Вести

На ден 30.06.2020 година (вторник), во 14 часот во просториите на Општина Богданци се изврши ждребење за утврдување на редоследот за истакнување на плакати без надоместок на местата определени од страна на општината, согласно Одлуката за утврдување на места за истакнување на изборни плакати без надоместок на подрачјето на Општина Богданци бр. 08-493/6 од 15.03.2017 година („Службен гласник на Општина Богданци“ бр. 05/17)  за подносители на листи во Изборната единица 4, кои учестуваат на Предвремените парламентарни избори 2020 година.

Големината на просторот за истакнување на изборни плакати  ќе биде подеднакво утврдена за сите подносители на листи од  ИЕ 4 според следниот редослед:

Општина Богданци ги известува сите подносители на листи за Изборна Единица 4 дека на ден 30.06.2020 година (вторник) во 14.00 часот во салата на Советот на општина Богданци ќе се изврши ждребење за утврдување на редоследот за истакнување на изборни плакати без надоместок на подрачјето на општина Богданци, согласно Одлуката за утврдување на местата за истакнување на изборни плакати без надоместок.

Сите заинтересирани претставници на подносителите на листи кои ќе присуствуваат на ждребењето, задолжително да поседуваат овласување и документ за идентификација.

Во врска со објавениот текст на facebook страната на ВМРО-ДПМНЕ ОК Богданци, на ден 12.06.2020 година, во кој се објавуваат повеќе дезинформации  за ширината и дебелината на асфалтот кој е поставен согласно Договорот за реконструкција на локален пат-Стојаково-Селемли склучен со Друштво за градежништво и трговија ЖИКОЛ ДООЕЛ експорт-импорт Струмица, Наш бр.05-1293/2 од 27.08.2019 година, во интерес на вистината, Општина Богданци има должност да ја информира јавноста дека сите наводи наведени во текстот се нивистинити.

Неточна е информацијата дека ширината и дебелината на асфалтот не се изведени согласно Договорот за реконструкција на локален пат-Стојаково-Селемли. Воедно Во интерес на вистината Ве информираме дека  сите позиици/ставки по кои се врши изведба на работите предмет на набавка се согласно основен проект за реконструкција на локален пат Стојаково-Селемли изработен од Електро Лаб Скопје и склучениот договор согласно спроведената јавна набавка.

Воедно за сите изведени работи постои завршна ситуација потпишана од надзорен инжинер, па доколу ДПМНЕ ОК Богданци, смета дека поседува стручен кадар кој разбира од завршни ситуации слободно во секој момент ќе му биде дадена на разгледување, бидејќи Општина Богданци, Ви стои на располагање  отворено за какво било појаснување или одговор во секое време.

Повеќе од очигледно е дека на ДПМНЕ ОК Богданци, им смета домаќинското работење на општината, но ние како општина енергично ќе продолжиме напред во интерес на Општина Богданци дa градиме капитални инвестиции во инфраструктурата кое ќе ни овозможи да се справуваме со кризи, но и да оставиме добра база за напредок на идните генерации да не почнуваат наново од нула.

И покрај сите напади ќе продолжиме подеднакво посветено, домаќински и со уште поголем интензитет да работиме во интерес на граѓаните. Никој не може да ни ги оспори резултатите кои се очигледни.

Со почит

Градоначалник на Општина Богданци

Блаже Шапов

Според денешната статистика на Институтот за јавно здравје, во Општина Богданци е регистриран првиот случај на ковид-19. Богданци досега беше една од ретките општини каде што немаше позитивни на коронавирус.

Во официјалните податоци регистрираниот еден случај во општина Гевгелија се однесува на лице со место на живеење во Богданци.Станува збор за лице кое веќе 12 дена се наоѓа во домашна самоизолација.

Место за паника нема. Од страна на општината превземени се сите мерки во интерес на заштитата на јавното здравје  и сме во постојана координација со институциите но, од исклучителна важност е улогата на сите од нас. Затоа, апелирам и повикувам, сите граѓани дисциплинирано и безусловно да ги почитуваат препораките на Министерството за здравство.

Препораките остануваат исти, мерките остануваат исти. Одржување на дистанца, носење заштитни маски, редовна хигиена, само на ваков начин ќе го победиме овој невидлив непријател. Ги замолувам граѓаните и медиумите да се воздржат од ширење на непроверени и нерелевантни информации.

На инфицираниот наш сограѓанин од вирусот Covid-19 му посакувам брзо и лесно да ја надмине оваа ситуација.

Преку личен пример, да покажеме високо ниво на свест, солидарност и емпатија. Јавното здравје е наша заедничка одговорност, и само од нас зависи, како пандемијата ќе се развива понатаму.

Вирусот Covid-19 постои, и никој не е имун на истиот. Да бидеме мудри и одговорни!

На официјалната страна на Бирото за јавни набавки, општина Богданци денес (10.06.2020 година)  објави  Оглас за јавна набавка: Изградба на атмосферска канализација на улица Петар Мусев со реконструкција на дел од колекторскиот систем.

Реализацијата на овој проект во пракса ќе значи целосно и трајно решавање на проблемот со атмосферските води кои го затнуваат колекторскиот систем со песочен нанос за што беше потребно постојано негово чистење. Со ова решение ќе се издвојува атмосферската вода од фекалната така да атмосферската вода директно ќе истекува во реципиентот река „Луда Мара“ а фекалната ќе истекува во колекторскиот систем.

Средствата се обезбедени од Буџетот на општина Богданци, согласно Програмата за уредување на градежно земјиште во општина Богданци за 2020 година.

Крајниот рок за доставување на понудите е  25.06.2020 година најдоцна до 12.00 часот. Заинтересираните економски оператори Огласот за јавната набавка можат да го најдат на следниот линк: https://www.e-nabavki.gov.mk/PublicAccess/home.aspx#/dossie/54fb8f55-dec7-44e3-bd30-1e2ac9b93f05/14

Се известуваат граѓаните дека за потребите на изработка на проектна документација за реконструкција со проширување на регионален пат Р1109 делница Понов мост – влез во Богданци, во период од 08.06.2020 до 20.06.2020 година во времетраење од 7:00 до 17:00 часот ќе се врши геодетско снимање и геомеханички истражни работи на дел од регионален пат Р1109 делница Понов мост – влез во Богданци.

Се замолуваат учесниците во сообраќајот да имаат разбирање за новонастатаната ситуација и  да ја намалат брзината на возење на 50km/h, со што ќе придонесат кон поголема безбедност во сообраќајот.

Се известуваат сите граѓани на 10-те општини во Југоисточниот плански регион дека СЕ ОДЛОЖУВА првото прскање против возрасни комарци кое беше предвидено да се изврши на 10 и 11 Јуни 2020 година (среда и четврток) на територијата на сите општини во регионот.

Прскањето се одложува поради неповолни временски услови т.е појава на врнежи во предвидениот период, а за спроведување на планираното прво прскање против возрасни комарци, граѓаните од Југоисточниот регион ќе бидат дополнително известени.