Општина Богданци                                                                                          

Занимливости за Општина Богданци

Ратко Јанев - Атомски физичар

 

    Роден е во 1939 година.
    Електротехнички факултет завршил во Белград, Србија. Атомска физика докторирал во Санкт Петербург, Русија.
    Работел во Институтот за нуклеарна физика во Белград; работел во Институтот за физика во Белград; предавал атомска физика на Природно - математичкиот факултет во Скопје; истражувал во Париската опсерваторија, Франција; предавал на институтот Болдер во Колорадо, САД; консултант е на Принстон во Њу Џерси, САД; предавал и истражувал во Лондон, Велика Британија и на Оук Рич во Тенеси, САД; раководел со Секцијата за атомска енергија при ООН во Виена, Австрија; работел во Институтот за фузија во Нагоја, Јапонија;  постојан соработник е на Институтот за физика во Истражувачкиот центар "Јулих" во Германија; професор е на Институтот за применета физика и компјутерска математика во пекинг, Кина.
    Во 2004 година ја добил Хумболтовата награда за физика.
    Од 1987 година е член на МАНУ.
 
HomeОдноси со јавностДонирај од срце

Односи со јавност

ОПШТИНА БОГДАНЦИ ПОМЕЃУ ДЕВЕТТЕ ОПШТИНИ ВО КОИ СЕ СПРОВЕДУВААТ ПРАКТИКИ ЗА ДОБРО ВЛАДЕЕЊЕ

Покрај град Скопје, Струмица, Велес, Илинден, Охрид, Битола, Карпош и Штип, Богданци е помеѓу деветте општини кои спаѓаат во групата на локални самоуправи во кои се спроведуваат практики за добро владеење. Ова го покажува истражувањето што по ЛОТОС метода го спроведе Центарот за истражување и креирање политики.

Истражувањето е за првпат реализано во Македонија ,во рамки на проектот „Размена на најдобрите ЕУ практики за следење на корупцијата на локално ниво“ финансиран од Европската унија.

Според истражувањето, просечниот резултат што го постигнале општините е 3,53, а нема ниту една општина која покажала резултати за да биде вброена во групата на општини со одлично владеење. Најдобри резултати покажале општините од Југозападниот регион, по што следат Пелагонија и Југоисточнот регион.

Според извршниот директор на Центарот, Марија Ристеска, доброто владеење не зависи од степенот на развиеност и од буџетот на општината. Пример за ова е општина Богданци, која иако има мал број жители и мал буџет во однос  на останатите, е шампион во добро владеење.

Истражувањето по ЛОТОС методата е спроведено во соработка со организацијата ГОНГ од Хрватска каде досега се спроведени три вакви истражувања.

Центарот за истражување и креирање на политики планира истражувањето да го спроведува секоја втора година, а веќе од следната најави дека ќе бидат опфатени сите општини во државата.

  

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
604736

Посетители

980738
Денес
Вчера
Оваа недела
Овој месец
Вкупно
691
614
4339
29910
980738

Server Time: 2017-04-28 19:35:57
Joomla template by Joomlashine.com