Општина Богданци                                                                                          

Занимливости за Општина Богданци

Настани

ПОТПИШАН ДОГОВОР ЗА СЕРТИФИКАЦИЈА НА ОПШТИНА БОГДАНЦИ ЗА ПОВОЛНО ДЕЛОВНО ОПКРУЖУВАЊЕ

Општина Богданци, заедно со Гази Баба, Прилеп и градот Скопје се новите четири единици на локална самоуправа кои потпишаа договори, со кој чин и официјално започна процесот на сертифицирање за стекнување на регионален печат на локални власти со поволно деловно опкружување (БФЦ СЕЕ).

Сертификацијата на ЕЛС претставува исполнување на одредени стандарди, т.е. одредена гаранција дека постоечките стопанственици, како и потенцијалните инвеститори, добиваат услуги и информации на начин кој им ги олеснува работите кои спаѓаат во надлежност на локалната самоуправа. Сертификатот значи дека ЕЛС документирала и дека процесите и услугите кои ги спроведува во својата работа се во согласност со Критериумите. Понатаму, тоа значи дека стопанствениците можат да очекуваат и одредена помош и партнерски однос со ЕЛС, кога се во прашање работи и процедури кои спаѓаат во надлежност на институциите кои делуваат на национално ниво.

За таа цел,  на свеченоста организирана на 25 септември, 2014 година, во хотелот Александар Палас Градоначалникот на општина Богданци, Анастасија Олумчева, го потпиша договорот за вклучување во процесот на сертификација заедно со Душица Перишиќ, извршен директор на ЗЕЛС и г-дин Митко Алексов, извршен директор на ССК.

Договорите ги потпишаа и Коце Трајановски, Градоначалник на Град Скопје, Тони Трајковски, Градоначалник на Општина Гази Баба и Марјан Ристески, Градоначалник на Општина Прилеп.

Настанот беше организиран во рамките на одржувањето на втората Национална конференција „ Сертификација на општини со поволно деловно опкружување во Југоисточна Европа”., што ја организираа Заедницата на единиците на локалната самоуправа (ЗЕЛС) и Сојуз на стопански комори на Македонија (ССК) кои го сочинуваат Националното сертификационо тело за БФЦ СЕЕ Програмата.

На конференцијата, пред присутните градоначалници, претставниците од општинската администрација и истакнати бизнисмени, се обратија и заменик министерот за локална самоуправа, Љупчо Пренџов, претседателката на ССК Даниела Арсовска, како и градоначалникот на општина Струмица и Претседателот на советот на општина Велес кои како претставници на општини кои веќе се стекнаа со овој регионален сертификат објаснија за големите придобивки кои ги нуди истиот.

Оваа година, во БФЦ СЕЕ програмата во процесот на сертификација, освен четирите единици на локална власт од Република Македонија, вклучени се и 11 општини од Република Србија, 5 општини од Република Хрватска, 9 општини од Федерација Босна и Херцеговина и 6 општини од Република Српска.

Програмата за сертификација за поволно деловно опкружување во Југоисточна Европа (Business Friendly Certification South East Europe (BFC SEE) е единствена регионална програма за унапредување на конкурентноста на локалните самоуправи која се спроведува во Хрватска, Македонија, Босна и Херцеговина и Србија. Проектот е поддржан од Отворениот регионален фонд за Југоисточна Европа – Подобрување на општински услуги при Германското друштво за интернационална соработка (ГИЗ), финансиран од Германското сојузно министерство за соработка и развој.

 

 

ОТВОРЕН ДЕН ЗА ГРАЃАНИТЕ НА ОПШТИНА БОГДАНЦИ СО РАКОВОДИТЕЛОТ НА АД ИССДП СТРУМИЦА

Каква е процедурата за откуп на станови, кој е начинот за добивање на станови под закуп, дали има слободни станови во Богданци и Стојаково.......ова беа најчесто поставуваните прашања од граѓаните на општина Богданци кои во текот на вчерашниот ден беа дел од проектот „Отворен ден на граѓаните реализиран од страна на АД за изградба и стопанисување со станбен и деловен простор.

Околу 25 граѓани се сретнаа со раководителот Маџаров и разговараа за решавање на своето станбено прашање.

Според него, целта на отворениот ден е сослушување на корисниците, нивните барања и потреби, проблемите со кои се соочуваат како и запознавање на истите со новите законски измени.

Градоначалникот на општина Богданци, Анастасија Олумчева, објасни дека ваквите средби се во корист на граѓаните и имаат за цел локалното население да се запознае со начинот на решавање на своите проблеми. 

