Почитувани,
Ве известуваме дека од страна на Државниот завод за статистика објавен е дополнителен јавен конкурс за ангажирање на лица кои ќе учествуваат во спроведувањето на пописот на населението, домаќинствата и становите во Република Северна Македонија во периодот од 01.-21.04.2021 година.
Целиот текст на конкурсот во кој се наведени условите кои треба да ги исполнуваат кандидатите и начинот на аплицирање е достапен на следниот ЛИНК.
На општина Богданци и се доделени 595.620,37 Евра, средства од владата на РСМ преку заемот на Светска Банка за Проектот за поврзување на локални патишта. Во рамки на овој проект општина Богданци ќе спроведе активности за реконструкција и санација на седум локални улици во Богданци. Проектните активности ќе бидат спроведени во два тендера и тоа:
Во првиот тендер ќе се реализираат проектни активности за реконструкција на шест улици:„ Мирче Џочков “, „ Браќа Миладинови “, „ Мирка Гинова “, „ Кочо Рацин “, „ Ѓуров Дол “ и „10 Октомври“ .
Во вториот тендер ќе се реализираат проектни активности за реконструкција на една улица:
СО ЦЕЛ ИНФОРМИРАЊЕ НА ГРАЃАНИТЕ ЗА АКТИВНОСТИТЕ КОИ ПРЕТСТОЈАТ ПО ЗАВРШУВАЊЕ НА ТЕНДЕРСКИТЕ И ДРУГИ ПОСТАПКИ , А СЕ ОДНЕСУВААТ НА РЕКОНСТРУКЦИЈА НА УЛИЦАТА „КРУШЕВСКА“ ВО БОГДАНЦИ ГРАДОНАЧАЛНИКОТ НА ОПШТИНАТА Г-ин БЛАЖЕ ШАПОВ, ДЕНЕС, 26.02.2021 Година, ОСТВАРИ СРЕДБА СО ГРАЃАНИТЕ И ДРУГИ ЗАИНТЕРЕСИРАНИ ЧИНИТЕЛИ ОД ОВАА УЛИЦА.
ВО ДИРЕКТНА КОМУНИКАЦИЈА ПРИСУТНИТЕ БЕА ДЕТАЛНО ЗАПОЗНАЕНИ СО ГРАДЕЖНИТЕ АКТИВНОСТИ КОИ ЌЕ СЕ РЕАЛИЗИРААТ НА УЛИЦА КРУШЕВСКА И ИМ СЕ ОБРНА ВНИМАНИЕ ДЕКА ВО СОРАБОТКА СО ПРОЕКТНАТА ЕДИНИЦА ОД МИНИСТЕРСТВОТО ЗА ТРАНСПОРТ И ВРСКИ ВЕЌЕ Е ВОСПОСТАВЕН МЕХАНИЗАМ ЗА КОМЕНТАРИ, ЗАБЕЛЕШКИ И ПОПЛАКИ КОЈ СЕ ОДНЕСУВА НА УЛИЦИТЕ ОД ПРВИОТ ТЕНДЕР, А КОИ ЌЕ СЕ ПРИМЕНАТ И ВО ПРОЦЕСОТ НА РЕКОНСТРУКЦИЈА НА ОВАА УЛИЦА.
БЕШЕ КОНСТАТИРАНО ДЕКА РЕКОНСТРУКЦИЈАТА НА ОВАА УЛИЦА Е ПРИОРИТЕТ КАКО ЗА ГРАЃАНИТЕ КОИ ЖИВЕАТ НА ИСТАТА, ТАКА И ЗА СИТЕ ДРУГИ ЖИТЕЛИ ОД БОГДАНЦИ И ПОШИРОКО, БИДЕЈЌИ СО ВОСПОСТАВУВАЊЕ НА НОВИОТ РЕЖИМ ЗА СООБРАЌАЈ СПОРЕД КОЈ ДЕЛ ОД ГЛАВНАТА УЛИЦА ИМА ЕДНОНАСОЧЕН СООБРАЌАЈ УЛИЦАТА КРУШЕВСКА ИМА ЗГОЛЕМЕНА ФРЕКФЕНЦИЈА НА СООБРАЌАЈ.
