Општина Богданци                                                                                          

Акција „Садница плус“

 

   Денес во основните училишта и детските градинки се оддржа пролетната акција „Садница плус“ како дел од активностите на здружението „Ден на дрвото – засади ја својата иднина!“ во соработка со Министерството за образование и наука.
 
   Во  основните училишта и детските градинки во Општина Богданци и населените места беа посадени вкупно 510 желади од семенскиот материјал доставен до образовните институции. Засадениот семенски материјал наесен може да се пресади на отворен простор во училишните дворови или на соодветна локација одредена од општината.
   Целта на овој проект е преку масовно дружење и сопствено искуство да се поттикне еко-свеста кај најмладата популација, да се почувствуваат одговорни за доверената задача.
   На првиот одделенски час во ООУ „Петар Мусев“ во Богданци, на акцијата „Садница плус“ учествуваше и градоначалничката Анастасија Олумчева:
- Ентузијазмот кој денес го споделивме со децата кои ги засадија семките за дрвца ме убедува дека иднината на акцијата „Ден на дрвото – засади ја својата иднина!“ е цврсто вкоренета во желбата и свеста на младите учесници.

Потпишани изјави на соработка

 

   На 30ти април, со почеток во 11:00 во Клубот на новинари во Скопје, се одржа свечено потпишување на изјави за соработка и разбирање помеѓу здружението за одржлив развој – Милиеуконтакт Македонија и осумтте партнерски општини во проектот на УСАИД – Општински стратегии за климатски промени.

Анастасија Олумчева официјално стапи на функција Градоначалник на Богданци

 

   Денеска 19.04.2013 година, Анастасија Олумчева со врачувањето на Уверението за Градоначалник од страна на Претседателката на Општинската изборна комисија, Соња Маџирова, официјално стапи на функција Градоначалник на Богданци и со тоа стана првата жена Градоначалник, која ќе ја води Општина Богданци во наредниот четиригодишен мандат.
   Уверението ѝ беше врачено во присуство на досегашниот градоначалник Ристо Ичков, членовите на Општинската изборна комисија и вработените во Општина Богданци на приемот организиран во Кабинетот на Градоначалник во Општина Богданци.
   За време на приемот Анастасија Олумчева ја изрази својата желба за експедитивно и одговорно работење за време на мандатот кој што ѝ го доверија граѓаните на Општина Богданци: „Јас како прва жена Градоначалник на Општина Богданци, и најмлада Градоначалничка во Македонија ќе се залагам за оправдување на довербата и извршување на одговорностите кои ги очекувам и се очекуваат од мене.“
   Честитки за стапувањето на функцијата со желби за многу успеси во работењето, Анастасија Олумчева доби од досегашниот градоначалник Ристо Ичков.
„Општина Богданци треба да си го продолжи својот пат рамо до рамо со другите општини, бидејќи Општина Богданци го заслужува тоа, и сигурен сум дека и сега е во добри раце и ќе продолжи понатаму за доброто на сите граѓани.“
   Исто така Анастасија Олумчева доби честитки од членовите на Општинската изборна комисија, вработените во Општина Богданци, ОК на ВМРО-ДПМНЕ, локалните претставници на Демократски сојуз, на ДОМ и СДУ. Честитките лично ѝ ги упатија претседателот на ОК на ВМРО-ДПМНЕ Стојан Воданов и носителката на листата за советници на ДОМ, Гонца Коцева.

Закажана конститутативната седница на новиот совет на Општина Богданци

 

   Во понеделник (22.04.2013 година) со почеток во 19.00 часот ќе се одржи првата конститутивна седница на новоизбраниот совет на Општина Богданци. Седницата ја закажа досегашниот претседател на Советот Душко Енџекчев, а со неа ќе раководи најстариот избран советник Сузана Мандалова.
 
   Новоизбраниот совет, на првата Конститутивна седница ќе работи по следниот дневен ред:
 
 
 
 1. Избор на Верификациона комисија;
 2. Верификација на мандатите на новоизбраните членови на Советот;
 3. Избор на Кандидациона комисија;
 4. Избор на претседател на Советот на Општина Богданци;
 5. Избор на Комисија за мандатни прашања, избори и именувања.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
728390

Посетители

1187251
Денес
Вчера
Оваа недела
Овој месец
Вкупно
69
1396
8509
32292
1187251

Server Time: 2017-10-22 00:27:28

 

 

 

 

 

 

 
 
 
 
 
 
 
 
 
 
 
 
Joomla template by Joomlashine.com