Вести

Центарот за развој на Југоисточниот плански регион во соработка со десетте општини од регионот започна со активности за третирање против ларвицидна и возрасна форма на комарци по земјен пат. Предвидени се две третирања за ларвициди и три третирања против возрасни комарци на територијата на Југоисточниот регион со вкупна површина од 5.376 ха.

Се известуваат сите граѓани на десетте општини во Југоисточниот плански регион дека второто ларвицидно прскање ќе се изврши во период од 17 до 19 Мај 2021 година, со следниот распоред:

1. На 17.05.2021 година (Понеделник), во период од 09 до 16 часот во општините Валандово, Дојран, Гевгелија и Богданци.
2. На 18.05.2021 година (Вторник), во период од 09 до 16 часот во општините Ново Село, Босилово, Василево и Струмица.
3. На 19.05.2021 година (Среда), во период од 09 до 16 часот во општините Радовиш и Конче.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Во согласност со договорот за заем за финансирање на Проектот за поврзување на локални патишта меѓу Република Северна Македонија и Меѓународната банка за обнова и развој – Светска Банка, денес, 12.05.2021 година од страна на Министерот за траснпорт и врски, Благој Бочварски и Градоначалникот на општина Богданци, Блаже Шапов беа потпишани договорите за имплементација за подпроекти: Реконструкција на улица Мирче Џочков, реконструкција на улица 10-ти Октомври, Мирка Гинова, Ѓуров Дол, Кочо Рацин и Браќа Миладинови.

Реализацијата на проектот за подобрување на локалната патна инфраструктура започна од улицата Ѓуров Дол од страна на изведувачот ДГПТ ЕУРО ИНГ доо Гевгелија и ВЕ – Група Радовиш во должина од 270м. Улиците ќе бидат со вградени рабници и асфалт додека по должината на истите ќе има вградено инсталации (пластични цевки) со шахти за монтирање на електрични и оптички кабли. Овие шест улици се дел од првиот тендер и нивната вкупна должина изнесува 1235м, додека вториот тендер се однесува на улицата Крушевска за која се планира да се реализира до крајот на оваа година.

Градоначалникот, Блаже Шапов, изјави дека со реализација на овие улици како и планираните 21 улица во Годишната програма за локални патишта и улици значително ќе се подобри патната инфраструктура а со тоа и  условите за живот во нашата општина.

Министерот за транспорт и врски, Благој Бочварски истакна дека во првата фаза вкупната инвестиција изнесува околу 4.000.000 евра, а се однесува на реконструкција на 27 улици во 17 општини со вкупна должина од 23.6км. Реализацијата на еден ваков проект ќе придонесе за рамномерен регионален развој, за економско зајакнување на општините како и за намалување на разликите помеѓу планските региони и општините кои спаѓаат во нив.

Почнувајќи од утре, 12 мај 2021 година на сила се новите мерки кои ги усвои Владата на денешната редовна седница:

Полицискиот час започнува од 24:00 часот, а трае до 04:00 часот наутро наредниот ден.

Дозволеното време за работа на угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел) е до 23:30 часот.

Сите настани може да се одржуваат согласно наменските протоколи, со исполнетост до 30% од капацитетот на затворениот простор.

Вежбалните, фитнес центрите и теретаните може да отпочнат со вршење на својата дејност во објектите.

Почитувани,

Ве известуваме дека согласно добиените податоци од ЕВН Македонија, екипите на ЕЛЕКТРОДИСТРИБУЦИЈА ќе работат на реконструкција и модeрнизирање на дистрибутивната мрежа на одредени локации во Богданци. Заради реализација на инвестиционите зафати за подобрување на квалитетот во снабдувањето со електрична енергија, на ден 12.05.2021 година (среда) во периодот од 08.30 до 14.00 часот без снабдување ќе останат сите стопански и нестопански корисници на улица Петар Мусев, Вељко Влаховиќ, Изворска, Маршал Тито (Влез од Гевгелија до Центар Богданци ),10-ти Октомври, 25-ти Мај, Дојранска и Горно село.

На последната, 67 седница Владата ги прифати препораките на Комисијата за заразни болести и донесе измени и дополнувања на мерките за заштита и спречување на ширењето на КОВИД-19.

Со овие измени и дополнувања од денес, 28 април (среда), забраната за движење на населението и на возила од јавен превоз на целата територија на државата, наместо од 20:00 ќе важи од 21:00 до 5:00 наредниот ден.

Исклучок од забраната и посебниот режим на движење се вечерните часови меѓу 1 и 2 мај, односно за време на верскиот празник Велигден, и вечерта меѓу 12 и 13 мај за време на верскиот празник Рамазан Бајрам.

Од денес сите угостителски објекти ќе можат да работат само во отворените делови, односно на терасите на угостителските објекти и тоа до 20:30 часот после што треба да бидат затворени за посетители.

Согласно препораките на Комисијата останува забраната за работа на сите вежбални, фитнес клубови, спортски центри и сали наменети за вежбање на затворен простор, а дејноста може да ја обавуваат на отворен простор согласно соодветниот наменски протокол.

Новите мерки важат до 15 мај.

Согласно член 23 од Законот за младинско учество и младински политики органите на државната управа се должни да назначат службеник за млади, кој ќе ги координира, спроведува и следи прашањата од интерес на младите во делокругот на надлежностите на институцијата.

Имајќи ја во предвид оваа одредба од законот, а со цел заедничко решавање на проблемите и учество во развојот на нашата општина, за службеник за млади е назначена Слобода Тасиќ, вработена во општинската администрација.

За сите прашања поврзани со надлежностите на општина Богданци кои се во интерес на младите лица, истите можат да е информираат преку службеникот за млади на следниот емаил: sloboda.tasic@hotmail.com или тел.број 078 325 025.

Службеникот за млади ќе биде одговорен за развивање, планирање и следење на активностите поврзани со младите и младинските политики, поддршка на работата на локалната самоуправа, локалниот младински совет, неговите членови, спроведувањето на неговата програма, известување и транспарентност и одржување на комуникација и редовна соработка со младинските форми на здружување и младите.