Општина Богданци                                                                                          

ЧЕСТИТКИ ПО ПОВОД ОСМИ СЕПТЕМВРИ, ДЕНОТ НА НЕЗАВИСНОСТА НА НАШАТА ДРЖАВА

Почитувани сограѓани,

Од мое лично име и од името на Советот на Општина Богданци , дозволете ми на сите граѓани да им го честитам 8-ми септември – Денот на незавиноста на Република Македонија.

На овој ден, пред точно 27 години граѓаните на Република Македонија сосема храбро и одлучно се решија за своја сопствена, самостојна и суверена држава, остварувајќи ги вековните идеали на своите предци.

Нека ни е честит и вековит 8-ми Септември.

Со почит,

Градоначалник, Блаже Шапов

МИНИСТЕРСТВО ЗА ЗЕМЈОДЕЛСТВО ШУМАРСТВО И ВОДОСТОПАНСТВО ОБЈАВИ ОГЛАС ЗА ДАВАЊЕ ПОД ЗАКУП НА ДРЖАВНО ЗЕМЈОДЕЛСКО ЗЕМЈИШТЕ

Ги известуваме жителите на Општина Богданци дека Министерството за земјоделство, шумарство и водостопанство на 05.09.2018година  објави јавен оглас за давање во закуп на земјоделско земјиште во државна сопственост во Гевгелискиот Регион и тоа за катастарските општини: Богданци вон гр, Стојаково, Селемли и Ѓавато.

Времетраењето на закупот за кој се издава земјиштето е за период од 15 до 70 години–  во зависност од намената, а право на учество на јавниот оглас имаат домашни физички и правни лица и странски правни лица.

 Понудата и целокупната потребна документација треба да се доставатво рок од 30 дена од денот на објавувањето на јавниот оглас до Министерството за земјоделство, шумарство и водостопанство – Скопје на адреса ул.„Аминта Трети“ бр.2 или најдоцна до 04.10.2018 година (Четврток).

Јавниот оглас за давање во закуп на земјоделско земјиште во државна сопственост може да го погледнете на следниот линк.

Критериуми за учество

Катастарските општини опфатени во јавниот оглас за територијата на Општина Богданци во Гевгелискиот регион може да ги погледнете тука.

                                                                                                    

x                 Општина Богданци

                                                                                                                                         Градоначалник

 

ДОИЗГРАДБА НА КАНАЛИЗАЦИОНА ЛИНИЈА ВО СЕЛО СТОЈАКОВО

ЈП „Комунална Чистота“ Богданци започна со работа на доизградба на канализационата линија за „Фериева Мала“ во с.Стојаково. Работите се одвиваат на полскиот пат Стојаково, м.в. „Каменот“.

Ги известуваме жителите на село Стојаково дека на наведениот полски пат градежните активности може да траат три дена, почнувајќи од денес, 10.08.2018 година, што значи дека истиот нема да биде прооден.

Општината  и понатаму продложува со активностите за целосно покривање на домаќинствата со фекална канализација на територијата на Општина  Богданци.

 

соопштение за прекин во испораката на вода во с.Селемли на ден 09.08.2018 година

ПОЧИТУВАНИ,

Ве известуваме дека на ден 09.08.2018 година (Четврток) во населено место Селемли во периодот од 09.00 до 13.00 часот ќе има прекин во испораката на вода до корисниците поради интервенции на екипи на ЕВН.

Се надеваме на Ваше разбирање !

ИНФОРМАЦИЈА ЗА СВЕТСКИ ДЕН НА ЧИСТЕЊЕ

Почитувани,

На 15 септември 2018 година, милиони волонтери во мрежа од 150 земји ќе се обединат да го исчистат светот во еден ден.

За таа цел, ја споделуваме оваа информација со Вас за активно вклучување во глобалната акција за мапирање на диви депонии, користејќи ја апликацијата за мапирање WorldCleanup (https://www.worldcleanupday.org/map-it)Доколку не сте во можност да ја користите апликацијата, пријавете депонија во Општина Богданци на број 034 222 333 (со напомена за акцијата што ќе се одржи на 15.09.2018г).

Акцијата за мапирање трае до средината на месец август, по што  следува процес на избор на локации за чистење и понатамошна организација и логистика.

Во периодот од 10 септември до 13 септември, Општината ќе излезе со информации за текот на акцијата.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1125993

Посетители

1773112
Денес
Вчера
Оваа недела
Овој месец
Вкупно
265
1109
4648
35054
1773112

Server Time: 2018-09-20 04:18:12

 

 

 

 

 

 
 
 
 
 
 
 
 
 
 
 
 
Joomla template by Joomlashine.com