Sağlık Sigortası Ankara| sanal ofis ankara sanal ofis ankara sanal ofis ankara ankara hasta bakıcı sanal ofis ankara sanal ofis ankara

Времен режим на сообраќај при реконструкција на државен пат Р1109, делница Обиколница на Богданци

Се известуваат граѓаните на Општина Богданци дека во текот на наредната недела ќе се започне со подготвителни активности заради реализација на пректот Реконструкција на Државен Пат Р1109, Делница обиколница на Богданци – прва фаза.

Предметната локација на патот од наведената делница ќе се третира како градилиште во кое ќе се реконструира истата, и ќе биде затворена за сообраќај, додека  сообраќајот за тешки товарни возила ќе биде пренасочен кон улица Маршал Тито во Богданци. Ваквиот времен режим на сообраќај подразбира и воведување на забрана за запирање и паркирање на возила на улицата Маршал Тито (на потегот од „Каменот“ до спојот со раскрсницата на ул.„Петар Мусев“), се до целосно завршување на градежните активности.

Се апелира до граѓаните да наидат на разбирање и да ги почитуваат сообраќајните правила и прописи со цел безбедност на сите учесници во сообраќајот.

Честит празник Богданци

Пред 78години, на 10 октомври 1944 година Богданци ја дочека слободата.

Со положување свежо цвеќе пред спомен бистите на паднатите борци кои загинале во воените дејствија за ослободување на Богданци,  Општина Богданци го одбележа Денот на општината, 10-ти Октомври. На настанот присуствуваа градоначалникот Блаже Шапов, претседателот на Советот Борис Ванчев, претставници од Сојузот на борците и нивни продолжувачи, претставници од општинските училишта и детската градинка и граѓани кои им оддадоа достојна почит на луѓето заслужни за нашата слобода.

Да се биде денес пред спомен бистите на Ослободителите, значи да се даде почит на сите кои ги дале животите за самостојна Република Македонија, да се даде благодарност кон сите ослободители кои не го дочекале остварувањето на вековните идеали.

Денеска празнуваме и чествуваме за храброста и делата на  сите борци  кои   ги положија своите животи за слободен град.  Пишаната историја го забележала овој датум  како симбол  за градење слободно, мирно и модерно Богданци.

По овој повод, во соработка со Сојуз на училишен спорт на Општина Богданци беа организирани и улични трки во Богданци за учениците од основните училишта и СОУ „Богданци“ во неколку категории, кои беа соодветно наградени. Празникот вечерва ќе се одбележи во ДК „Бранд Петрушев“ со пригодна културно уметничка програма со почеток во 19.00 часот.

Нека ни е честит празникот 10 Октомври  – Денот на ослободувањето на Богданци и 11 Октомври – Денот на македонскиот непокор!

Ви посакувам добро здравје и уште многу вакви годишнини.

Градоначалник на Општина Богданци

Блаже Шапов

СООПШТЕНИЕ

Фирмите  од областа на земјоделството и преработувачката индустрија  од општина Богданци, можат да ја искористат можноста за промоција на своите производи и поврзување со деловни партнери од сите краеви на Македонија на  вториот  Агро Саем  во Струмица  кој ќе се одржи на ден 08.10.2022 година (Сабота).

Саемот ќе биде одлична можност  фармерите да го претстават автентичниот начин на производство на градинарски производи, храна, вино, мед, како и да ги претстават последните технолошки достигнувања во производствениот процес.

Прилог  Покана за Ваше подетално информирање!

Покана

Повик за учество на Камп за претприемништво и иновации за млади од Југоисточниот регион

Почитувани,

Би сакале да Ве известиме дека Центарот за развој на Југоисточниот плански регион во рамки на проектот „Бизнис екосистем како интегриран систем – БИ ИН“ , финансиран од Европската Унија и националните фондови на земјите учеснички преку Интеррег ИПА Програмата за прекугранична соработка помеѓу Грција – Р. Северна Македонија, организира КАМП ЗА ПРЕТПРИЕМНИШТВО И ИНОВАЦИИ ЗА МЛАДИ кој ќе се одржи од26 септември – 2 октомври 2022 во Дојран.

