Вести

Согласно добиените податоци од Електродистрибуција Гевгелија, без напојување со електрична енергија на 03.02.2023 од 08:50 до 13:30 часот ќе бидaт дел од корисниците од јужниот и источниот дел на Богданци , Беровска мала и излез кон Млаз (вклучително индустриските објекти Оранжерии Воденичар , Бреботекс , Млекара, Бовекс и други) , заради интервенција на водот.

Почитувани граѓани,

Ве известуваме дека согласно Законот за данок на имот ( Сл. Весник  на РМ бр. 61/04, 92/07, 102/08 ,35/11, 53/11, 84/12, 188/13, 154/15, 192/15 и 23/16 и Сл.весник на РСМ бр 151/21)  член 4, 7, 9, и член 29:

– Даночните обврзници се должни најдоцна до 31 јануари да поднесат даночна пријава за недвижен имот кој го поседуваат, а кој не е пријавен за оданочување.

– Даночните обврзници треба најдоцна во рок од 15 дена од стекнувањето со право на сопственост на недвижен имот или со право на користење на истиот, да го пријават имотот за оданочување кај општинската администрација.

– Обврзникот на данокот на имот од ставот (1) на овој член кој поднел даночна пријава нема обврска за истиот имот да поднесе нова пријава, доколку нема промени на податоците содржани во претходно поднесената даночна пријава, а кои се од влијание за висината на даночната обврска. Со цел да се олесни постапката за пријавување на данокот на имот, која е обврска на граѓаните и на правните лица како даночни обврзници, како и пријавување на настанатите промени на податоците во врска со имотот подлежен на даночење и податоците на даночните обврзници, Ве покануваме да пријавите во просториите на Општина Богданци.

За физички лица-граѓани потребни документи се фотокопија од имотен лист кој е изваден по завршување на постапката за легализација или купопродажба на недвижниот имот и  лична карта на увид.

За правните лица потребни документи се фотокопии од имотен лист и  тековна состојба од Централен регистар.

За подетални информации можете да се обратите на нашиот телефонски број 034/222-335  во текот на работното време (од понеделник до петок) или во просториите на Општина Богданци.

Даночна пријава

Почитувани сограѓани,

Во името на Советот на Општина Богданци и во свое лично име, Ви го честитам најголемиот христијански празник Божиќ – денот на Христовото раѓање.

Во  добро здравје со чиста мисла и  ведар дух започнете го празнувањето  со кое се величат духовните и морални вредности  кои ги поврзуваат луѓето, а нашите срца се отвораат за добри дела. Минете ги овие денови  онака како што налага традицијата,  мирно и радосно  во кругот на семејството.

Христос се роди, Навистина се роди!!!

Нека е за многу години големиот празник!

Почитувани,

Имаме голема чест да Ви соопштиме дека и во 2023 година во општина Богданци ќе се оддржи настанот традиционално палење на коледарски оган.

Во Богданци настанот ќе се оддржи во четврток, 05.01.2023 година во Градскиот парк со почеток во 19.00 часот.

Настанот е во организација на Лебопекара ММ и Солун 53 Маркети.

Во Богданци ќе земат учество локални музички изведувачи: Ристо Димитров (Тарабан) Здравко и Милош, Наталија Данаилова, Марија Ичкова, Влатко Илјачев, Слободанка Арнаудова, Бојана Дупјачанец, Јулија Јанушева балетско студио Sweet Dance и фолклорен ансамбл Мегдан.

Во петок, 06.01.2023 година, истиот настан во организација  на Месната Заедница Стојаково ќе се оддржи во населено место Стојаково во ООУ „Кирил и Методиј“ со почеток во 18.30 часот.

Под мотото „Нашата хуманост – дел од нечија среќа“  Општина Богданци, СОУ„Богданци“, Општинско Здружение на пензионери и бизнис заедницата, заеднички организираат Бадникова трпеза  по повод  верските празници  Бадник и Божик.

                Христовото раѓање само по себе е Молитва, дарување, милост, емпатија, желба за мир и соживот. За тоа ги покануваме сите социјално ранливи категории на граѓани да повелат на посен ручек на ден 04.01.2023 год ( среда) во просториите на црквата Св. Атанасиј Велики  од 12.00 до 16.00 часот.

             Граѓаните кои нема да бидат во можност да присуствуваат, од страна на организаторите ќе им бидат доставени подготвени посни оброци во нивните домови.