Вести

ПОЧИТУВАНИ ГРАЃАНИ НА ОПШТИНА БОГДАНЦИ,

Со цел за почиста животна средина, во интертес на сите нас, Општина Богданци во соработка со ЈП „Комунална чистота“ Богданци, продолжува со  мерките за организирано фрлање на создадениот отпад и контрола на создавање на диви депонии.

СТРОГО СЕ ЗАБРАНУВА!

– Самоиницијативно фрлање и оставање на отпадот покрај  и во садовите за собирање на отпад, како: градежен шут, косена трева, сечени гранки, лисја, градинарски отпад, кабаст отпад и земја од ископи, освен на места определени за таа намена (за фрлање на овој вид отпад, јавете се на тел. 034 221 038);

– Фрлање на градежен шут од правни и физички лица, кои вршат активности за свои потреби и активности во Вашите домови, без претходна пријава до ЈП „Комунална чистота“ Богданци  (тел. 034 221 038);

– Оставање на  комунален отпад, хартија,  пластика, стакло, метални предмети  до садовите за отпад, освен во садовите определени за таа намена;

– Палење на сметот  во контејнерите за  отпад;

– Забрането фрлање пепел со жар во сите садови за отпад

–  Оставање на мртви животни во и до садовите за отпад, освен на места определени за таа намена (пријаве те на тел.034 221 038).

Продолжуваме со поставување на садови за селектирање на отпад во Општина Богданци и во 2021 година.

НАПОМЕНА!

– Отпадот од домаќинствата кој не е комунален отпад, по претходна најава, се собира со возило на комуналното претпријатие во деновите кои се дадени во табелата ,  ЈП „Комунална чистота“ Богданци нема да врши наплата;

– Доколку граѓаните имаат потреба одлагањето да се изврши со возило на комуналното претпријатие во преостанатите денови од месецот, услугата ќе биде наплатена од страна на ЈП „Комунална чистота“ Богданци.

Распоред  за собирање на горе споменатиот отпад за 2021 година

– Цената на услугата изнесува : 500ден. за една услуга, без утовар од страна на вработените од ЈП и 800 ден за едена услуга, со утовар од вработените на ЈП „Комунална чистота„ Богданци („Одлука“ на Совет/2015г).

– Апелираме, граѓаните да ги почитуваат термините за одлагање на отпадот;

– Самоиницијативното фрлање на отпадот ќе го контролираат комунални редари;

– Граѓаните да ги користат садовите за отпад согласно нивната намена;

– Електронскиот и електричниот отпад можете да го донесете  во контејнерот (кафез) за овој вид отпад, кој се наоѓа на паркинг просторот , под зградата на општината, секој работен ден од 08 до 16 часот, освен сабота, недела и државни празници (телефон за контакт: 034 218 400,   моб. 078 321 586  и моб. 078 325 025);

– Не го фрлајте искористениот зејтин од домаќинствата во канализацијата, јавете се на тел. 034 218 400, моб. 078 321 586 и моб. 078 325 025 за дополнителни упатстава  и понатамошна постапка. 

Јавете се на тел. 034 221 038 – ЈП „Комунална чистота“ Богданци од 07 до 15 часот, секој работен ден од понеделник до петок, освен недела и празници.

Ви благодариме за разбирањето и почитувањето на овие мерки и напорите да направиме сé за чиста Општина.

Потпишан е Договор за реализација на проектот  „ Безбеден граѓанин-Среќен граѓанин – Уредување на режимот на сообраќај и поставување на сообраќајни знаци во Богданци “, избран од страна на граѓанскиот форум оддржан во рамки на Проектот „Зајакнување на општинските совети“, кој е финансиски поддржан од страна на Швајцарската Агенција за развој и соработка (СДЦ), а се имплементира од Програмата за развој на Обединетите нации (УНДП).

Договорот го потпишаа, општина Богданци, преставувана од градоначалникот Блаже Шапов,од една страна, и БОЈТА ИНГ ДООЕЛ увоз-извоз од Скопје, од друга страна.

Предмет на Договорот е набавка на работи за уредување на режимот на сообраќај и поставување на сообраќајни знаци (вертикална и хоризонтална сообраќајна сигнализација) во Богданци во вкупна вредност од 2.155.743,20 денари, без пресметан ДДВ.

Општина Богданци потпиша договор за реконструкција на улици и поставување на гумени лежечки полицајци на територијата на општина Богданци.