Условите за учество во Кампот се лицата да бидат на возраст од 18-29 години и да се жители на Југоисточниот регион. Право на учество ќе имаат 19 лица кои ќе го пополнат електронскиот формулар за пријавување на кампот (Онлајн формулар за пријавување на кандидати) и тоа селекцијата на заинтересираните кандидати ќе биде направена според квалитетот и иновативноста на одговорите за деловната идеја, областа во која сакаат да работат или проблемот што сакаат да го решат.

Кампот за претприемништво и иновации за млади 2022 овозможува развој на специфични вештини непоходни за основање на сопствен бизнис. Учесниците ќе имаат можност да научат за претприемништвото и иновативните деловни практики, да ги унапредат своите претприемачки вештини и да развијат соодветен деловен план преку практична и интерактивна програма, да учат од искусни ментори и успешни претприемачи и да добијат соодветни совети и препораки како да ја развијат својата деловна идеја.

По завршувањето на кампот, како поддршка за понатамошен деловен развој, сите учесници ќе добијат подарок Книга за претприемништво, а најдобрите од нив ќе имаат можност бесплатно да го користат Заедничкиот работен простор кој се наоѓа во просториите на Центарот за развој на Југоисточниот плански регион во Струмица.

Линк од повик: Камп за претприемништво и иновации – Web објава / Камп за претприемништво и иновации – Faceobook објава                                                                                                                                                            

Рокот за пријавување е најдоцна до 20 септември 2022 година.

Известување за планирани прекини во дистрибутивниот систем за електрична енергија на ден 19.09.2022

Ве известуваме дека согласно добиените податоци од ЕВН Македонија, заради реализација на инвестициони зафати со цел подобрување на квалитетот на електричната енергија на ден 19.09.2022 година (понеделник) во периодот од 09.00 до 12.00 часот без снабдување со електрична енергија ќе останат корисниците од Богданци и тоа : Брана Паљурци, Магнум, Елка, Бензинска пумпа Макпетрол, Десива и Ресторан Рибник.

Одбележување на хоризонтална патна сигнализација на улиците Маршал Тито, Бранд Петрушев, Крушевска и Изворски во Богданци

Општина Богданци ги известува граѓаните дека поради уредување на режим на сообраќај и поставување на хоризонтална сообраќајна сигнализација на улиците ,,Маршал Тито”, (на потегот од општинската зграда до „Бреботекс“) ,,Бранд Петрушев“, ,,Крушевска“ и дел од ,,Изворски“ во Богданци, потребно е да се отстранат сите автомобили од улиците на ден 16.09.2022 г (петок) од 08.30 до 18.00 часот.

Апелираме до сите учесници во сообраќајот да наидат на разбирање и да го почитуваат воведениот режим на сообраќај и поставената патна сигнализација.

Делегација од Општина Калиновац, Република Хрватска, во официјална посета на општина Богданци

Делегација од Општина Калиновац, Република Хрватска предводена од Началникот на општина Калиновац, Г-ин Дарко Собота со своите соработници, беше во официјална посета на општина Богданци од 07.09 до 09.09.

Делегацијата од пријателската општина Калиновац беше примена од страна на градоначалникот на општина Богданци, Г-ин Блаже Шапов.

На работната средба се отворија доста теми и се разменија искуства во областите на културата, образованието, науката, но и во други области кои ги поврзуваат двете општини. На истата беше заеднички прифатено соработката да се интензивира, при реализацијата на различни проекти за развој на двете општини при што ние ќе се трудиме да ги црпиме европските искуствата на Општина Калиновац.

По повод 8 Септември ­ Денот на независноста на Република Македонија, делегацијата заедно со здружението на пензионери и поддржувачи на делата на борците положија цвеќиња на спомениците на паднатите борци.

Во рамките на посетата, делегацијата беше во обиколка на детското игралиште, ја посети уметничката изложба во домот на културата и црквата „Св. Атанасиј“.

konya escort

antalya escort Saç ekimi ankara