Општина Богданци                                                                                          

ДЕН НА ДРВОТО - 2015

И оваа година во општина Богданци успешно беше спроведена акцијата „Ден на дрвото-засади ја својата иднина“, еколошка акција која се спроведува низ цела Македонија.
Се пошумуваше на м.в. „Брданов Камен“, а пошумувањето се изврши на површина од околу 2 ха со 4000 садници на чемпреси багреми.
Во акцијата беа вклучени ученици, наставници, вработените во општинската администрација, вработените во ЈП „Комунална Чистота“ Богданци и заинтересирани граѓани.

СООПШТЕНИЕ

Почитувани,

Ве известуваме дека општина Богданци ќе ја поддржи хуманитарната акција која по трет пат ја организира Здружението за заштита, помош и унапредување на статусот за маргинализирани групи граѓани ГРАДИМЕ ИДНИНА Скопје.

Во рамки на оваа хуманитарна акција во просториите на општината ќе се врши прибирање на донации во искористени и половни: мебел, бела техника, апарати за домаќинство, кујнски елементи, сервис и прибор за јадење и готвење и сл. Истите ќе бидат донирани на деца и младинци без родители и родителска грижа, маргинализирани групи граѓани и социјално ранливи категории, самохрани родители и деца од еднородителски семејства.

Вашите предмети може да ги донирате во просториите на општината секој работен ден од 08.00 до 16.00 часот.

ИЗВЕСТУВАЊЕ ЗА НАЦИОНАЛНАТА АКЦИЈА ДЕН НА ДРВОТО-ЗАСАДИ ЈА СВОЈАТА ИДНИНА

По повод  „Ден на дрвото – засади ја својата иднина“, Ве информираме дека акцијата ќе се реализира на ден 02.12.2015 година (среда), со почеток во 09 часот. Локацијата за пошумување, м.в. Брданов Камен, се наоѓа во близина на „Депонијата“ на Богданци.

Поради близина на локацијата за пошумување, автобуски  превоз нема да има.

Во акцијата се вклучени учениците од ООУ„Петар Мусев“ Богданци и СОУ„БОГДАНЦИ“ Богданци, како и граѓани од општина Богданци.

Учениците од ООУ„Кирил и Методиј“ од Стојаково, пошумувањето ќе го реализираат во Стојаково, м.в. Ушите. Поради близина на локацијата за пошумување до населеното место,   автобуски превоз нема да има.

 

ЕДНОДНЕВНА ЕКСКУРЗИЈА ВО ДОЈРАН

На иницијатива на Локалната самоуправа и во соработка со ЦСР Гевгелија, децата од територијата на општина Богданци кои престојуваат во Дневниот Центар за децата со посебни потреби Гевгелија, заедно со своите родители и Градоначалникот на општина Богданци на ден 17.11.2015 година остварија една кратка екскурзија во Дојран каде имаа можност да поминат прекрасно време уживајќи во глетката на градот.

Ова е само една активност која става акцент на социјалната инклузија како и интеракција со средината која ги опкружува овие деца.

Впечатоците од екскурзијата беа одлични а насмевката на нивните лица беше повеќе од очигледна.  

 

ДЕНОВИ НА ЌУСТЕНДИЛСКАТА КУЛТУРА ВО БОГДАНЦИ

Во рамки на проектот за прекугранична соработка помегу општина Богданци и општина Ќустендил “Отворена врата за културна размена – градење на заедничка европска иднина”, делегација од општина Ќустендилво периодот од  13.11 до 15.11.2015 беше во посета на општина Богданци, домаќин на настанот под наслов „Денови на Ќустендилската култура во Богданци“.

Случувањата се одвиваа во реновираните простории на Дом на Култура „Бранд Петрушев“ Богданци. На 14.11.2015 година (Сабота) во периодот од 11.00 до 13.00 часот се поставувапе изложбата на сликите кои беа цртани од страна на млади уметници од Богданци и Ќустендил на „Празникот на плодородието“ во Ќустендил. Потоа следуваше Претставување на ЦД Мултимедија за културното наследтво на Богданци од страна на Васко Марковски, а беше оддржан и форум на тема: Перспективите на културната соработка меѓу Ќустендил и Богданци. Во панел-дискусијата учествуваа претставничките на Општина Ќустендил Слава Соколова и Љубљана Начева, а како домаќини, Илија Тумбов - публицист и хроничар, Никола Шелдаров - археолог, Ристо Лазаров - музички педагог и етнологот Петар Стојчевски. Дел од програмата беше и поетскиот дел кој го отвори поетесата Светла Радкова од Ќустендил, а заврши со читање на поемата „Ако“ од Трајче Кацаров, која ја изведоа Цвета Ангелова и Тина Танчева, ученички од СОУ „БОГДАНЦИ“, под менторство на професорките Верица Ризовска и Соња Србова, а придружувани со клавир од професорот Бранко Сапламаев.

Отварањето на изложбата беше проследено со музичко интермецо во изведба на оркестарот од СОУ „Богданци“, предводен од проф. Ристо Лазаров.

Настанот беше заокружен со вечерниот концерт со кој се претставија детската вокална група „Калпазани“ од Ќустендил и група млади музичари од Богданци.

      

Оваа активност како дел погореспоменатиот проект  што општина Богданци ја имплементира во партнерство со општина Ќустендил, Република Бугарија се реализира со средства обезбедени од ИПА - Програмата за прекугранична соработка на Европската Унија. Фокусот на проектот е да се изгради трајно пријателство и соработка помеѓу граѓаните на Богданци и Ќустендил, преку запознавање со културата и уметноста од двата регионa.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
Број на гледања на артикли
615587

Посетители

1000941
Денес
Вчера
Оваа недела
Овој месец
Вкупно
948
925
8952
16987
1000941

Server Time: 2017-05-29 15:08:06

 

 

 

 

 

 

 
 
 
 
 
 
 
 
 
 
 
 
Joomla template by Joomlashine.com