Општина Богданци                                                                                          

ОДДРЖАНА ШЕСТАТА СЕДНИЦА НА ЛОКАЛНИОТ СОВЕТ ЗА ПРЕВЕНЦИЈА

На ден 12.02.2014 година во општина Богданци беше оддржана шестата седница на Локалниот Совет за Превенција по иницијатива на Градоначалникот на општина Богданци, Анастасија Олумчева. На седницата беа присутни претставници од СВР Струмица, претставници од ПС ОН Гевгелија, ОБСЕ, претставници од образованието, членови на Советот на општина Богданци, членови на НВО, претставник од Независен весник „Поглед“ Богданци  како и претставници од општинската администрација.

На седницата свое обраќање имаше Градоначалникот на општина Богданци, Командирот на ПС ОН Гевгелија, Илија Делев, претставникот од ОБСЕ, Дејан Стевановиќ како и Николчо Јованов, Виш инспектор за превенција.

Локалниот совет за превенција претставува алатка за подобрување и зајакнување на партнерството помеѓу граѓаните и компетентните органи на власта за тие да можат да изградат заеднички цели, да ги решат локалните безбедносни проблеми и да обезбедат подобри услуги за граѓаните.

„ЛСП не е обврска, но е мудар пристап при решавање на проблемите заедно со граѓаните“ – истакна началникот на СВР Струмица, Ѓорги Божинов.

Седницата  заврши со кооптирање на нови членови и потпишување на Договорот за локална превенција.

ИЗВЕСТУВАЊЕ

      Се известуваат членовите на Комисијата за проценка на штети и утврдување на висината на штетата настаната од природни непогоди и други несреќи при општина Богданци, формирана со Одлука на Советот на Општина Богданци бр. 07 – 1381/5 од 16.12.2008 год. како и членовите на стручните комисии кои беа ангажирани при проценка на штета од елементарната непогода настаната од снежните наноси, мразот и поплавите од 20 и 21 март 2009 година, во рок од 5 дена да ја достават потребната документација (фотокопија од лична карта и трансакциона сметка) во Одделението за финансиски прашања на општина Богданци, со цел исплата на средства за нивниот ангажман.

ИПА ПРОГРАМА ЗА ПРЕКУГРАНИЧНА СОРАБОТКА ПОМЕЃУ Р.БУГАРИЈА И Р.МАКЕДОНИЈА, CCI БР. 2007CB16IPO007

Во рамки на ИПА Програмата за прекугранична соработка помеѓу Р.Бугарија и Р.Македонија,CCIбр.2007CB16IPO007 e одобрен за финансирање Проектот „Отворена врата за културна размена - Градење на заедничка европска иднина“ .

Водечки партнер на проектот е Општина Ќустендил, Р.Бугарија додека Општина Богданци е партнер од Р.Македонија.Проектот е во траење од 24 месеци, со вкупен Буџет од 295 597,14 ЕУР.

За општина Богданци како партнер во рамки на овој проект една од поважните активности е реконструкција на Дом на Култура „Бранд Петрушев“ Богданци.

Увид на проектното резиме може да се направи на следниот линк: Проектно резиме

 

 

АМЕРИКАНСКИОТ АМБАСАДОР ВОЛЕРС ВО ПОСЕТА НА ОПШТИНА БОГДАНЦИ

      На ден 06.02.2014 год., во официјална работна посета на општина Богданци беше амбасадорот на САД во Република Македонија, Н.Е. Пол Волерс со неколку стручни соработници од неговиот кабинет. Целта на неговата посета беше разгледување на општината, запознавање со Градоначалникот и посета на јавните објекти во кои се имаат остварено проекти финансирани преку програмите на USAID, Агенцијата за интернационален развој.  

      Со Градоначалникот, Анастасија Олумчева, разговараа за економската и социјална состојба на општината, наталитетот, иселеништвото и тенденцијата на мигрирање, процентот на невработеност и можни потенцијали за развој. Амбасадорот беше солидно запознаен со капиталните проекти во општината, Ветерниот парк и Системот за спас на Дојранско Езеро, и истите ги нагласи како можности за развој на секундарни дејности кои би ја помогнале локалната економија. Во врска со промоцијата на постоечките индустриски капацитети, го понуди Комерцијалниот сервис кој работи во склоп на Амбасадата, како помош и поддршка за остварување контакти со американски бизнис заедници.

      На темата околу функционирањето на локалната самоуправа, се разговараше за дискриминацијата, политичката одговорност на претставниците на локалните власти и нивната меѓусебна соработка и соработката со граѓаните.

      При посетата на ОУ„Петар Мусев“ амбасадорот беше запознаен со досегашните реализирани проекти во областа на IT технологијата, и го истакна големото значење на оваа област во животот и кариерата на идните генерации.

      Во ЈОУДГ „Коста Поп Ристов Делчев“, во која пред неколку месеци се постави изолација на кровната површина, инвестиција на USAID, а реализирана во рамките на проектот „Заштита од климатски промени“ под водство на невладината организација „MilieukontaktMacedonia“, амабасадорот беше позитивно изненаден од познавањето на англискиот јазик на децата од најмала возраст, кои се претставија со неколку песнички.

  

 

ОДРЖАНА РЕГИОНАЛНА ПРОМОТИВНА СРЕДБА НА МИРОВЕН КОРПУС МАКЕДОНИЈА ВО ПРОСТОРИИТЕ НА СОУ „БОГДАНЦИ“ БОГДАНЦИ

 

      На 05.02.2014во просториите на СОУ „БОГДАНЦИ“ Богданци претставници од Мировен Корпус Македонија одржаа Регионална промотивна средба. На истата присуствуваа претставници од јавниот и невладиониот сектор од општините  Богданци, Валандово, Гевгелија и Дојран.

      Мировен корпус (Peace Corps)е независна американска владина агенција, која им обезбедува волонтери на земјите низ светот што побарале помош.

      Целта на средбата беше запознавање на заинтересираните општини, училишта и здруженија на граѓани со програмата на Мировен Корпус во Македонија и претставување на новиот повик за апликации за 2014 година.

      Поздравен говор одржа Градоначалникот на општина Богданци, Анастасија Олумчева, која најпрво им се заблагодари и им посака срдечно добредојде на гостите од Мировен Корпус Македонија како и на претставниците од јавниот и невладиниот сектор од општина Богданци и поканетите соседни општини.  Согласно постоечките можности, вети дека општина Богданци секогаш ќе биде отворена за понатамошна соработка за вакви програми и мисии кои се стремат кон ширење и развој на меѓусебното пријателство и разбирање на двата пријателски народи.

      Потоа следуваше презентација од Надица Георгиева, претставник од Мировниот  Корпус која ги објасни Програмата за развој на наставата по англиски јазик, Програмата за развој на заедниците како и Повикот за апликација.

      Средбата беше заокружена со мал коктел,на кој волонтерите, соработниците и вработените на Мировниот Корпус разменија свои ставови и искуства.

        

 

 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1126021

Посетители

1773153
Денес
Вчера
Оваа недела
Овој месец
Вкупно
306
1109
4689
35095
1773153

Server Time: 2018-09-20 04:34:10

 

 

 

 

 

 
 
 
 
 
 
 
 
 
 
 
 
Joomla template by Joomlashine.com