Вести

Владата на Република Северна Македонија на 40-та седница го разгледа и усвои предлогот за продолжување на забраната и посебниот режим на движење на територијата на Република Северна Македонија за време на претстојниот христијански празник Велигден, односно забраната за движење ќе започне од 17 април 2020 година (петок) од 16:00 часот и ќе трае до 21 април 2020 година (вторник) до 05:00 часот.

Дополнително, со одлука на Владата е усвоен предлогот на Главниот координативен кризен штаб од четврток 16 април во 16:00 часот, до 05:00 часот во вторник 21 април  да се забрани движење и групирање, односно да се затворат сите паркови, излетнички места, места за рекреација во националните паркови и шуми, како и викенд населбите за време на периодот на забраната и посебен режим на движење за претстојниот празник, а Министерството за внатрешни работи да ги интензивира контролите на овие места.

За лицата над 67-годишна возраст останува активна забраната во текот на сите работни денови, од понеделник до петок, освен во периодот од 10:00 до 12:00 часот. Во понеделник, 20 април, за овие и за сите други граѓани има целосна забрана.

За сите лица до 18 години останува активна забраната за движење во текот на сите работни денови, од понеделник до петок, освен во периодот од 13:00 до 15:00 часот. Во понеделник, 20 април, за овие и за сите други лица има целосна забрана.

Ве известуваме дека согласно насоките добиени од Министерството за земјоделство, шумарство и водостопанство а кое се однесува на  земјоделците кои не се евидентирани во Единствениот регистар на земјоделски стопанства (ЕРЗС), а кои имаат потреба за извршување на земјоделски активности во деновите од викендот (11-12.04.2020 година), телефонски да гo известат Општинскиот кризeн штаб  каде ќе ја најават потребата од дневна земјоделска активност. Потребата за движење неевидентираните земјоделци треба да ја најават во Кризниoт штаб, еден ден однапред најдоцна до 20 часот. При тоа треба да дефинираат точно време и место на извршување на земјоделските активности.  Општинските кризни штабови нема да издаваат дозволи за движење, туку само ќе ги евидентираат земјоделците кои го пријавиле своето барање за непречено движење поради извршување земјоделски активности, а потоа списокот на лица ќе биде доставен до надлежните полициски организациски единици (Одделение, станица, ОВР, СВР). На овој начин на неевидентираните земјоделците ќе им се овозвожи непречено движење во викенд деновите, со цел извршување на тековни земјоделски активности.

Земјоделците кои имаат потреба од извршување на земјоделски активности на територијата на општина Богданци потребно е да се пријават на дежурниот телефонски број  072/916-648.

На ден 08.04.2020 год. (среда) со почеток во 10 часот општина Богданци оддржа Општински кризен штаб во врска со спречување на внесување и ширење на корона вирус Kovid-19 на територија на општина Богданци.

На седницата покрај досега преземените мерки и заклучоци од страна на општина Богданци, а согласно препораките од страна на Главниот координативен кризен штаб и Владата на РСМ беа донесени следните заклучоци:

1. Организирано снабдување и достава на прехранбени артикли така што екипи на вработени на економски оператори ќе ги испорачуваат нарачките по телефон на пријавената адреса за испорака во периодот од 15.00 до 20.00 часот, во работни денови и од 09.00 до 14.00 часот во сабота и недела.

Оператори од Богданци кои се јавија на повикот на Општински кризен штаб Богданци се:

– ДТУ Солун 53 маркет тел.070/245-980 и 070/245-960
– ДТУ М-З Трејдинг маркет тел. 070/218-113 и 071/299-138
– ДТУ Екстра КУМ-МЗП маркет тел. 070/320-994 и 070/501-101

Оператори од Стојаково кои се јавија на повикот на Општински кризен штаб Богданци се:

– ТП ИЛ-МАР маркет 071/207-310
– ДПТУ БИГ МИЏО маркет тел. 070/900-303 и 070/263-656

Оператори од Селемли кој се јавија на повикот на Општински кризен штаб Богданци се:

– ДТТ ДУМИ,Душко ДООЕЛ, тел. 071/207-451 и 070/950-586

2. Сите стари и изнемоштени лица и натаму можат да набават и да им се достават
прехранбени артикли и лекови преку општинските мобилни тимови, јавувајќи се на
дежурниот телефон во Општина Богданци 072/916-648 и 034/222-333 секој работен ден од
08.00 до 15.00 часот. Во работните денови (од16.00 до 20.00часот) и преку викендот (од 09.до 14.00 часот)нарачките за
набавка можат да ги прават на дежурните телефони на супермаркетите како и на дежурниот телефон во општина Богданци 072/916-648.
3. Да се известат сите маркети, аптеки, банки и објекти кои даваат поштенски услуги,
задолжително да обезбедат ред при влез и во внатрешноста во овие објекти, со цел да се
контролира влезот и бројот на лица во истите, така што ќе се обезбеди минимум
потребното растојание од два метри помеѓу лицата пред и во објектите.
4. Да се продолжи со дезинфекција на улиците и јавните површини на територијата на
општина Богданци, по однапред утврдена динамика од страна на општината.

Владата на Република Северна Македонија на својата 38-ма седница дозволи посебен режим на движење за лицата со попреченост.

За овие граѓани нема да важи забраната за движење во периодот од 19:00 до 20:00 часот, од понеделник до петок, а во деновите на викенд од 11:00 до 13:00 часот.

Оваа мерка за дозвола на движење за лицата со попреченост се однесува и на лицата што ги придружуваат овие граѓани за време на дозволеното движење во наведените временски периоди.