Положено свежо цвеќе пред бистите на паднатите борци

По повод 26-ти Април, Денот кога пред 76 години излегле првите партизани од Богданци, Гевгелија и Гевгелиско, Градоначалникот на Општина Богданци, Блаже Шапов, Здружението на борците од Богданци и Гевгелија, членови на Општинското Здружение на Пензионери и ученици од ООУ „Петар Мусев“ положија свежо цвеќе на бистите на паднатите борци во Градскиот парк во Богданци.

На настанот свое обраќање имаше г-дин Јане Ташковски од Гевгелија, кој како претставник на Здружението на Борци го истакна значењето на овој ден и даде ретроспектива на случувањата.

По завршување на настанот претставници од Здружението на Борци и Пензионери имаа прием во Кабинетот на Градоначалникот, Блаже Шапов.

Велигденска Честитка од Градоначалникот Блаже Шапов

Градоначалникот на Општина Богданци, Блаже Шапов, по повод големиот христијански празник Велигден, до  своите сограѓани од православна вероисповест упатува честитка со желби за среќни празнични денови, благодет во домовите, мир, христијанска љубов и меѓусебна почит.

– На моите сограѓани од православна вероисповест, по повод големиот христијански празник Велигден им ги упатувам  своите најискрени честитки. Посакувам во сите домови да владее среќа, спокојство, благодет, почит и христијанската љубов. Во здравје и празнично расположение, во духот на христијанската вера,  да ја потврдиме вредноста  на нашата духовност споделувајќи безусловна љубов со најблиските.

Празнувањето на Воскресението Христово – Велигден нека ни носи нова радост, среќа и бериќет, нека ни дава сила да се справиме со искушенијата, да се почитуваме и да ја градиме подобрата иднина.

Нека ни е честит Велигден!

Христос воскресна!

Навистина воскресна!

Априлијада

      

По повод 1 април, Денот на шегата, со почеток во 10.00 часот во Градскиот парк во Богданци се одржа традиционалната манифестација „Априлијада“.

Во програмата свое учество зедоа дечиња од ЈОУДГ „Коста Поп Ристов Делчев“, како и ученици од ООУ „Петар Мусев“ Богданци, ООУ “Кирил и Методиј“ Стојаково и СОУ „Богданци“.

Настанот го организираше Дом на Култура „Бранд Петрушев“ во соработка со Општина Богданци.

 

Сите учесници добија Благодарници за учество а соодветно беа наградени  следните маски:

  • Прва награда – „Каменковци од Бед Рок“, Vа одделение ООУ „Петар Мусев“ Богданци;
  • Втора награда – „Дождовни облачиња“, ООУ „Кирил и Методиј“ Стојаково и „Гости од Хаваи“ од ЈОУДГ „Коста Поп Ристов Делчев“ Богданци;
  • Трета награда – „Медицинска интервенција“ I-5 клас СОУ „Богданци и „Професии“ VI одделение ООУ „Кирил и Методиј“ Стојаково.

                  

Известување за планирани прекини во дистрибутивниот систем за електрична енергија

Почитувани,

Ве известуваме дека согласно добиените податоци од ЕВН Македонија поради интервенции на екипите на дистрибутивната мрежа, без снабдување со електрична енергија ќе останат сите стопански и нестопански корисници според следниот распоред