ДЕН БЕЗ АВТОМОБИЛИ И ВО ОПШТИНА БОГДАНЦИ

По повод  акцијата „Ден без автомобили“, денес со почеток во 10:30 часот учениците од ООУ „Петар Мусев“, ООУ „Кирил и Методиј“ Стојаково, СОУ „Богданци“ и дечињата од ЈОУДГ „Коста Поп Ристо Делчев“ масовно се вклучија во истата.

Маршутата започна да се движи од центарот на Богданци преку новоасфалтираниот пат за Ѓавото до подрачното училиште на ООУ „Петар Мусев“ во с.Ѓавото.

По пристигање во дворот на основното училиште беше организирана и мала забава.

Целта на оваа активност е промоција на алтернативните форми на сообраќај, како пешачење, велосипедизам, подобрување на условите и можностите за користење на овие алтернативни форми на сообраќај како и подобрување на безбедноста на пешаците и велосипедистите во сообраќајот.

И Градоначалникот на општина Богданци, Анастасија Олумчева, денес возеше велосипед и со тоа даде личен придонес во одбележувањето на овој дени во подигањето на јавната свест за зачувување на животната средина.

 

ЗАВРШНА ИЗЛОЖБА НА МЕЃУНАРОДНАТА ГРАФИЧКА РАБОТИЛНИЦА СОФИЈА

Минатата ноќ со почеток во 20:00 часот во просториите на печатница „Софија“ беше оддржана завршната изложба на седмата Меѓународна графичка работилница „Софија“.

На изложбата беа претставени делата што во последните десет дена ги создадоа 18 уметници од Македонија, Србија, Бугарија, Хрватска, Босна и Херцеговина и Словенија, кои зедоа учество на годинешното издание на работилницата.

Целта на овој собир според организаторите беше младите и талентирани автори да можат да разменат искуства и услови за реализација на нивните дела, имајќи во предвид дека графиката е помалку застапена во регионот.

Графичката работилница Софија прв пат  беше оддржана во 2008 и во истата свое учество зеле повеќе од 100 млади графичари од целиот регион.

Овој настан беше предвиден и како таков финансиски поддржан од општина Богданци согласно Програмата за финансирање на културните активности во општина Богданци за 2014 година. 

 

 

ВО БОГДАНЦИ МОТО СОБИР ОД ОТВОРЕН КАРАКТЕР

 

Како што претходно беше најавено, во Саботата на паркингот на „Млаз Богданци“, мото клубот „Reapers MC Macedonia“го организираше својот мото собир кој беше од отворен карактер.

По собирот,односно пречекот на гостите кои дојдоа од цела Македонија, тргна дефилето кое се движеше од Богданци до Дојран и назад, за потоазабавата да продолжи до утринските часови заедно со неколку музички имиња, скара и пиво.

Настанот беше поддржан од општина Богданци.

 

СО МОНОДРАМАТА ДА СЕ БИДЕ МАКЕДОНЕЦ ЗАПОЧНА КУЛТУРНОТО ЛЕТО ВО ОПШТИНА БОГДАНЦИ

Со изведба на претставата „Да се биде македонец“, чиј автор и изведувач е актерот Петар Темелковски, минатата ноќ на амфитеатарот Паљурци, со почеток во 21:00 часот, започна Културното лето во Општина Богданци.

Оваа традиционална манифестација години по ред ја организира Дом на Култура „Бранд Петрушев“ Богданци, додека покровители на истата се општина Богданци и Министерство за Култура. Културното лето  и оваа година ќе го оддржи исклучителниот епитет на традиционално зближување на граѓаните од Општина Богданци со спој на музика, театар и игри.

Пред присутните се обрати и Градоначалникот на општина Богданци, Анастасија Олумчева, која го изрази своето задововолсто за организацијата на оваа манифестација а на граѓаните на општина Богданци им порача прекрасен помин и убаво лето.

Културните содржини се распределени на повеќе локалитети во општината меѓу кои оваа година се наоѓа и Амфитетарот Паљурци, идеален за вакви манифетсации, со цел да се создадат услови за рамномерен културен развој и да се создаде можност граѓаните на Општина Богданци во што поголем бројда се доближат до културните вредности.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1089343

Посетители

1715224
Денес
Вчера
Оваа недела
Овој месец
Вкупно
1088
1460
13087
36969
1715224

Server Time: 2018-08-20 15:10:33
Joomla template by Joomlashine.com