Општина Богданци                                                                                          

Занимливости за Општина Богданци

Настани

Оддржан работен состанок со НВО секторот во општина Богданци

Врз основа на заложбите за поинтензивна соработка со граѓанскиот сектор, а согласно годишната Програма на оделението за ЛЕР во делот на активноста: Финансирање на локални микро проекти од различни области, оделението за ЛЕР на ден 23.06.2016 организираше работен состанок со претставници од НВО секторот во општина

На состанокот беа образложени оперативните насоки за користење на финансиски средства од Буџетот на општина Богданци преку програмата за активностите на Општина Богданци во областа на Локалниот економски развој  за 2016 година и целата методологија за распределба на овие средства опфатена во нив

НВО секторот го поддржа моделот на распределба на средства по пат на јавни повици со барање во иднина за зголемување на финансиските средства по повик како и бројот на повици во текот на една година.

Општина Богданци во партнерство со локални компании зеде учество на 13-от по ред Саем за градежништво - Скопски саем

       

 

         Општина Богданци во соработка со локалните компании Франи Пласт, Ники и Фенико 2000 активно се вклучи во рамките на Меѓународен саем на градежништво, градежни материјали и градежна механизација на Скопскиот саем.

        110 компании од земјава и од странство се претставени во три хали на Скопскиот саем на 13-от по ред Саем за градежништво и на 6-от по ред Саем за недвижности „Real Expo“, кој е отворен за посетителиод 01-05.03.2016 год. Покровител на саемската манифестација годинава е Министерството за финансии, која пред посетителите ќе ги претстави владините проекти „Купи куќа, купи стан“ и „Купи куќа за млади“. На годинешниов Саем за градежништво зедоа учество 90 компании, додека на Саемот за недвижности се претставени 20 компании. Покрај од нашата земја присутни се и учесници од Германија, Турција и Србија.

        Од Скопски саем очекуваат околу 15.000 посетители.

 

ДЕНОВИ НА ЌУСТЕНДИЛСКАТА КУЛТУРА ВО БОГДАНЦИ

Во рамки на проектот за прекугранична соработка помегу општина Богданци и општина Ќустендил “Отворена врата за културна размена – градење на заедничка европска иднина”, делегација од општина Ќустендилво периодот од  13.11 до 15.11.2015 беше во посета на општина Богданци, домаќин на настанот под наслов „Денови на Ќустендилската култура во Богданци“.

Случувањата се одвиваа во реновираните простории на Дом на Култура „Бранд Петрушев“ Богданци. На 14.11.2015 година (Сабота) во периодот од 11.00 до 13.00 часот се поставувапе изложбата на сликите кои беа цртани од страна на млади уметници од Богданци и Ќустендил на „Празникот на плодородието“ во Ќустендил. Потоа следуваше Претставување на ЦД Мултимедија за културното наследтво на Богданци од страна на Васко Марковски, а беше оддржан и форум на тема: Перспективите на културната соработка меѓу Ќустендил и Богданци. Во панел-дискусијата учествуваа претставничките на Општина Ќустендил Слава Соколова и Љубљана Начева, а како домаќини, Илија Тумбов - публицист и хроничар, Никола Шелдаров - археолог, Ристо Лазаров - музички педагог и етнологот Петар Стојчевски. Дел од програмата беше и поетскиот дел кој го отвори поетесата Светла Радкова од Ќустендил, а заврши со читање на поемата „Ако“ од Трајче Кацаров, која ја изведоа Цвета Ангелова и Тина Танчева, ученички од СОУ „БОГДАНЦИ“, под менторство на професорките Верица Ризовска и Соња Србова, а придружувани со клавир од професорот Бранко Сапламаев.

Отварањето на изложбата беше проследено со музичко интермецо во изведба на оркестарот од СОУ „Богданци“, предводен од проф. Ристо Лазаров.

Настанот беше заокружен со вечерниот концерт со кој се претставија детската вокална група „Калпазани“ од Ќустендил и група млади музичари од Богданци.