  • 20.03.2019 година од 09.20 до 11.20 часот дел од Заобиколен пат Богданци од приклучок со Регионален пат до Мост на Луда Мара на Локален пат Богданци – Стојаково и ул.Трнката.
  • 20.03.2019 година од 11.20 до 13.20 часот влезот на ул.Маршал Тито до Чавдарова Чешма, дел од ул.Крушевска, ул.Изворски. ул.Петар Мусев, ул.Кирил Петрушев и дел од ул.Бранд Петрушев.
  • 20.03.2019 од 13.20 до 15.20 часот село Стојаково и м.в Барта и Црквица во Богданци.
  • 21.03.2019 година од 09.20 до 11.20 часот реонот на место викано „Дубрава“ во Богданци.
  • 21.03.2019 година од 11.20 до 13.20 часот дел од Центарот на Богданци и улиците Првомајска, Пролетерска, Дојранска, Осоговски и Братство Единство.
  • 21.03.2019 година од 13.20 до 15.20 часот Рибник „Елита“ .
  • 22.03.2019 година од 09.30 до 11.30 часот од „Комерцијална Банка“ до „Драги Ком“, дел од ул.Крушевска од ООУ „Петар Мусев“ до Спортска Сала „МЛАЗ“, дел од ул.Бранд Петрушев, ул.Никола Карев, ул.Коста Поп Ристов и ул.Атанас Бојков.

Јавна расправа по предлог –Интегриран план за локален развој на Општина Богданци

На ден 12.03.2019 година на работилница оддржана во просториите на ЈОУДК Бранд Петрушев, беше разгледана Нарцт верзијата на документот Интегриран план за локален развој на Општина Богданци од тимот за изработка на овој стратешкиот документ.

По предлог верзијата на  документот Интегриран план за локален развој на Општина Богданци упатуваме повик за јавна расправа до сите заинтересирани граѓани и деловни субјекти  со цел донесување на што поизддржан (подобар) стратешки документ за развој на општината .

Забелешките во однос на стратешкиот документ ги очекуваме до 28.03.2019 година на следната e-mail  адреса:  opstina_bogdanci@t-home.mk.

Предлог верзијата на документот може да ја превземете од следниот линк ИПЛР-ПРЕДЛОГ .

Можност за учество во Јавна Анкета

Локалниот акционен план за животна средина (ЛЕАП),  е стратешки плански документ на локално ниво  инициран од потребата на граѓаните за чиста и здрава животна средина, но и како правна обврска која произлегува од законската регулатива.

Со цел поголема информираност на граѓаните и во насока на нивно вклучување во процесот на подготовка и изработка на ЛЕАП, објавуваме Јавна анкета во електронска верзија, како би можеле сите заинтересирани граѓани да одговорат на истата по електронски пат.

Со пополнување на анкетниот прашалник https://www.surveymonkey.com/r/2WGMFC5 , Вие директно учествувате во креирање на животната средина во нашата Општина.

Пошумен дел од Ранковец

    

Акцијата за пошумување која ја организираше Општина Богданци во соработка со Подружница ШС ,,Кожуф” Гевгелија, на м.в ,, Ранковец “ (4 – 5 ветерница) на ден 21.02.2019 година, заврши по планираното.

Благодарност до учениците од училиштата во Општина Богданци и нивните наставници, до Директорот на Подружница ШС ,,Кожуф Гевгелија и вработените.

Извештајот за површината и бројот на засадените садниците (бор) го подготвува Подружница ШС ,,Кожуф  Гевгелија.

Пошумување

Почитувани,

      Ве известуваме дека Општина Богданци во соработка со Подружница ШС „Кожуф“ Гевгелија, организира акција за пошумување на м.в „Ранковец“, патот кон депонијата во Богданци, територија помеѓу четвртата и петтата ветерница.

       Активноста  ќе се одржи  на ден 21  февруари  2019 година (четврток),  во период од 10:30  до 13:00 часот.

       Во акцијата можат да се вклучат, освен учениците од училиштата во Општина Богданци, физички и правни лица кои ќе покажат интерес. 

       Тргнување на автобусот на фирмата ДПТ ,,ГОКИ,, Јадранка ДОО увоз-извоз Богданци од автобуската станица во Богданци, во 11 часот и  во 12 часот , по потреба продолжуваме во 13 часот од истото место.
 Со почит,
                                                                                                                                                                                                                                                                              Општина Богданци

Известување

Почитувани,

Ве известуваме  дека фирмата која Ви подели  садови за собирање на искористено масло за јадење врши собирање на истото со доаѓање до вашите домови. По полнење на садовите јавете се на тел. 02 2 650 100 и 02 2 650 600 или обратете се на следната е-маил адреса:  operator@sunilens.com.mk.