Средбата беше остварена со почитување на мерките во услови на Корона вирус.
Постари објави
Потпишан Меморандум за разбирање
ИЗВЕСТУВАЊЕ за достапност на документ контролна листа на План за управување со животната средина и со социјалните аспекти (ПУЖССА) за проект за санација на постоен пат, ул. „Крушевска“ општина Богданци, во рамки на Проектот за поврзување на локални патишта во РСМ
Линк:https://bogdanci.gov.mk/%d0%b8%d0%b7%d0%b2%d0%b5%d1%81%d1%82%d1%83%d0%b2%d0%b0%d1%9a%d0%b5-7/
ИНФОРМАЦИЈА ЗА ПРОЦЕСОТ НА КОНСУЛТИРАЊЕ – ПАТОТ ДО ОДЛУКАТА ЗА РЕКОНСТРУКЦИЈА НА УЛИЦИ ВО БОГДАНЦИ
Во рамките на Швајцарскиот проект „Зајакнување на општинските совети“ кој го спроведува УНДП, во текот на 2020 година Општина Богданци спроведе Форуми во заедницата, каде низ четири форумски сесии граѓаните и невладините организации на оваа општина имаа прилика да креираат, дискутираат и одлучуваат за приоритетни иницијативи кои би се реализирале во општината со финансиска поддршка од 50,000 CHF од проектот за Зајакнување на општинските совети.
Низ четирите форумски сесии, граѓаните на општина Богданци дадоа приоритет на иницијативата „Безбеден граѓанин – Среќен граѓанин-Уредување на режимот на сообраќај и поставување на сообраќајни знаци во Богданци “, која веќе е во целост реализирана а опфати голем број на активности за уредување на режимот на сообраќај и поставување на сообраќајни знаци во Општината. Вкупната вредност на оваа иницијатива изнесуваше 2,155,414 денари.
Имајќи предвид дека за реализацијата на оваа иницијатива Општина Богданци не го искористи грантот од 50,000 CHF во целост, на 15 февруари се организираше дополнителна форумска сесија каде граѓаните ги разгледаа преостанатите иницијативи и како приоритет ја утврдија иницијативата предложена од младите од Богданци „Уредување на повеќенаменско спортско-рекреативно катче за деца и млади“, која ќе се спроведе со преостанатите средства од проектниот грант, како и со кофинансирање од страна на општината.
Проектот преставува реконструкција, уредување и збогатување со нови содржина на постоечкото детско игралиште спроти Домот на култура во Богданци .
Дополнително, општина Богданци ќе се заложи во текот на годината со сопствени средства да ја реализира и трето-рангираната иницијатива произлезена од Форумите во заедницата: „Партерно уредување на дом на култура во Стојаково“.
Почитувани,
Ве известуваме дека од страна на Државниот завод за статистика објавен е јавен конкурс за ангажирање на лица кои ќе учествуваат во спроведувањето на пописот на населението, домаќинствата и становите во Република Северна Македонија во периодот од 01.-21.04.2021 година.
Целиот текст на конкурсот во кој се наведени условите кои треба да ги исполнуваат кандидатите и начинот на аплицирање е достапен на следниот ЛИНК.
Центарот за развој на Југоисточниот плански регион објавува конкурс за ангажирање на еден проектен координатор за потребите на проектот „Прекугранична соработка во справување со шумски пожари“ финансиран од Европската Унија преку Интеррег ИПА Програмата за прекугранична соработка помеѓу Република Бугарија и Република Северна Македонија 2014-2020.
Заинтересираните кандидати за горенаведената работна позиција својот интерес можат да го најават со доставување на кратка биографија (CV), мотивационо писмо на англиски јазик, копија од Диплома за завршено образование, како и дополнителни документи за докажување на критериумите од конкурсот, со назнака „По конкурс за проект Прекугранична соработка во справување со шумски пожари“, најдоцна до 26.02.2021 година (петок), до 16.00 часот, во просториите на Центарот за развој на Југоисточниот плански регион, Бул. „Маршал Тито” бр. 1-1, 2400 Струмица.
