Општина Богданци                                                                                          

МАКЕДОНИЈА ПО СЕДМИ ПАТ СЕ ВКЛУЧУВА ВО АКЦИЈАТА ЧАСОТ НА ПЛАНЕТАТА ЗЕМЈА

              Во акцијата часот на планетата Земја се вклучуваат над 170 земји, меѓу кои и Македонија. Акцијата има еколошки карактер, односно преку симболично исклучување на осветлувањето во рок од еден час, се дава порака за спас на планетата Земја.
Општина Богданци ја подджува акцијата за симболично исклучување на осветлувањето. За таа цел, на ден 19 март во 20:30 часот, во времетраење од 1 час, ќе се исклучи јавното осветлување во Богданци.
              И Вие можете да се вклучите во акцијата Часот на планетата Земја со симболично исклучување на светилките во Вашите домови.

Оддржана прва работилница за стратешко планирање, за изработка на стратегија за развој на Стојаково

       

 

          На 07.03.2016 година во просториите на Месната заедница Стојаково беше оддржана работилница за стратешко планирање за изработка на стратегија за развој на Стојаково. Процесот се одвива во соработка на општина Богданци со МЗ Стојаково

           Низ процесот ке биде користен партиципативен пристап, со вклучување на сите заинтересирани страни за развојот на Стојаково. Теоретскиот пристап, методологијата и модерирањето на работилниците ке биде обезбедено од одделението за ЛЕР при општина Богданци.

           Предвидено е целиот процес да се реализира низ четири работилници со можност за една дополнителна согласно потребите.

ИЗГРАДБА НА ПОВЕЌЕНАМЕНСКО СПОРТСКО УЧИЛИШТЕ ВО ОУ „ПЕТАР МУСЕВ“

 
      
 
           Започна изградбата на Повеќенаменско спортско игралиште, во дворот на ОУ „Петар Мусев“ - Богданци. Објектот е финансиран од Влада на РМ, преку Агенцијата за млади и спорт, како дел од проектот 100 повеќенаменски игралишта. Игралиштето со димензии 28/45м ќе содржи терен за ракомет и мал фудбал и двоен терен за кошарка. Објектот има сопствена заштитна ограда и рефлекторско осветлување.

 

Општина Богданци во партнерство со локални компании зеде учество на 13-от по ред Саем за градежништво - Скопски саем

       

 

         Општина Богданци во соработка со локалните компании Франи Пласт, Ники и Фенико 2000 активно се вклучи во рамките на Меѓународен саем на градежништво, градежни материјали и градежна механизација на Скопскиот саем.

        110 компании од земјава и од странство се претставени во три хали на Скопскиот саем на 13-от по ред Саем за градежништво и на 6-от по ред Саем за недвижности „Real Expo“, кој е отворен за посетителиод 01-05.03.2016 год. Покровител на саемската манифестација годинава е Министерството за финансии, која пред посетителите ќе ги претстави владините проекти „Купи куќа, купи стан“ и „Купи куќа за млади“. На годинешниов Саем за градежништво зедоа учество 90 компании, додека на Саемот за недвижности се претставени 20 компании. Покрај од нашата земја присутни се и учесници од Германија, Турција и Србија.

        Од Скопски саем очекуваат околу 15.000 посетители.

 

ЗАПОЧНА РЕКОНСТРУКЦИЈАТА НА ОБЈЕКТОТ ДОМ НА КУЛТУРА ВО СТОЈАКОВО

               Започна Реконструкцијата на објектот Дом на култура во Стојаково, финансиран од Влада на РМ, преку Агенцијата за финансиска поддршка на рурален развој, мерка 321 - Подобрување на квалитетот на живот во рурални средини. Вкупната вредност на инвестицијата изнесува 5.893.654,00 ден. и вклучува санација на кров, целосна замена на столарија и браварија на објектот, целосна реконструкција на простории во влезен хол, кат на објектот и приземје на јужно крило. Во Кино салата предвидено е санација на оштетените делови од плафонска и подна облога, поставување на теписон и сценско светло.
               Целта на оваа капитална инвестиција е создавање на услови за подигнување и развој на културниот живот во Стојаково и  обезбедување простории за сместување на разни таргет групи и активности поврзани со потребите на жителите.
 
 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
634634

Посетители

1034129
Денес
Вчера
Оваа недела
Овој месец
Вкупно
573
1085
7913
30805
1034129

Server Time: 2017-06-26 13:41:31

 

 

 

 

 

 

 
 
 
 
 
 
 
 
 
 
 
 
Joomla template by Joomlashine.com