Носител на набавката согласно спроведената е-аукција е правното лице ПЕЛАГОНИЈА-ТИРИЦ ДООЕЛ Гевгелија.

Станува збор за реконструкција односно порамнување, поставување на рабници, тампонирање и поставување на бехатон плочки на дел од улица Карпошева (со должина од 352 метри) како и за замена на веќе поставените лежечки полицајци во село Стојаково со гумени. Истиот договор опфаќа и реконструкција на улица „Мирче Ацев“ во Богданци – спој со улица „Дојранска“ (со површина од 140 м²) како и реконструкција на улица во село Ѓавото, односно бетонирање  на истата (со површина од 630м²).

Вкупната вредност на работите, предмет на договорот изнесува 1.689.960,00 денари без ДВВ или вкупно со ДДВ 1.994.152,8 денари. Целосно завршување на активностите се очекува за околу дваипол месеци согласно условите предвидени во договорот.

Средствата се обезбедени од Буџетот на општина Богданци, согласно Програмата за  изградба, реконструкција, одржување и заштита на локални патишта и улици во Општина Богданци за 2020 година.

Општина Богданци согласно своите можности и понатаму ќе продолжи да работи на подобрувањето на патната инфрастуктура, како во Богданци така и во другите населени места.

Министерството за животна средина и просторно планирање Ве поканува да присуствувате на онлајн јавна расправа по Студија  за оцена на влијание врз животната средина за Проектот: “Интерконективен гасовод Северна Македонија – Грција.

Заради неможноста да се спроведе со физичко присуство, Јавната расправа ќе се одржи на ЗООМ електронската платформаи тоа:

–          На 19 ноември 2020 година  (четврток) во 10.00 часот за заинтересираната јавност од Општина Богданци.

Сите кои се заинтересирани да ја следат јавната расправа, потребно е да се пријават на следната е-маил адреса: opstina_bogdanci@yahoo.com. 

Општина Богданци обезбеди средства преку Фондот на техничка документација, воспоставен во рамки на Проектот “Градење на општинските капацитети за имплементација на проекти” развиен од УНДП и  Шведската агенција за меѓународен развој (СИДА) за изработка на техничка документација за Изградба на водоводна мрежа за водоснабдување на Богданци.

Набавката за избор на најповолен понудувач за изработка на документацијата ја спроведе донаторот и беше избран деловниот субјект ЕКО-МАР Инженеринг ДООЕЛ Битола како изведувач, со што отпочна и процесот за изработка на комплетната техничка документација.

Вкупната вредност за изработка на техничката документација изнесува 1.978.000 денари, сопственото учество на општина Богданци согласно трошоците кои произлегуваат од реализација на договорот е во вкупен износ од 430.080 денари.

На ден 03.11.2020 год. (вторник) со почеток во 14 часот општина Богданци во просториите на Дом на Култура „Бранд Петрушев“ оддржа Општински кризен штаб во врска со справување со актуелната состојба настаната со Корона вирусот на територија на нашата општина.

На состанокот со кој раководеше Градоначалникот, Блаже Шапов,  беа донесени следните заклучоци:

• Ќе се врши редовна дезинфекција на улици и јавни површини на територијата на општина Богданци од страна на ЈП „Комунална Чистота“ Богданци;
• Ќе се задолжат сите совети на станари да вршат редовна дезинфекција на станбените објекти;
• Ќе се задолжат директорите на училиштата за затварање на детските игралишта за да нема собирање на групи на деца;
• Ќе се задолжат маркетите, продавниците, банките и поштите за редовна дезинфекција на своите влезови;
• Општината ќе изготви плакати со протоколи и мерки за заштита од корона вирусот како и плакати со протокол за време на погреби (ова од причина што како поголем проблем со кој се соочуваме е непочитувањето на протоколите од страна на наштите сограѓани за време на погреби);

За почитување на сите овие мерки и заклучоци ќе се вршат контроли на терен со тим од инспектори.

Уште еднаш апелираме до граѓаните да бидат совесни и одговорни.

Бидете совесни и одговорни кон вашето здравје и здравјето на вашите најблиски, пријатели, соседи, колеги, но и спрема секој еден жител на нашата општина. Носете маски, држете дистанца, дезинфицирајте ги рацете, не се групирајте, останете во изолација доколку сте биле во контакт со некое од позитивните лица.