Вести

Проектот, поддржан од Министерството за надворешни работи на Словенија и Словенски Каритас, предвидува опрема, обуки и поддршка на женски зелени иницијативи.

Претставници на Македонски Каритас на 10 март 2026 година одржаа работна средба со Општина Богданци, на која беше презентиран проектот „Вклучување на жените во подобрување на услугите за достапност до чиста вода и санитација и зајакнување на отпорноста на климатските промени во Македонија“.

На средбата учествуваа Томислав Микулец, Александар Младеновски, Верица Ангеловска, Филип Стојанов и отец Гоце Костов од Македонски Каритас. Градоначалникот Блаже Шапов ги поздрави присутните и ја истакна подготвеноста на општината за соработка при реализацијата на активностите.

Општинските претставници Митко Влахов, Борис Ванчев и претставничката на граѓанскиот сектор Христина Шутарова беа информирани за планираните проектни мерки и очекуваните резултати.

Беше посочено дека проектот е поддржан од Министерството за надворешни работи на Словенија и Словенски Каритас, со фокус на јакнење на локалните капацитети за справување со климатски ризици поврзани со водните ресурси, санитацијата и превенцијата од поплави и други екстремни појави.

Проектот предвидува набавка на опрема за интервенции и одржување, обуки за општински кадар со домашни и странски експерти, како и размена на искуства со партнери од Словенија.

Посебен акцент е ставен на поддршка на женски зелени иницијативи преку микро-грантови за еколошки идеи и активности, како и јавни кампањи за подигање на еколошката свест во општините вклучени во проектот.

Од двете страни беше изразена подготвеност за понатамошна соработка во рамки на проектот, при што беше најавено продолжување на координацијата околу следните чекори за реализација на активностите.

Почитувани,

Ja имаме честа да Ви соопштиме дека и во 2026 година во општина Богданци ќе се оддржи настанот традиционалното палење на коледарскиот оган.

Во Богданци настанот ке се оддржи во Понеделник 05.01.2026 година во Гратскиот парк со почеток во 19 часот а во Ѓавото во 18.00 часот. Во забавниот дел од програмата учество ќе земат ученици од ООУ„Петар Мусев“ и локални музички изведувачи.

Настанот е во организација на општина Богданци.

Во Вторник 06.01.2026 година истиот настан во организација на Месната Заедница Стојаково ќе се оддржи во населено место Стојаково придружен со оддржување на забавна програма (маскенбал) во Спортската сала со почеток во 18.30 часот. Во Селемли настанот ќе се оддржи на 06 – ти јануари во 18.30 часот.

Општина Богданци во овие мигови не ги заборави ниту Нашите Ана, Симе, Афродита, Игор и Ангел

Им посакуваме се најдобро во Новата 2026 година!!!

Со голема радост Ве информираме дека Дедо мраз пристигна во детската градинка „Коста Поп Ристов Делчев“ во Богданци и Стојаково и донесе радост, смеа и новогодишни пакетчиња кај дечињата.

Новата година носи нов почеток, нова надеж и најголема радост на децата, a со цел да се израдуваат сите дечиња во градинките, Општина Богданци од сопствениот Буџет обезбеди 300  пакетчиња и 50 пакетчиња беа донирани од Кам Маркет.

Насмевките и радоста на дечињата се нашата најголема мотивација и доказ дека заедно ја создаваме празничната магија.

Среќни новогодишни и божиќни празници!