По повод 1 април, Денот на шегата, денес со почеток во 10.00 часот во Градскиот парк во Богданци се оддржа традиционалната манифестација „Априлијада“.
Во програмата свое учество зедоа дечиња од ЈОУДГ „Коста Поп Ристов Делчев“, како и ученици од ООУ „Петар Мусев“ Богданци и СОУ „Богданци“.
Настанот го организираше Дом на Култура „Бранд Петрушев“ во соработка со Општина Богданци.
Сите учесници и институциите ќе добијат Благодарници за учество а соодветно беа наградени следните маски:
- Од ЈОУДГ „Коста Поп Ристов Делчев“: Првo место – „Весели Пингвини“, Второ место – „Боите на природата“ и Трето место – „Момите“;
- Од ООУ „Петар Мусев“: Прво место – „Среќни медузи – Опасни медузи“, Второ место – Ресторан „АП АП ЛАП“ и Трето место – „Падни стани“.
ООУ „Кирил и Методиј“ Стојаково и дечињата од Детската Градинка во Стојаково свое дефиле имаа во училишниот двор.