Општина Богданци                                                                                          

Соопштение за проектот „Општинско - корисна работа“

   Општина Богданци ги повикува сите евидентирани невработени лица (активни баратели на работа) жители на општина Богданци кои своето вработување сакаат да го решат во рамките на програмата за опшптинско корисна работа (Проект: Промовирање на одржливи вработувања 2 и поддршка на Владата во спроведување на оперативниот план за активни програми и мерки за вработување 2013) да се пријават во центарот за вработување на АВРМ Гевгелија со пополнување на пријава за учество во програмата за ОКР и изјава за согласност.
 
На јавниот оглас може да се пријават невработени лица од следните целни групи:
- Деца без родители
- Жртви на семејно насилство
- Бездомни деца
- Поранешни корисници на дрога
- Родители на деца на улица
- Самохрани родители 
- Собирачи на ПЕТ отпадоци
- Роми
- Осудени лица по отпуштање од казнено поправна установа
- Други тешко вработливи категории невработени лица
 
   За проектот во општина Богданци ке се ангажираат 3 (три) лица за период од 6 (шест) месеци со скратено работно време (20 работни часови неделно) со  месечен надоместок од 7000 денари со вклучен персонален данок и осигурување од слулај на несреќа при работа и професионално заболување за следните работни места:
- Молер
- Општ работник
- Хигиеничар за стамбени и деловни простории.
 
   Поконкретните услови, права и обврски ќе бидат уредени со склучувањето на договор со невработените лица.
 
Прегледете го јавниот оглас на следниот линк: Јавен оглас за пријавување на „Општинско - корисна работа“

Јавен оглас за пријавување на “Општинско - корисна работа„

   Врз основа на Договорот за соработка склучен помеѓу општина Богданци и УНДП Бр. 03-1446/5 од 16.10.2013 а за потребите на Проектот „Промовирање на одржливи вработувања 2 и поддршка на Владата во спроведување на оперативниот план за активни програми и мерки за вработување 2013“-Општинско-корисна работа, Општина Богданци,
 
ОБЈАВУВА
 
ЈАВЕН ОГЛАС
до невработени лица (активни баратели на работа) кои се заинтересирани своето вработување привремено да го решат со учество во
 
Општинско-корисна работа
Грижа за стари лица
 
1. Се повикуваат невработените лица кои се заинтересирани своето вработување привремено да го решат со ангажирање во општинско-корисна работа, грижа за стари лица да се пријават во центарот за вработување Гевгелија.
 
2. На Јавниот оглас може да се пријават невработени лица од следните целни групи:
- Деца без родители
- Жртви на семејно насилство
- Бездомни деца
- Поранешни корисници на дрога
- Родители на деца на улица
- Самохрани родители 
- Собирачи на ПЕТ отпадоци
- Роми
- Осудени лица по отпуштање од казнено поправна установа
- Други тешко вработливи категории невработени
 
3. Пријавите се однесуваат за  проектот:
 
- „Промовирање на одржливи вработувања 2 и поддршка на Владата во спроведување на оперативниот план за активни програми и мерки за вработување 2013“-Општинско-корисна работа“
 
4. За проектот во општина Богданци ќе се ангажираат 3 (три) лица за период од   6 (шест) месеци со скратено работно време (20 работни часа неделно) за следните работни места:
- Молер
- Општ работник
- Хигиеничар за стамбени и деловни простории
 
5. Огласот трае до 30.10.2013 година.
 
                                                                                                                                                                              Општина Богданци

Помислете и на нас

   Кампања под мотото „Помислете и на нас“ преку која ќе се организираат хуманитарни активности за обезбедување храна за ранливите групи, е промовирана денеска, а ја организира Црвениот крст на Република    Македонија по повод 16 Октомври, Меѓународниот ден на гладта.
 
   Храната ќе се дистрибуира преку општинските организации на Црвениот крст, а хуманитарните активности ќе се имплементираат од денеска до 23 октомври.
 
   Ова денеска на прес-конференција го истакна генералниот секретар на Црвениот крст на Република Македонија, Саит Саити, кој рече дека во Македонија секоја година се намалува бројот на сиромашни луѓе.
 
   - Со оваа кампања и со хуманитарните активности се приклучуваме кон напорите на Министерството за труд и социјална политика  за намалување на сиромаштијата, истакна Саити и додаде дека во светски рамки бројот на регистрирани 800 милиони гладни луѓе во последните две години е за пет отсто помал од 1991/1993 година.
 
   Потенцира дека во соработка со воспитно-образовните институции се организираат акции за обезбедување: помош во училиштата, наменета за сиромашни семејства на кои децата им учат во тие училишта, парични средства преку вредносни бонови, помош во храна во соработка со големите маркети и солидарен оброк во соработка со гостилници, ресторани, пекари во кои граѓаните можат да купат солидарен оброк за социјално загрозени семејства, како и хуманитарни продажни акции за обезбедување парични средства преку изложување предмети од рачна изработка.
 
