Честит Рамазан Бајрам

На верниците од исламската вероисповед им посакувам овој празник да го прослават во радост и среќа, со топли чувства кои ќе го исполнат семејниот дом. Ваквите големи празници отсекогаш биле прилика за изразување на взаемна почит и пријателство помеѓу луѓето.

 Нека Ви е честит светиот празник Рамазан Бајрам!

Честит први Мај, меѓународниот ден на трудот

Почитувани сограѓани,

Ви го честитам 1 Мај – Меѓународниот ден на трудот, посветен на борбата за зачувување и унапредување на правата на работниците. Овој ден отсекогаш бил симбол на борбата за работничките права и на изразувањето работничка солидарност.

Секогаш бидете горди и посветени на она што го работите, бидејќи трудот и посветеноста се најголеми вредности и двигатели на иднината.

Ви посакувам многу здравје и убави празнични денови со најблиските.

Нека ни е честит Празникот на трудот!

Известување за планирани прекини во дистрибутивниот систем за електрична енергија на ден 28.04.2022

Почитувани,

Ве известуваме дека согласно добиените податоци од ЕВН Македонија, на ден 28.04.2022 година (четврток) во периодот од 09.00 до 14.00 часот без снабдување со електрична енергија ќе останат корисниците од Богданци околу Полициската зграда и Централниот дел околу општината како и фирмата Рапид Гас, Магазините на АРМ во Дубрава и пумпите Водовод Дубрава.

Одбележан денот на излегувањето на првите партизани од Богданци

По повод 26-ти Април, Денот кога пред 79 години излегле првите партизани од Богданци, Гевгелија и Гевгелиско, локалната самоуправа, Здружението на борците и членови на Општинското Здружение на Пензионери им оддадоа почит на народните херои и паднатите борци со положување цвеќе пред бистите во Градскиот парк во Богданци.

Излегувањето на партизаните од овој крај се совпаднало со Велигденските празници во 1943 година, кога било договерено тие да излегуваат во групи поради безбедносни причини а првата група партизани излегла токму на 26 април, значаен ден за историјата на Богданци. Првата група ја сочинувале 10 души, а од Богданци биле Коста Поп Ристов, Илија Калчев, Ване Калчев и Петар Мусев.

По тој повод на денешен ден се празнува и патрониот празник на ООУ „Петар Мусев“ во Богданци,

Честит да ни биде Денот на училиштето, честит и вековит да биде споменот на нашиот патрон, Петар Мусев.

Известување за планирани прекини во дистрибутивниот систем за електрична енергија

Почитувани,

Ве известуваме дека поради интервенции на трафостаница кај правното лице Туран Иван Дооел во Богданци, утре (27.04.2022) во периодот од 07.00 до 12.00 часот без снабдување со електрична енергија ќе остане поголем дел од Богданци, односно истиот реон кој без електрична енергија остана на ден 15.04.2022 година поради кражба на бакарни шини на истата  трафостаница.

Се надеваме на разбирање.

Честит Велигден – За многу години

На моите сограѓани од православна вероисповест, по повод големиот христијански празник Велигден им ги упатувам  своите најискрени честитки. Посакувам во сите домови да владее среќа, спокојство, благодет, почит и христијанската љубов. Во здравје и празнично расположение, во духот на христијанската вера,  да ја потврдиме вредноста  на нашата духовност споделувајќи безусловна љубов со најблиските.

Празнувањето на Воскресението Христово – Велигден нека ни носи нова радост, среќа и бериќет, нека ни дава сила да се справиме со искушенијата, да се почитуваме и да ја градиме подобрата иднина.

Нека ни е честит Велигден!

Христос воскресна!

Навистина воскресна!

Работна средба на Градоначалникот на Општина Богданци со швајцарската амбасадорка Н.Е. Вероник Улман

Градоначалникот на Општина Богданци, Блаже Шапов, оствари средба со швајцарската амбасадорка Н.Е. Вероник Улман, на која присуствуваше и претседателот на Советот на Општина Богданци, Борис Ванчев.

На состанокот се разговараше за актуелната состојба во општината и пошироко во регионот со посебен осврт на предизвиците со кои се соочува општина Богданци заради актуелната енергетска криза. Посебен интерес амбасадорката Улман изрази за работата на Советот на општината и развивањето на капацитетите на новите советници  во рамки на проектите подржани од нивна страна.

Беше нагласена досегашната соработка на општина Богданци со амбасадата на Швајцарија, односно со Швајцарската агенција за развој и соработка, и беа разменети мислења за продлабочување на соработката во иднина.

Амбасадорката Улман потоа  го посети Повеќенаменско спортско-рекреативнo катчe за деца и млади кој  во рамки на организираните форумски сесии произлезе како предлог од младите во Богданци, кои  се сретнаа со амбасадорката и во неврзан разговор, во пријатна атмосфера, разменија мислење за повеќе теми кои ги интересираат младите од Богданци.

Унапреден локален развој во 24 општини преку програмата „Зајакнување на општинските совети“

На ден 24.03.2022 година во хотел Хилтон во Скопје се оддржа завршен настан на проектот „Зајакнување на општинските совети“.

На настанот се презентираа спроведените активности и постигнати резултати во рамки на проектот на Швајцарската агенција за развој и соработка, спроведен од страна на УНДП – „Зајакнување на општинските совети“.  На истиот присуствуваа претставници на 24-те општини (претседатели на совети, градоначалници,  проектни координатори) кои беа директно вклучени во спроведувањето на проектот како и партнерските институции и организации (Министерството за локална самоуправа, Министерството за финансии, ЗЕЛС, Здружението на финансиски работници  -АФО, UN Women) .

Главната придобивка на проектот е што помогна да се подобри квалитетот на живот на граѓаните во 24-те партнерски општини, но во исто време воспостави алатки и пракси кои го зајакнуваат капацитетот и на советниците и на општинската администрација, и го охрабруваат учеството на граѓаните преку Форумите на заедницата. 

Конкретно, во рамки на проектот Општина Богданци ја подобри сообраќајната безбедност и обезбеди нов простор за спорт и рекреација за сите граѓани, а слични и многу корисни проекти беа реализирани и во другите општини вклучени во проектот.

Покрај Форумите во заедницата и проектните грантови, за нас како општина особено се значајни две компоненти за развој на капацитетите и  вмрежување на советниците:

  1. Обезбедена е нова политика на транспарентност, преку набавка на соодветна опрема која како иновативна алатка се користи за пренос и архивирање на снимените седници и обезбедува пристап на граѓаните до факти, знаења и искуства во дигитална форма.
  2. Новоизбраните советници се охрабрени да креираат личен профил на платформата за е-учење достапна на веб страницата opstinskisoveti.mk, со што обезбедуваме континуитет во пристапот на неопходните знаења за нивната работа и создаваме можност за понатамошно вмрежување и на новоизбраните советници.

„Програмата „Зајакнување на општинските совети“ во изминатите  пет години докажа дека со правилен пристап, едукација и иновативнит теехологии може да се поттикне и забрза локалниот развој и  да се постават нови стандарди во практикувањето на политиката во локалните самоуправи.

konya escort

antalya escort Saç ekimi ankara