Општина Богданци                                                                                          

Настани

Одржана работилница „Климатски промени и планирање на мерки за прилагодување“

  Изминатиов викенд, поточно во саботата на 02.11.2013 година, во  просториите на СОУ “Богданци“ во рамките на проектот УСАИД Општински стратегии за климатски промени  се одржа  работилница на тема: „Климатски промени и планирање  на мерки за прилагодување“.
 
  Како што е познато овој проект во Општина Богданци се спроведува веќе неколку месеци наназад, а крајна цел е да се изработи Стратегија за климатските промени  во Општина Богданци. Истиот е финансиран од УСАИД и го спроведува Милиеуконтакт Македонија.
 
   Општина Богданци е една од четирите општини во Р. Македонија кои што се избрани за спроведување на овој проект, така што после изготвувањето на Стратегијата, треба да произлезат предлог-проекти кои ќе бидат финансирани од УСАИД.
   

   Во рамките на овој проект, како што рековме, неколку месеци наназад, работат неколку работни групи во различни области, кои ги идентификуваат , анализираат и предложуваат предлог мерки за намалување на влијанието на климатските промени во скоро сите области од општественото живеење.
 
   Конкретно оваа работилница беше осврт на досега сработеното, со учество како на претставници од работните групи, така и претставници од  јавните институции и жители на Богданци. Работилницата ја водеа претставници од Милеуконтакт Македонија, а искуството од работата на овој проект во Казахстан со присутните го сподели гостинот од Вашингтон г-нот Глен Андерсон.
 

Кампања “Да ги заштитиме децата во сообраќајот“

   Во рамките на кампањата “Да ги заштитиме децата во сообраќајот“, а  како дел од Националната стратегија за унапредување на состојбите во безбедноста на сообраќајот, во координација на Републичкиот Совет за безбедност, Општина Богданци се вклучи во оваа кампања во делот на сообраќајното уредување на пешачките премини пред образовните институции.
 
   Акцијата беше изведена вчера и завчера со сообраќајно уредување на пешачките премини пред средното и основните училишта во општината, како и пред детската градинка во Богданци.
 
   Учество во акцијата “Да ги заштитиме децата во сообраќајот“ зедоа учениците од сообраќајната струка при СОУ “Богданци“ и вработени во локалната самоуправа.
Пешаците и понатаму се една од најранливите категории во сообраќајот, каде што во голем број се присутни децата – пешаци, затоа како критични точки се земени премините пред самите образовни институции.

10 Октомври посветен на борците за слобода

   На ден 10.10.2013 година по повод 69 годишнината на Денот на општинате се одбележа ослободувањето на Општина Богданци од фашистичкиот окупатор. 
   Утрово во Општина Богданци Сојузот на борците и Пензионерите заедно со Анастасија Олумчева, Градоначалник на Општина Богданци положија цвеќиња одавајќи им достојна почит на борците кои го овозможија слободното живеење на граѓаните на Општина Богданци.

   Во детската градинка „Коста Поп  Ристов - Делчев“ малите оддржаа кратка претстава пред своите наставници и Анастасија Олумчева. Преку истата го одбележаа значењето на патронот на детската градинка Коста Поп Ристов - Делчев.Денот на општината исто така се одбележа и со свечен ручек на кој Олумчева, пренесувајќи ги своите искрените честитки по повод 10 Октомври Денот на општината, како Градоначалник на Општина Богданци на гостите им порача:
 
 
„Да продолжиме да веруваме во желбите, идеите и луѓето кои ни го овозможија овој слободен ден, овој слободен град и слободна Македонија“
 
   На свечениот ручек гостите ја имаа можноста да уживаат во настапот на прекрасните Марија Илиева и Наталија Трајкова во феноменална музика на виолина и клавир. После настапот следеше и емоционално изведен рецитал од страна на Васил Зафирчев.
   Настанот го затвори одличниот локален клавијатурист Бранко Сапламаев.
   Преку денешниот ден Општина Богданци на своите сограѓани им го честита Денот на општината, оддавајќи им достојна почит на на луѓето кои во минатото се бореле за слободата на овој  народ, за овие поколенија, за слободно Богданци.