   - Во рамки на кампањата се организира акција за обезбедување парични средства од корпоративниот сектор. Во акцијата ќе бидат опфатени над 12.000 компании во Македонија. По четврти пат и оваа година акцијата е поддржана од Македонска пошта АД Скопје која ќе овозможи бесплатно да бидат доставени флаери до компаниите за нивно учество и поддршка на акцијата, која е поддржана и од Стопанската комора на Македонија, Сојузот на стопански комори на Македонија и Стопанската комора на северозападна Македонија, рече Саити.
 
   Донациите можат да се уплатат на жиро сметката на Фондот на солидарност на Црвениот крст на РМ 300000001327966, даночен број 4030984271620 АД Комерцијална банка, како и 100 денари преку мобилните телефонски броеви 070/075/077 143-400.
 
   За промовирање на кампањата Црвениот крст отпечати постер, флаери и вредносни бонови, а со поддршка на МРТВ изработен е и ТВ спот.
 
   Саити посочи дека минатата година преку кампањата што ја организирале биле собрани 700.000 денари, направени биле 150 пакети, а бројот на корисници на помошта изнесувал 3.000.
 
 
   Генералниот директор на Македонска пошта Рафиз Алити рече дека вработените во МП и натаму ќе се вклучуваат во хуманитарни акции.

Работна посета на министерот за надворешни работи Никола Попоски

   Анастасија Олумчева, Градоначалник на Општина Богданци, вчера 15.09.2013 година оствари средба со министерот за надворешни работи на Република Македонија, г - н Никола Попоски.
   Во рамките на посетата на министерот Попоски Градоначалникот на Општина Богданци ја имаше можноста да ги истакне клучните проекти и приоритети на општината.
   На средбата Олумчева истакна дека најзначајни проекти за кои се залага Општина Богданци се реновирањето на Дом на културата и подобрување на инфраструктурата во општината. Истите ќе придонесат кон задржување на културното и идентитетското наследство на граѓаните во општината и поголеми можности за инвеститорите.
   Општина Богданци според територијалната поставеност претставува една од најсериозните општини кои можат да придонесат кон поголем бизнис развој за потенцијалните инвеститори. Затоа според Градоначалник на Општина Богданци, Анастасија Олумчева клучен приоритет е информирањето на потенцијалните инвеститори за можностите во Општина Богданци.
   Министерот Попоски укажа дека регионот и Општина Богданци ќе имаат големи придобивки кога Република Македонија ке стане членка на  Европската Унија, аргументирајќи дека  постоечката инфраструктура и локација близу границата со Република Грција и Република Бугарија се пригодни за огромен развој на економијата во регионот.
   За да се исполнат барањата на потенцијалните инвеститори министерот Попоски посочи дека е значајна и стручноста на работната сила во Општина Богданци, по што градоначалничката Олумчева информираше дека во регионот постои најголем број на квалификувани работници.
 
 
 
 

10 Октомври посветен на борците за слобода

   На ден 10.10.2013 година по повод 69 годишнината на Денот на општинате се одбележа ослободувањето на Општина Богданци од фашистичкиот окупатор. 
   Утрово во Општина Богданци Сојузот на борците и Пензионерите заедно со Анастасија Олумчева, Градоначалник на Општина Богданци положија цвеќиња одавајќи им достојна почит на борците кои го овозможија слободното живеење на граѓаните на Општина Богданци.

   Во детската градинка „Коста Поп  Ристов - Делчев“ малите оддржаа кратка претстава пред своите наставници и Анастасија Олумчева. Преку истата го одбележаа значењето на патронот на детската градинка Коста Поп Ристов - Делчев.Денот на општината исто така се одбележа и со свечен ручек на кој Олумчева, пренесувајќи ги своите искрените честитки по повод 10 Октомври Денот на општината, како Градоначалник на Општина Богданци на гостите им порача:
 
 
„Да продолжиме да веруваме во желбите, идеите и луѓето кои ни го овозможија овој слободен ден, овој слободен град и слободна Македонија“
 
   На свечениот ручек гостите ја имаа можноста да уживаат во настапот на прекрасните Марија Илиева и Наталија Трајкова во феноменална музика на виолина и клавир. После настапот следеше и емоционално изведен рецитал од страна на Васил Зафирчев.
   Настанот го затвори одличниот локален клавијатурист Бранко Сапламаев.
   Преку денешниот ден Општина Богданци на своите сограѓани им го честита Денот на општината, оддавајќи им достојна почит на на луѓето кои во минатото се бореле за слободата на овој  народ, за овие поколенија, за слободно Богданци.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
760552

Посетители

1240388
Денес
Вчера
Оваа недела
Овој месец
Вкупно
644
1669
8674
40148
1240388

Server Time: 2017-11-24 12:52:34

 

 

 

 

 

 
 
 
 
 
 
 
 
 
 
 
 
Joomla template by Joomlashine.com