Вести

Општинскиот кризен штаб, со кој раководеше градоначалникот на Општина Богданци, Блаже Шапов, на седницата одржана на 04.06.2020 година, согласно последните мерки на Владата на РСМ од 60-та седница, ги донесе следните мерки:

1.ОРГАНИЗИРАНО СНАБДУВАЊЕ И ДОСТАВА НА ПРЕХРАНБЕНИ АРТИКЛИ ЗА ВРЕМЕ НА ЗАБРАНТА ЗА ДВИЖЕЊЕ

Снабдувањето со најнеопходните прехранбени артикли и производи во деновите и периодот на забрана за движење (петок, сабота и недела, 5, 6 и 7.06.2020 година), во Општина Богданци ќе биде организирано преку нарачка и достава од страна на економските оператори, кои до општинскиот кризен штаб во претходниот период имаа доставено пријави за достава, во периодот од 16.00 до 20.00 часот.

2.ЗАБРАНАТА ЗА ДВИЖЕЊЕ ЗА ВРЕМЕ НА ПОЛИЦИСКИОТ ЧАС НЕМА ДА ВАЖИ ЗА ЗЕМЈОДЕЛЦИТЕ КОИ ЌЕ ОБАВУВААТ ЗЕМЈОДЕЛСКИ АКТИВНОСТИ ВО РАМКИ НА ТЕРИТОРИЈАТА (АТАРОТ) НА МЕСТОТО НА ЖИВЕЕЊЕ.

Сите граѓани кои обавуваат земјоделска дејност и одгледуваат стока и живина надвор од атарот на своето населено место, а не се регистрирани земјоделци, за да можат слободно да се движат за време на полицискиот час во продолжениот  викенд (од петок 5ти Јуни од до недела, 7ми јуни во периодот од 16.00 до 05.00 часот), потребно е да се пријават на дежурниот телефон во општина Богданци 072/916-648 денес (четврток) најдоцна до 21.00 часот. При тоа потребно е да го наведат точното време и место на обавување на земјоделските активности.

Списокот со пријавените граѓани од страна на Општинските служби ќе биде проследен до ПС ОН Гевгелија.

Земјоделците коишто имаат работни обврски на своите земјоделски површини и на фармите, а кои се наоѓаат во атарот (место на живеење) во коешто живеат, можат да се движат за време на забраната за движење, исклучиво заради извршување на работните активности без да се пријавуваат на дежурниот телефонски број.

3. ВО ПЕРИОДОТ ОД ЧЕТВРТОК (4 ЈУНИ) ОД 21:00 ЧАСОТ ДО ПОНЕДЕЛНИК (8 ЈУНИ) ДО 05:00 ЧАСОТ, СЕ ЗАБРАНУВА ПОСЕТА НА ГРОБИШТАТА НА ТЕРИТОРИЈАТА НА ЦЕЛАТА ОПШТИНА, ОСВЕН ЗА ПОГРЕБИ.
4. ДА СЕ ПОЧИТУВААТ ПРАВИЛАТА ЗА ПРЕВОЗ НА ПАТНИЦИ.

Сите правни лица кои организираат превоз на своите вработени да ги почитуваат правилата при вршење на истиот (носење на заштитни маски како и почитување на бројот на лица кои се превезуваат а изнесува 50% од вкупниот број на седишта во возилото). За таа цел, најавени се засилени контроли на терен.

Бидејќи бројката на позитивни лица од КОВИД-19 во државата и натаму расте, уште еднаш апелирам до граѓаните, почитувајте ги мерките како и полициски час и останете дома.

Општина Богданци ги известува сите граѓани кои обавуваат земјоделска дејност и одгледуваат стока и живина надвор од атарот на своето населено место, а не се регистрирани земјоделци, за да можат слободно да се движат за време на полицискиот час во продолжениот  викенд (од недела 24ти Мај од 11.00 часот до вторник, 26ти Мај до 05.00 часот), потребно е да се пријават на дежурниот телефон во општина Богданци 072/916-648  до утре (Сабота) најдоцна до 19.00 часот. При тоа потребно е да го наведат точното време и место на обавување на земјоделските активности.

Списокот со пријавените граѓани од страна на Општинските служби ќе биде проследен до ПС ОН Гевгелија.

Земјоделците коишто имаат работни обврски на своите земјоделски површини на фармите, а кои се наоѓаат во атарот (место на живеење) во коешто живеат, можат да се движат за време на забраната за движење, исклучиво заради извршување на работните активности без да вадат дозволи за движење.

Во рамки на “Проектот за поврзување на локални патишта” кој се реализира од Министерството за транспорт и врски со финансиска поддршка од Светска Банка, а со цел подобрување на локалната патна инфраструктура, Општина Богданци аплицираше со проект за реконструкција на постојни улици, ул. „Мирче Ѓочков“, ул. „Мирка Гинова“, ул. „Кочо Рацин“, ул „Ѓуров Дол“ , ул. „Браќа Миладинови“ и ул. „10^ти Октомври“ во општина Богданци.

Согласно барањата на Светска Банка беше подготвен документ “План за управување со животната средина и социјалните аспекти” во кој се анализирани влијанијата врз животната средина и социјалните аспекти кои ќе произлезат од реализацијата на проектот.

Документот “План за управување со животната средина и социјалните аспекти” ќе биде ставен на јавен увид на веб страните на: Министерството за транспорт и врски (http://www.mtc.gov.mk) и на Општина Богданци (https://bogdanci.mk/) на 15 мај 2020 (петок).

Вашите коментари може да ги доставите во рок од 14 дена од поставување на документот на веб страната.

ESMP Checklist_ Project Bogdanci_mk_14.5.20

ESMP Checklist_ Project Bogdanci_ENG_14.5.20

формулар за коментари на документ

Општина Богданци  доби комплетна техничка документација за реконструкција на  локалниот пат Л603 од с. Стојаково до с.Ѓавато  и тоа од с.Ѓавато до крстосницата со регионалниот пат Р1109. Средствата се одобрени согласно Барањето на општина Богданци доставено на  дополнителниот Јавен повик објавен од страна  на Министерството за финансии , преку Проектот за подобрување на општинските услуги (МСИП).

Технишката  документација содржи:

• Основен градежен проект  за реконструкција на локален пат Л603 од с.Ѓавато до крстосницата со регионалниот пат Р1109
• Елаборат за ажурирана геодетска подлога за локален пат Л603 од с.Ѓавато до крстосницата со регионалниот пат Р1109
• Елаборат за заштита на живитна средина за локален пат Л603 од с.Ѓавато до крстосницата со регионалниот пат Р1109
• Ревизија на проектна документација за локален пат Л603 од с.Ѓавато до крстосницата со регионалниот пат Р1109

Финансиските средства се заем од Светска банка  кој го има добиено Министерството за финансии за имплементација на Проектот за подобрување на општинските услуги (МСИП),  каде, дел од средствата  наменети за техничка помош се искористени за подготовка на техничка документација.

Претходно, согласно првиот Јавен повик општината  обезбеди комплетна техничка документација за три улици во Богданци: „Маршал Тито“ ( дел), „Изворски“ и „Петар Мусев“.