Целосниот текст на конкурсот како и прилозите може да се превземат од следниве линкови:
Конкурс по проект „Прекугранична соработка во справување со шумски пожари“
Денес, 19.02.2021 година во просториите на Дом на култура „Бранд Петрушев“ Богданци беше оддржана работна средба под мотото „Учи паметно, работи стручно“ која што се спроведува од страна на Министерството за образование и наука во соработка и со поддршка од Амбасадата на Швајцарија. На средбата присуствуваа Претседателот на Владата на РСМ Зоран Заев, Министерката за образование и наука Мила Царовска, Амбасадорката на Швајцарија во РСМ Н.Е. Сибил Сугер, колеги Градоначалници од регионот, претставници од средните стручни училишта и претставници на регионалниот бизнис сектор.
Во моментов се превземат активности за унапредување на средното стручно образование, со цел истото да ја оствари својата примарна цел во креирање квалификуван и стручен кадар кој ќе одговара на потребите на пазарот на труд.
Министерството за образование и наука спроведува анализа за да ја утврди соодветноста на постојните образовни профили кои ги нудат училиштата, како и на потребата од нови профили кои им се потребни на компаниите но не се вклучени во наставните програми.
Од овие причини произлезе и потребата за остварување на денешната работна средба на која се дискутираше и се споделуваа мислења за следниве прашања:
Унапредувањето на средното стручно образование бара ангажман од повеќе општествени чинители и бара разменување на мислења помеѓу бизнис заедницата, образовните институции и останатите надлежни институции како и дебата помеѓу истите.
Потребно е заеднички да ги идентификуваме потребите на компаниите и бизнис секторот и да се создаде кадар кој што е реално потребен, и кој во процесот на учење ќе посетува практична работа во компаниите и ќе се запознае со самиот производствен процес. Ова ќе биде од големо значење за учениците кои ќе добиваат пракса и потенцијално вработување по завршување на образованието со што ќе можат да одговорат на потребите, а реалниот сектор ќе добие квалитетен кадар подготвен брзо да се вклучи во извршување на работни обврски.
Создавањето на стручниот кадар е еден од најважните предуслови за локалниот економски развој, унапредувањето на бизнис климата, како и функционирањето на компаниите.
Серијалот општествени дебати со цел подобрување на образованието во Северна Македонија е помогнат од страна на Швајцарската амбасада која издвојува финансиски средства за овие програми и реформи и е активен чинител со своите искуства.
Општина Богданци Ве известува дека одобрена е Проектна програма, со технички број 045-2010/2020, Октомври, 2020 година изработена од ДПГИДДА ВЕКТОР 90 ДООЕЛ Струмица, за изработка на Урбанистички проект со план за парцелација на КП 11480, 11476/2 и делови од КП 11478, 11477/1, 11476/1, 11473/2, 9952/1 во КО Богданци, општина Богданци, со Решение бр 11-149/5 од 17.02.2021год. од општина Богданци, чиј инвеститор е ТДПТУ БАЏО ДООЕЛ Богданци со адреса на ул. Маршал Тито бр. 2/5 од Богданци.
