Вести

Општина  Богданци ги известува сите учесници во изборната кампања за Локалните избори 2025 година  дека на ден 26.09.2025 година (петок) во 10.00 часот во салата на Советот на општина Богданци ќе се изврши ждребење за утврдување на редоследот за истакнување на изборни плакати без надоместок на подрачјето на општина Богданци.

Согласно Одлуката за утврдување на места за истакнување на изборни плакати без надоместок на подрачјето на Општина Богданци бр. 08-493/6 од 15.03.2017 година („Службен гласник на Општина Богданци“ бр. 05/17)  на територијата на Општина Богданци за истакнување на Изборни плакати без надоместок во текот  на изборната кампања се утврдуваат следните места:

• Во Богданци

-потпорен ѕид на детското игралиште на автобуска Богданци;

-на излезот од Богданци спрема Стојаково, просторот од левата страна покрај оградата на трафостаницата на ЕВН и

-ограден ѕид на игралиште Вардарски на ул. „Маршал Тито“-Богданци.

• Во Стојаково

-во центарот на просторот покрај оградата на ресторантот;

-на просторот кај место викано „Чекркот“;

-просторот кај местото викано „Геран“ и

-просторот позади Црквата.

• Во Селемли

-на просторот по главната улица на населбата, на автобуската постројка.

• Во Ѓавото

-на влезот на населеното место на ограден ѕид од пумпата за вода до некогашен откупен пункт на Земко и

-во центарот на населеното место кај свртувалиштето за автобуси.

Сите заинтересирани учесници во изборната кампања за Локалните избори 2025 година кои ќе присуствуваат на ждребењето, задолжително да поседуваат овласување и документ за идентификација.

Почитувани, Екипите на Електродистрибуција, на 17.09.2025 (среда) ќе работат на реконструкција и модeрнизирање на дистрибутивната мрежа на одредени локации во Богданци. Ве известуваме дека во периодот од 06.30 до 14.30 часот без електрична енергија ќе останат дел од корисниците на ул.Изворски, ул.Коста Поп Ристов, ул.Маршал Тито, ул.Олга Петрушева, ул.Дојранска, ул.Првомајска, ул.Нако Вардарски, ул.Пролетерска, ул.Воденска, ул.Мирче Ацев и ул.Осоговска.

Почитувани,

Во прилог линк од Јавен оглас објавен од Министерство за енергетика, рударство и минерални суровини кој се однесува на добивање на финансиска поддршка на ранливи категории потрошувачи на енергија за 2025 година, преку доделување на ваучер за купен и вграден инвертер клима уред, со рок за поднесување барање до 05 октомври, 2025 година: јавен оглас за доделување на ваучер за инвертер клима уред.

Во прилог линк од јавен оглас објавен од Министерството за енергетика, рударство и минерални суровини кој се однесува на добивање на финансиска поддршка на ранливи категории за потрошена електрична енергија, со рок за поднесување барање до 30 август, 2025 година: јавен оглас за потрошувачка на енергија.

Почитувани,

Ве известуваме дека 75-та седница на Совет на општина Богданци започнува денес, 05-ти Август со почеток во 10.00 часот. Проследете ја во живо на следниот линк 75 та седница

Проект: „Балкански алтернативни маршути за одржлив туризам преку цела сезона“- Балкан Вело

ПОНИШТУВАЊЕ НА ТЕНДЕРСКА ПОСТАПКА

Почитувани,

Ве Известуваме дека во врска со огласот за договор: TD02 Реконструкција на зграда во Ѓавото,

Референтен број на огласот за договор (идентификатор на постапка): 10-1152/29

Договорот не се доделува, од причина што сите технички прифатливи понуди ги надминуваат расположливите финансиски ресурси.

Дополнителни информации:

Доколку се започне нова тендерска постапка за овој проект, ќе се објави нов оглас за договор.

Во Прилог може да го најдете писмото за Поништување на постапката со целосни информации!

Почитувани,

Ве известуваме дека денес, 17-ти јули со почеток во 10.00 часот може да ја проследите во живо 74-та седница на Совет на општина Богданци на следниот линк: 74-та седница во живо.

Денес во просториите на Министерството за транспорт, Градоначалникот Блаже Шапов го потпиша Договорот за реализација на проектот „ Реконструкција на улица  Петар Мусев  во Богданци “, со кој општина Богданци учествувашево Програмата за користење на капиталните дотации  за финансирање на инвестиционите проекти  на општините и општините во Градот Скопје за 2025 година, донесена од Владата на Република Северна Македонија.

Вкупната вредност на инвестицијата за Проектот „ Реконструкција на улица  Петар Мусев  во Богданци “ изнесува 63.110.145,00 мкд , а од Владата на Република Северна Македонија, согласно Програмата за користење на капиталните дотации  за финансирање на инвестиционите проекти  на општините и општините во Градот Скопје за 2025 година,   се обезбедени средства во износ од 60.932.047,00 мкд. 

Разликата над обезбедените средства во износ од 2.178.098,00 мкд кои ќе се употребат за оваа инвестиција се планираат во Буџетот на општина Богданци.

Се работи за станбена улица која заради местоположбата и нејзината врска со главната улица, обиколницата ( која преку мостот на реката Луда Мара е спојка со локалниот пат Л601, делница Богданци –Стојаково , односно веднаш после мостот преставува врска со индустриската зона „Барта“), и крстосувањето со улиците Крушевска и Изворски  има функција на сервисна, па дури и собирна улица.

Покрај реконструкцијата на коловозната конструкција, а со цел избегнување на ископ на ново реконструираната улица во иднина, и согласно тоа заштеда на значителни финансиски средства, на улицата е планирано поставување на ПВЦ цевки за поставување на електрични и оптички кабли, како и изградба на фекална и атмосферска канализација. 

Почитувани,

            Ве известуваме дека од  14.07.2025 година (понеделник) ќе се започне со реконструкција на мост преку река Луда Мара  во Богданци. За таа цел мостот  ќе биде целосно затворен за сообраќај. Движењето на релација Богданци – Стојаково и обратно ке се одвива единствено преку патот Шимов -Стојаково. Изведувач е фирмата Еуроинг ДОО Гевгелија.

 Се надеваме на разбирање