Без напојување со електрична енергија на 30.09.2023 од 13:00 до 17:00 часот ќе бидaт дел од корисниците од јужниот и источниот дел на Богданци , Беровска мала и излез кон Млаз (вклучително индустриските објекти Оранжерии Воденичар , Бреботекс , Млекара, Бовекс и други) и корисниците од селата Стојаково и Селемли , вклучително и индустриските објекти на потегот од Богданци кон Стојаково, заради интервенција на водот.
Советот на Општина Богданци на седницата одржана на 28.09.2023 година, донесе Одлука за продолжување на работното време на угостителските објекти во Богданци за ден 29 септември 2023 година (петок наспроти сабота).
Согласно донесената одлука Ве известуваме дека работното време на угостителските објекти во Богданци на ден 29 септември 2023 година (петок наспроти сабота) ќе биде продолжено за два часа.
Општина Богданци ги известува граѓаните дека одобрена е Проектна програма за изработка на урбанистички проект вон опфат на урбанистички план за изградба на водоводна мрежа во н.м. Стојаково со потисен цевовод до резревоар за с. Селемли, општина Богданци тех бр 077/2023 – У од август 2023 изработена од Друштво за градежништво,трговија и инженеринг увоз-извоз ДОМИНГ ЈТД Јован Костадинов Радовиш, со Решение бр 11-1086/9од 19.09.2023год. од општина Богданци, чиј инвеститор е Општина Богданци ул Маршал Тито бр 62 Богданци.
Почитувани,
Согласно добиените податоци од Електродистрибуција Гевгелија, без напојување со електрична енергија на 20.09.2023 (среда) од 10:00 до 11:00 часот ќе бидaт дел од корисниците од јужниот и источниот дел на Богданци , Беровска мала и излез кон Млаз (вклучително индустриските објекти Оранжерии Воденичар , Бреботекс , Млекара, Бовекс и други), заради интервенција на водот.
Во МЗШВ ПЕ Гевгелија од 04.09.2023 започна доделувањето на платежни картички за зелена нафта. Право на користење на оваа мерка имаат 1576 земјоделски стопансатва од регионот на општините Гевгелија, Богданци и Дојран. На територија на целата држава ќе бидат доделени близу 49 илјади платежни картички со вкупна вредност од 275 милони денари наменети за точење надизел гориво за земјоделска механизација.
Сите земјоделски производители кои поднеле барање за субвенции за 2022 година потребно е да се јават лично со важечка лична карта во просториите на Подрачната единица на МЗШВ во Гевгелија, секој работен ден од 08.30 до 15 часот за да ги подигнат своите платежни картички за зелена нафта. Во зависност од големината на засадената површина и видот на културата, корисниците се стекнуваат со платежна картичка за точење на дизел гориво на бензинските пумпи на Макпетерол А.Д. со минимален износ од 500 ден, до максимален износ од 100.000 денари. Користењето на подигнатите карички за зелена нафта е со рок до крај на Април, 2024 год.
Почитувани ученици, родители, наставници!
Ви упатувам честитки по повод започнувањето на новата учебна 2023/2024 година со искрени желби во неа да тргнете со насмевка, обновена енергија и оптимизам.
Денес, 01 септември со пригодни свечености беа пречекани првачињата во двете основни училишта во општината, ООУ „Петар Мусев“-Богданци и ООУ „Кирил и Методиј“-Стојаково. На овој ден, нашите најмлади сограѓани го прават најважниот чекор во својот живот, справувајќи се со разни предизвици и моменти. Им посакувам лесно да ги совладуваат сите нови искуства и знаења.
Исто така новата учебна година стартуваше и во средното општинско училиште „Богданци“-Богданци а голем ден беше и за дечињата од Детската Градинка „Коста Поп Ристов Делчев“.
Среќна и успешна нова учебна година!
Православната Црква Успение на Пресвета Богородица во Ѓавото денеска го одбележува својот патронен празник „Успение на Пресвета Богородица“ или кај народот попознат како Голема Богородица. Едно од главните обележја на овој празник во Ѓавото е панаѓурот кој има долгогодишна традиција.
Овој значаен христијански празник е посветен на смртта на Марија, мајката на Исус Христос. За време на целиот свој живот, таа била директен сведок на многу важни настани што се од значење за христијанската црква.
На жителите на Ѓавото и на сите православни верници им го честитам овој Голем ден и им посакувам да го поминат во добро здравје и убаво расположение.
istanbul travesti Magazin |