БР.11-133/3
Од 05.02.2021година
Врз основа на член 35 став 13 од Законот за просторно и урбанистичко планирање („Службен весник на РМ“ бр. 199/14, 44/15, 44/15, 193/15, 31/16, 163/16, 90/17, 64/18, и 168/18) и член 93 од Законот за урбанистичко планирање (Сл. Весник на РСМ бр. 32/20), Градоначалникот на општина Богданци донесе:
С О О П Ш Т Е Н И Е
За организирање на повторна јавна презентација и јавна анкета
по Предлог Урбанистички план за село Селемли, Општина Богданци
Граници на опфатот се : Предметниот плански опфат отпочнува на северната страна на К.П.267, скршнува на исток и ги сече К.П.761, К.П.268 и К.П.753, продолжува по северната страна на К.П.167, К.П.169, К.П.170, К.П.171, К.П.181 и К.П.174, за момент скршнува на југ по источната страна на К.П.174, па скршнува на исток по северната страна на Станбената ул.10, скршнува североисточно по северната страна на К.П.191, ја сече К.П.37/5, па за скршнува кон југозапад по северната страна на К.П.191, ја сече истата, ја сече и станбената ул.10, па продолжува по југоисточната страна на К.П.195/1, К.П.194/2 и К.П.194/3, скршнува кон југ по источната страна на К.П.402, К.П.399 и К.П.397, за момент скршнува кон југозапд се до регулираниот водотек (б) од каде продолжува на југ по неговата источна страна и по источната страна на Станбената ул.6, па скршнува на запад по јужната страна на К.П.386/1 и К.П.366/2, ги сече К.П.365/2, К.П.364/1, К.П.363/2, К.П.360, К.П.359 и К.П.761, па скршнува на север по западната страна на Регулираниот водотек (а), за момент скршнува на запад по јужната страна на К.П.346, продолжува на север по западната страна на К.П.346, ги сече К.П.334, К.П.271/2, К.П.271/1 и К.П.271/3, скршнува на исток по северната страна на К.П.271/3, па продолжува кон север по западната страна на К.П.269, односно по западната страна на Регулираниот водотек (а), при што планскиот опфат оди до почетната точка и истиот се затвора.
Опфатот е со површина од 26,28 ха.
Јавната анкета и јавната презентација по Предлог Урбанистички план за село Селемли, Општина Богданци, ќе се спроведе со излагање на Предлог планот во просториите на ОУ Кирил и Методиј Селемли и на web страната bogdanci.gov.mk.
Јавната анкета ќе трае 10 работни дена сметано од 12.02.2021г, секој работен ден од 08:00 до 16:00 часот.
Во споменатиот рок, заинтересираните граѓани и правни лица од конкретното подрачје опфатено со планот можат да доставуваат писмени забелешки, предлози и мислења на анкетните листови во архивот на општина Богданци и во системот e-urbanizam.mk
Јавната презентација со стручно презентирање на планот ќе се одржи на ден 12.02.2021 година во 12:00 часот во просториите на ОУ Кирил и Методиј Селемли.
Предлог урбанистички план на Селемли
Анкетен лист за ЈА и ЈП Селемли
ГРАДОНАЧАЛНИК
на општина Богданци
Блаже Шапов
Почитувани,
Ве известуваме дека денес (29.01.2021) во 11.00 часот започнува 55-та седница на Советот на општина Богданци.
Доколку сте заинтересирани да ја гледате истата во живо, следете го следниот линк:
Врз основа на Одлуката за спроведување на мерки за субвенционирање на трошоци за комунални услуги бр.08- 1753/22 од 29.12.2020 година („Службен гласник на Општина Богданци“ бр. 20/20), Градоначалникот на Oпштина Богданци, објавува
ЈАВЕН ОГЛАС
ЗА ПОДНЕСУВАЊЕ БАРАЊА ЗА СУБВЕНЦИОНИРАЊЕ НА ТРОШОЦИ ЗА КОМУНАЛНИ УСЛУГИ
Општина Богданци ќе обезбеди средства од Буџетот на Општина Богданци за 2021 година за финансирање на активности од областа на социјалната заштита, во облик на спроведување на мерки за субвенционирање на трошоци за комунални услуги за граѓани изложени на социјални ризици.
Вкупниот износ на субвенцијата ќе изнесува 300,оо денари месечно за секој корисник и е составена од една компонента и тоа:
Право да поднесат барање за субвенционирање од средствата на Буџетот на Општина Богданци имаат:
Со барањето за субвенционирање на трошоци за комунални услуги се доставува следната документација:
Заинтересираните лица своите барања можат да ги достават директно во архивата на општина Богданци или преку пошта, на адреса : Oпштина Богданци ул.„Маршал Тито“ бр.62 Богданци;
Јавниот оглас ќе трае 12 дена од денот на објавувањето, а барањата ќе можат да се достават најдоцна до 01.02.2021 година до 16 часот во архивата на Општина Богданци.
Градоначалник
на Oпштина Богданци
Блаже Шапов
ankara travesti Partnerler | ankara travesti modelleri | istanbul travesti Magazin | istanbul travesti Magazin |