      

Оваа активност како дел погореспоменатиот проект  што општина Богданци ја имплементира во партнерство со општина Ќустендил, Република Бугарија се реализира со средства обезбедени од ИПА - Програмата за прекугранична соработка на Европската Унија. Фокусот на проектот е да се изгради трајно пријателство и соработка помеѓу граѓаните на Богданци и Ќустендил, преку запознавање со културата и уметноста од двата регионa.

Презентација на уметничкото и културно наследство на Ќустендил во рамки на настанот „Денови на ќустендилската култура во Богданци“

      Во периодот од 13 до 15 Ноември општина Богданци ќе биде домаќин на настанот под наслов „Денови на ќустендилската култура во Богданци“. Во рамки на настанот ќе има претставувања од различни области: ликовна изложба, поетско читање, концерт и форум. Во Сабота, на првиот ден од настанот со почеток во 16:30 часот па сè до вечерните часови, ќе се претставуваат млади уметници од областа на поезијата, ликовната уметност и музиката, додека во Недела ќе се одржи форум на тема: Перспективите на културната соработка помеќу Ќустендил и Богданци.  Настаните ќе се одржуваат во просториите на Домот на културата „Бранд Петрушев“ во општина Богданци и во истите свое учество ќе земат уметници од Богданци и уметници од Ќустендил.

      Оваа активност е дел од проектот “Отворена врата за културна размена-Градење на заедничка европска иднина, што општина Богданци ја имплементира во партнерство со општина Ќустендил, Република Бугарија, а се реализира со средства обезбедени ИПА - Програмата за прекугранична соработка  на Европската Унија. Фокусот на проектот е да се изгради трајно пријателство и соработка помеѓу граѓаните на Богданци и Ќустендил, преку запознавање со културата и уметноста од двата региони. 

КАМПАЊА ПОД МОТОТО КЛИМАТА СЕ МЕНУВА, ОД НАС ЗАВИСИ

Во саботата на 31 Октомври жителите на општина Богданци имаа можност да се вклучат во кампањата под мотото „Климата се менува, од нас зависи“ која ја спроведува Милиеуконтакт Македонија во рамките на Проектот на УСАИД Општински стратегии за климатски промени.

Со кампањата која таргетира млади луѓе на возраст од 10 – 17 години успешно беше испратена пораката дека климатските промени и уништувањето на животната средина во голема мера се резултат на човековото однесување и затоа преку нашите индивидуални напори сите ние можеме да ги намалиме глобалните закани од климатските промени и со тоа да им помогнеме на нашите локални заедници.

Проектот на УСАИД за Општински стратегии за климатски промени ја користи партиципативната методологија на Зелена Агенда за креирање на локални стратегии за климатски промени во 10 општини во Македонија. Проектот се спроведува од страна на Милиеуконтакт Македонија во партнерство со 10 граѓански организации и 10 општини во Македонија.

Главната цел на проектот е да се подготват општинските чинители подобро да се справуваат со предизвиците кои ги носат со себе климатските промени, а во Богданци партнери во проектот беа општина Богданци, Мрежа за рурален развој на РМ и ПОЛИМАТ 13.

 
 

СТАВЕНИ ВО УПОТРЕБА РЕНОВИРАНИТЕ ПОДРУМСКИ ПРОСТОРИИ ВО ООУ ПЕТАР МУСЕВ БОГДАНЦИ

На пригоден начин, со сечење на лента од страна на Директорката , Стефана Демерџиева и Градоначалникот, Анастасија Олумчева, на 28.10.2015 година беа ставени во употреба реновираните подрумски простории во ООУ „Петар Мусев“ Богданци.

Целокупните активности се одвиваа во насока на целосно ставање во употреба на еден наставнички кабинет, четири училници, санитарни простории, две соблекувални и простории за физичко образование.

Со овие простории ќе се воведе едносменско работење во училиштето при што ќе се обезбеди поефикасно и поекономично одвивање на образовниот процес преку заштеда на енергија како и подобрување на условите за обавување на истиот.

 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1089315

Посетители

1715178
Денес
Вчера
Оваа недела
Овој месец
Вкупно
1042
1460
13041
36923
1715178

Server Time: 2018-08-20 14:55:27
Joomla template by Joomlashine.com