 

Превземени активности на општина Богданци за изградба, реконструкција, оддржување и заштита на локалната патна мрежа

Општина Богданци во рамки на своите можности и подпомогната од Фондот за патишта редовно ги оддржува локалните улици и патишта.

Реалната слика е дека и покрај редовното оддржување локалната патна мрежа е во релативно лоша состојба. Ваквото редовно оддржување на веќе истрошените улици претставува голем товaр за Општината и во иднина како општина со скромен Буџет за оваа намена не ќе бидеме во состојба континуирано да обезбедуваме квалитетно оддржување на локалната патна мрежа, затоа  врз основа на стратешкиот документ за локален развој предвидено е реконструкција на следниве локални улици и патишта со изнаоѓање средства од домашни и мегународни донатори:

 

  • Улици и патишта за кои е веке аплицирано и за кои се очекуваат резултати.
  1. Реконструкција на локален пат Стојаково –Селемли во вредност од 21.279.206,28 денари со вклучен ДДВ, со овој проект општина Богданци има аплицирано до програмата на АФПЗРР во мерка 321 и е во очекување на негово одобрување, патната мрежа е во должина од 3903.17м.
  2. Реконструкција на улици во населено место Селемли во вредност од 9.934.278,46 денари со вклучен ДДВ, со овој проект општина Богданци има аплицирано до програмата на АФПЗРР во мерка 322 и е во очекување на негово одобрување, патната мрежа е во должина од 991,81м (475,16 главна улица +123,8 Ул1 +151,15Ул2 +67,84Ул3 +173,86Ул4).
  3. Реконструкцијата на пешачка и велосипедска патека Богданци-Честе Јавори –Паљурци фаза 1 во вредност од 12.603.745,20 денари со вклучен ДДВ, со овој проект општина Богданци има аплицирано до програмата на АФПЗРР во мерка 323 и е во очекување на негово одобрување, патеката е во должина од 2647,77м.
  4. Реконструкција на локален пат Делница Р1109-Стојаково во вредност од 13.605.914,63 денари со вклучен ДДВ, со овој приоритетен регионален проект општина Богданци преку ЦРЈИПР има аплицирано до програмата на АФПЗРР и е во очекување на негово одобрување, патната мрежа е во должина од 2.603,40м.
  5. Реконструкција на дел од пристапни улици кон здравен дом во Богданци (дел од улици Васо Марков, Мирче Ацев и Дојранска) во вредност од 2.612.823,25 денари со вклучен ДДВ, со овој проект општина Богданци има аплицирано до програмата за развој на на обединетите нации УНДП  проектот е одобрен и во очекување сме на негово имплементирање во наредниот период, патната мрежа е во должина од 405,06м (201,66 Васо Марков+79,13 Мирче Ацев+124,27 Дојранска).

 

  • Улици и патишта за кои е изработена целосна проектна документација и се очекува изнаогање на донаторски фондови.
  1. Патна инфраструктура во туристичка зона Паљурци – Приклучок на улици 1 и 2 кон регионален пат Р1109 Богданци –Фурка во м.в Паљурци во вредност од 5.579.573,00 денари со вклучен ДДВ, патната мрежа е во должина од околу 300м.
  2. Реконструкција на улица Крушевска –Богданци во вредност од 15,120,026.63 денари со вклучен ДДВ, патната мрежа е во должина од 1.318,53м.
  3. Изградба на нов мост преку Луда Мара за поврзување на населено место Богданци со индустриска зона Барта во вредност од 11.776.706,80 денари со вклучен ДДВ, должина на мост 24,1м, ширина на мост 5,5m со две сообраќајни ленти од 2,75m.
  4. Реконструкција на улица во с.Гавото во вредност од 5.172.308,00 денари со вклучен ДДВ, патната мрежа е во должина од околу 1000м.
  5. Реконструкција на улица Кочо Рацин –Богданци во вредност од 2.061.889.00 денари со вклучен ДДВ, патната мрежа е во должина од околу 260м.
  6. Реконструкција на улица Брака Миладинови –Богданци во вредност од 2.404.357,00 денари со вклучен ДДВ, патната мрежа е во должина од околу 250м.
  7. Реконструкција на улица Ѓуров Дол –Богданци во вредност од 2.494.009.00 денари со вклучен ДДВ, патната мрежа е во должина од околу 270м.
  8. Реконструкција на улица Мирче Џочков –Богданци во вредност од 1.524.956.00 денари со вклучен ДДВ, патната мрежа е во должина од околу 160м.
  9. Реконструкција на улица Мирка Гинова –Богданци во вредност од 1.341.607.00 денари со вклучен ДДВ, патната мрежа е во должина од околу 130м.

