18.10.2014 година)  со почеток во  08:30 часот во центарот на Богданции позади новите Градски гробишта ќе се спроведе кампањата „Македонија без отпад“ која има за цел да допринесе за здрава и чиста животна средина и развивање на свеста кај граѓаните за правилно управување со отпадот.

Сите заинтересирани граѓани  можат  да се вклучат во акцијата . Целиот отпад што ќе биде собран ќе биде подигнат од страна на ЈП„Комунална Чистота“.

Годинешната акција е поддржана од општина Богданци во соработка со ЈП „Комунална Чистота“, а организатори се Министерството за животна средина и просторно планирање и асоцијацијата „Ајд'Eе Македонија“.

ТРКАТА ЗА МИРОТ И ВО ОПШТИНА БОГДАНЦИ

Учесниците на трката за мирот, која оваа година се организира по 27ми пат, ја посетија и општина Богданци откако ја поминаа границата на Македонија кај Богородица денес во 15:00часот.

На влезот во Богданци тие беа пречекани од ученици и спортисти од нашата општина и така придружувани поминаа низ улицата Маршал Тито по што следуваше мала свеченост во Градскиот Парк.

Трката на Мирот (Peace Run) е глобална штафетна трка во која сите учесници го промовираат мирот, пријателството, и хармонијата помеѓу луѓето, предавајќи го факелот од рака в рака.

Интернационалните тимови на тркачи преминуваат многу граници, и на тој начин ги поврзуваат училиштата, институциите, организациите и луѓе од различни професии.

Трката за Мир, која ја основал Шри Чинмој во 1987 година, досега има опфатено преку 10 милиони луѓе од повеќе од 150 земји во светот. Интернационалниот тим во Европа секоја втора година ги поврзува сите европски земји на единствената патека долга 24.000 км.

Градоначалникот на општина Богданци, Анастасија Олумчева, упати надеж дека пораката што ја носи оваа трка ќе придонесе за светски мир и хармонија.

 
 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1089343

Посетители

1715224
Денес
Вчера
Оваа недела
Овој месец
Вкупно
1088
1460
13087
36969
1715224

Server Time: 2018-08-20 15:10:33
Joomla template by Joomlashine.com