ИЗВЕСТУВАЊЕ

за достапност на документ контролна листа на

План за управување со животната средина и со социјалните аспекти (ПУЖССА) за проект за санација на постоен пат, ул. „Крушевска“ општина Богданци,

во рамки на Проектот за поврзување на локални патишта во РСМ

Во рамки на “Проектот за поврзување на локални патишта во РСМ” кој се реализира од Министерството за транспорт и врски со финансиска поддршка од Светска Банка, а со цел подобрување на локалната патна инфраструктура, Општина Богданци аплицираше со проект за санација на постоен пат, ул. „Крушевска“ општина Богданци.

Согласно барањата на Светска Банка беше подготвен документ “контролна листа на План за управување со животната средина и социјалните аспекти” во кој се анализирани влијанијата врз животната средина и социјалните аспекти кои ќе произлезат од реализацијата на проектот.

Документот “контролна листа на План за управување со животната средина и социјалните аспекти” ќе биде ставен на јавен увид на веб страните на: Министерството за транспорт и врски (http://www.mtc.gov.mk) и на Општина Богданци (https://bogdanci.gov.mk/) на 25 Септември 2020.

Вашите коментари може да ги доставите во рок од 14 дена од поставување на документот на веб страна.

Министерството за транспорт и врски

Образец за доставување коментари

ESMP Checklist_ Project Bogdanci_MK_9.9.20_SPA

ESMP Checklist_ Project Bogdanci_ENG_25.9.20_SPA

АД Електрани на Северна Македонија планира изградба на Парк на ветерни електрани Богданци – Фаза II со очекуван капацитет од 13,2 MW во општина Богданци, Република Северна Македонија. Овој проект е дел од Планот за развој и инвестиции на ЕСМ и ќе биде продолжение на постојниот Парк на ветерни електрани, која има инсталирана моќност од 36,8 МW и е прв ваков објект во РСМ што го користи ветерот како погонска сила за производство на електрична енергија. Овој проект ќе ги поддржи националните напори за зголемување на учеството на обновливите извори на енергија во вкупното производство на електрична енергија, намалување на негативното влијание на производство на енергија врз животната средина и здравјето на луѓето, како и да се обезбеди одржлив развој на заедниците.

АД “Електрани на Северна Македонија” (ЕСМ) е решена да се осигура дека проектот Парк на ветерни електрани Богданци – Фаза II нема да доведе до негативни последици за оние кои живеат во близина на проектното место или за другите потенцијално засегнати страни. Сепак, доколку има некакви проблеми, ние би сакале да слушнеме за било какви проблеми или поплаки кои може да ги имате во врска со активностите на проектот.

За повеќе детали и на кој начин да ја поднесете јавната поплака прочитајте ја брошурата и пополнете го формуларот кои ги има во прилог подолу.

Брошура

Формулар

На ден 09.09.2020 година во просториите на општина Богданци, потпишан е Меморандум  за соработка помеѓу Општина Богданци, претставувана од страна на Градоначалникот, Блаже Шапов и претседателот на Совет на Општина Богданци, Елена Шутарова и Републички совет за безбедност на сообраќајот на патиштата( РСБСП)  претставуван од страна на Претседателот Гордана Кожуваровска и Секретарот Владимир Лазаров.

Меморандумот за соработка е доброволен акт за взаемна соработка во организирање на заеднички активности и иницијативи за зголемување на безбедноста на децата и младите во сообраќајот, за преземање на едукативни и превентивни мерки со кои ќе се заштити животот и здравјето на сите учесници во сообраќајот.

Почетно создавање на партнерство и соработка со РСБСП  е дел  од активностите на проектот „ Безбеден граѓанин – Среќен граѓанин“ кој ќе се реализира во Богданци,  финансиски поддржан од страна на Швајцарската Агенција за развој и соработка (СДЦ), а се имплементира од Програмата за развој на Обединетите нации.