Македонија без отпад 2013 во Општина Богданци

   По повод националната акција за чистење „Македонија без отпад 2013 година“, на 05.10.2013 година, Општина Богданци активно учествуваше во истата со цел да се исчисти отпадот кој што се наоѓа на несоодветни места во околината.
 
   Акцијата „Македонија без отпад 2013 година“,се оддржа на 05.10.2013 година (сабота) со почеток во 9.00 часот, на локацијата м.в Самовилец, поточно патот кој води кон манастирчето “Свети Димитриј“.

   Во акцијата учество земаа вработените во општинската администрација како и вработени од ЈП „Комунална чистота“. Волонтерски и со цел соодветно развивање на свеста и одговорноста за неправилното управување со сметот активистите го искористија времето за да го докажат нивното уверување дека секој може да направи разлика доколку се потруди да оддели дел од своето време за правилно управување со сметот.
 
 

Патронат на ООУ „Кирил и Методиј“ - Стојаково

 

   По повод Денот на сесловенските просветители и учители или Денот на светите солунски браќа Св. Кирил и Методиј, во ООУ „Кирил и Методиј“ од Стојаково се одржа свечена приредба по повод патроните на училиштето, каде учениците ги презентираа своите музички и фолклорни успеси во текот на учебната година која изминува.
 
   Вовед во прославата за 24 Мај дадоа учениците Елена и Клементина, а хорот на училиштето изведе песна на латински. Потоа следуваа настапите на школскиот оркестар и изведбата на „Три пеперутки“ од првото одделение.
   Со фолклорни игри и ора се претставија членовите на културно-уметничките друштва од Богданци, ЗКУД „Бранд Петрушев“ и ФА „Мегдан“. ЗКУД „Бранд Петрушев“ се претстави со ората Пајдушко, Деветка и Егејски игри, а ФА „Мегдан“ со ората Тресеница и Водарки.
  Денеска во склоп на празнувањето на 24 Мај, на најуспешните 150 ученици од ова училиште кои во текот на учебната 2012/2013 година постигнале успеси во различни области им беа доделени награди.
 
 

Културно уметничка програма на ООУ „Петар Мусев“

 

   По повод Денот на сесловенските просветители и учители или Денот на светите солунски браќа Св. Кирил и Методиј, синоќа (22.05.2013) ООУ „Петар Мусев“ од Богданци одржа свечена приредба со Програма каде учениците ги презентираа своите музички и фолклорни успеси во текот на учебната година која изминува.
   Воедно овој празник, Денот на сесловенските просветители и учители кој е и државен беше повод на наставниците кои оствариле дваесет години работно искуство во образованието, да им се доделат Признанија.
 
   Вовед во прославата за 24 Мај дадоа учениците од училишниот хор, а „Песна за солунските браќа“ од Видое Подгорец ја рецитираа Милена Милошевиќ и Христина Попѓоргева. Потоа следуваа настапите на балетските групи Twist dance и изведбата на песната „Дечкото од втората клупа“ од Софија Ичкова со која настали на фестивалот „Калинка 2013“.
Со фолклорни игри и ора се претставија членовите на културно-уметничките друштва од Богданци, ЗКУД „Бранд Петрушев“ и ФА „Мегдан“. ЗКУД „Бранд Петрушев“ се претстави со ората Пајдушко, Деветка и Егејски игри, а ФА „Мегдан“ со ората Тресеница и Водарки.
  Денеска во склоп на празнувањето на 24 Мај, на најуспешните 150 ученици од ова училиште кои во текот на учебната 2012/2013 година постигнале успеси во различни области им беа доделени награди.
 
 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
656273

Посетители

1067777
Денес
Вчера
Оваа недела
Овој месец
Вкупно
102
1336
6775
28291
1067777

Server Time: 2017-07-23 02:32:23
Joomla template by Joomlashine.com