Општина Богданци                                                                                          

БОГОЈАВЛЕНИЕ - ВОДИЦИ 2016

Дваесетидве годишниот Павле Плавов од Богданци беше најсреќниот меѓу дваесетмината верници кои се обидоа да го извадат осветениот крст од водите на брана  „Паљурци“ по повод одбележувањето на верскиот празник Богојавление Водици, во Богданци.
Чинот започна со осветување на водата и фрлањето на светиот крст и истиот беше проследен масовно од страна на верниците. 
Општина Богданци го даруваше Павле Плавов со таблет компјутер, „Лебопекара ММ“ му додели мобилен телефон, додека „Драги Ком“ додели парична награда. Секој од верниците кој се обиде да го фати светиот крст од страна на„Бреботекс“и „Ноел“ доби кошула. Спонзор годинава беше и „Томитекс“ од Богданци.

За поздравување е тоа што годинава за прв пат во трката по светиот крст влезе и жена, дваесет и девет годишната Одри Вурхес од САД, волонтер од Мировен Корпус во СОУ „Богданци“.
Во село Ѓавото среќата повторно му се насмевна наАлександар Карајков додека во с.Стојаково честа да го фати крстот по втор пат  ја имаше дваесет годишниот Тодор Анчев. Истите од страна на општина Богданци беа дарувани со таблет компјутери.

 

ИЗВЕСТУВАЊЕ ЗА ПОДНЕСУВАЊЕ НА ДАНОЧНА ПРИЈАВА

Почитувани,

Ве известуваме дека согласно член 29 од Законот за даноците на имот („Службен весник на Р.Македонија“ бр. 61/04, 92/07, 102/08, 35/11, 53/11, 84/12,188/13, 154/15 и 192/15) обврзникот на данокот на имот е должен да поднесе даночна пријава до 31 Јануари во годината за која се врши утврдување на данокот.

Обврзникот на данокот на имот кој поднел даночна пријава нема обврска за истиот имот да поднесе нова пријава, доколку нема промени на податоците содржани во претходно поднесената даночна пријава, а кои се од влијание за висината на даночната обврска.

Пријаватасе поднесува до општинската администрацијакаде што се наоѓа имотот.

 

ЧЕСТИТКА ЗА НОВА ГОДИНА

Ми претставува задоволство во мое лично име и во името на општинската администрација, да ви испратам најискрени желби за што подобра Нова Година, посакувајќи во секое семејство да преовладува здравјето, љубовта, среќата и слогата.

Среќна Нова 2016 Година!

Со почит,

Анастасија Олумчева – Градоначалник на општина Богданци

ЗАВРШИ ИМПЛЕМЕНТАЦИЈА НА ТРЕТИОТ ЈАВЕН ПОВИК ЗА ПРИБИРАЊЕ НА ПРЕДЛОГ ПРОЕКТИ ОД ЈАВЕН ИНТЕРЕС

На ден 21.12.2015 успешно заврши  имплементацијата на третиот јавен повик за прибирање на предлог проекти од јавен интерес за подобрување на квалитетот на живот на граѓаните од областа на локален економски развој, заштита на животната средина, спорт,образование и култура насочен кон здруженија на граѓани и фондации од Општина Богданци преку програмата за Локален економски развој. Носител на проектот за Набавка на повекенаменски делови од народни носии кој беше избран како најдобар предлог проект беше ЗКУД Бранд Петрушев од Богданци.

Набавените повекенаменски делови од народни носии беа презентирани во просториите на ООУ Петар Мусев Богданци.

 

ЗАМЕНИК МИНИСТЕРОТ ЗА ЗЕМЈОДЕЛСТВО, ШУМАРСТВО И ВОДОСТОПАНСТВО, ВАНЧО КОСТАДИНОВСКИ, ВО ПОСЕТА НА ОПШТИНА БОГДАНЦИ

Заменик-министерот за земјоделство, шумарство и водостопанство, Ванчо Костадиновски, на ден 21.12.2015 година беше во работна посета на општина Богданци, поточно во просториите на СОУ „Богданци“, каде се сретна со земјоделци и преработувачи од општината, а оствари работна средба и со градоначалникот, Анастасија Олумчева.

Целта на посетата беше преку директна средба земјоделците да бидат запознаени со проектите на Министерството за земјоделство, шумарство и водостопанство кои се за поддршка на земјоделството и преку кои се нудат низа поволности со што се поттикнува развојот на земјоделието и сточарството на територијата на Република Македонија.Присутните беа отворени за прашања како и решавање на проблемите со кои се соочуваат земјоделците при исплата на штети, аплицирање при јавни повиц, субвенционирање  и сл.

 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
655305

Посетители

1066216
Денес
Вчера
Оваа недела
Овој месец
Вкупно
902
939
5214
26730
1066216

Server Time: 2017-07-21 22:32:48

 

 

 

 

 

 

 
 
 
 
 
 
 
 
 
 
 
 
Joomla template by Joomlashine.com