–      Улици и патишта за кои е во тек изработка на проектна документација.

  1. Ул Петар Мусев во населено место Богданци.
  2. Ул Иво Лола Рибар во населено место Богданци.
  3. Ул Козјак во населено место Богданци.
  4. Ул 26-ти Април во населено место Богданци.
  5. Ул Луда Мара во населено место Богданци.
  6. Ул Осоговски во населено место Богданци.
  7. Ул 11-ти Октомври во населено место Богданци.
  8. Ул 10-ти Октомври во населено место Богданци.

 

  • Уредување на улици предвидено со годишната програма за изградба, реконструкција, оддржување и заштита на локални патишта и улици во општина Богданци за 2019 година
  1. Кршење на стар асфалт и вадење на стари ивичњаци, чистење на тротоарска површина, тампонирање и поставување на бехатон на ул Маршал Тито- Богданци во вредност од 1.900.000,00 денари.
  2. Сечење на асфалт, ископ, поставување и набивање на тампон и поставување на гребнатини на ул Петар Мусев, ул Изворски, ул Крушевска пред градинка и основно училиште- Богданци во вредност од 79.200,00 денари.
  3. Крпење на асфалт- Богданци во вредност од 354.000,00 денари.
  4. Дел од улица 25-мина –Стојаково во вредност од 1.000.000,00 денари (Набавка, транспорт и поставување на улични бетонски рабници 18/24см, чистење, тампонирање и поставување на бехатон во површина од 795м2).
  5. Споредни улици- Ѓавото (чистење, тампонирање и бетонирање од 4000м2) во вредност од 2.000.000,00 денари.

За дел од проектите за кои има спремна проектна документација се очекува реализација преку повиците во новата ИПАРД мерка ,Унапредување и развој на руралната инфраструктура, која се очекува да биде активна од 2019 година и стретсвата обезбедени за развој на општините преку Светска банка кој се очекуваат да бидат активни во првиот квартал од 2019, додека за проектите од регионално значење се очекува реализација преку ЦРЈИПР со средсва обезбедени од БРР во мерката за регионален развој.

Во годишната програма за изградба, реконструкција, рехабилитација и одржување на државните патишта за 2019 година на ЈП за државни патишта предвидено е отпочнување на реализација на Регионален пат Р1109, Дедели – Фурка – Богданци – Гевгелија, должина 24 км.

Вредно да се напомене е дека како дополнителен проблем со кој се соочува општина Богданци е застарената урбанистичка документација која при реконструкција на локалните улици и патишта носи  потреба од  легализација и експропријација.

Во моментот општина Богданци има завршен процес за легализација на обиколницата околу Богданци и на делови од улиците Васо Марков, Мирче Ацев и Дојранска.

Покрај сите предизвици со кои се соочува, општина Богданци продолжува да изнаоѓа најсоодветни решенија во служба на граганите за обезбедување поквалитетни услови за живеење.

 

ekbonus.com deneme bonusu veren siteler linkegit.com

bahis siteleri grandbetting cratosslot betkanyon albibet aresbet galabet maltcasino vdcasino baymavi supertotobet retrobet betasus betexper btcbahis betvole ngsbahis betmatik