Потпишувањето на овој меморандум е добра основа за понатамошна долгорочна собработка помеѓу двете инстиутиции во размена на  искуства, совети и информации во врска со позитивните пракси кои се употребуваат, со цел зголемување на безбедноста на сообраќајот на патиштата, заедничка реализација на општествено корисни активности и кампањи за зголемување и унапредување на безбедноста во патниот сообраќај.

Цел на соработката е создавање на сигурен, регулиран и безбеден режим на сообраќај во најфрекфентните улици, како и обезбедување на безбедно  движење на  пешаците и велесипедистите, односно безбедно учество на децата и младите во сообраќајот преку зголемена сообраќајна едукација и преку уредување и поставување на сообраќајната сигнализација во Богданци.

Во рамки на воспоставената соработка  договорните страни се согласни да организираат заеднички активности и иницијативи од видот на кампањи, работилници, едукативни вежби, предавања, обуки, едукативни акции  и други активности за подобрување на безбедноста на сообраќајот на патиштата.

Почитувани,

Работата на форумот составен од граѓаните, е на крајот од работата од овој циклус. Во среда, 26.08.2020  година, во 20.00 часот, во холот на ООУ „Петар Мусев“, закажана е четвртата сесија од проектниот форум, кој Општината Богданци го спроведува  во соработка со УНДП, преку проект финансиран од Швајцарската агенција за развој и соработка (SDC).

Ве покануваме на четвртата сесија од проектниот форум, на која граѓаните треба да ги изберат проектите што ќе бидат финансирани со проектен фонд од 50.000 швајцарски франци (CHF).

Во прилог на поканата Ви го испраќаме дневниот ред за работа на форумот.

Нагласуваме дека четвртата форумска сесија се одржува според Протоколот за одржување на форуми на заедницата во услови на ковид- 19, документ донесен од имплементаторот УНДП, со високи мерки на заштита. Просторијата е дезинфицирана, поставени се маси со пропишаното растојание од два метри при седењето, обезбедени се средства за дезинфекција и останатите потребни мерки. Организаторот, Општина Богданци ги презема сите потребни мерки, пропишани со овој Протокол.

Учесниците на форумските сесии треба да ги почитуваат пропишаните мерки за заштита во затворен простор преку носење на заштита маска.

За програмата:Целта на форумот е зголемување на учеството на граѓаните во процесот на донесување на одлуки на локално ниво.

За проектот: Форумскиот процес е дел од проектот „Зајакнување на општинските совети“, чија втора компонента е зајкнување преку мали грантови за приоритетни мерки на општините, избрани преку јавни консултации.

Со почит,

Општина Богданци

Започнувајќи од 05.08.2020 година општинското здружение на пензионерите-Богданци започна соработка со општина Богданци според која за членовите на здружението ќе се обезбеди еден основен пакет на услуги со работно ангажирање на 2 лица (негувател за стари лица) во рамките на програмата за општинско корисна работа (Проект: Креирање можности за работа за сите и поддршка на Владата во спроведување на Оперативниот план за услуги на пазарот на труд и активни програми и мерки за вработување за 2020) при што се повикуваат сите пензионери членови на ОЗП-Богданци кои се заинтересирани за добивање на овој пакет услуги да се пријават во канцеларијата на ОЗП-Богданци во Богданци

Општина Богданци Ги известува жителите на село Стојаково дека издадено е Решение за одобрување на барање за изведување на градби за кои не е потребно одобрение за градење за Поставување на кабелска телекомуникациска линија -оптички кабли со кабелска канализација-кабелска канализација на локален пат во КО Стојаково на КП бр 8099, 8067, 8055, 4235, 7365, 8134/1,  и 8065 општина Богданци, бр. УП I 11 – 31 од 11.08.2020 год. чиј инвеститор е ДТ Пет нет ДОО Гевгелија ул Маршал Тито бр 134 Деловен-комплекс/2 локал 51 Гевгелија.

Заинтересираните странки можат да извршат увид во документацијата во рок од 15 дена од денот на издавањето на ова известување.