Вести

На ден 03.04.2020 год. (петок) со почеток во 10 часот општина Богданци оддржа Општински кризен штаб во врска со спречување на внесување и ширење на корона вирус Kovid-19 на територија на општина Богданци.

На седницата покрај досега преземените мерки и заклучоци од страна на општина Богданци, а согласно препораките од страна на Главниот координативен кризен штаб и Владата на РСМ беа донесени следните заклучоци:

1. Да се задолжат Советите на станари и станарите во станбените згради редовно да вршат дезинфекција на зградите.
2. Да се постават дезинфекциони бариери со сензори на влезовите во Богданци .
3. Воведени се дежурни телефони –Сите граѓани кои имаат потреба од консултација за психолошка поддршка можат да се обратат на дежурните телефонски броеви: 076 304 990 и 078 331 351 за возрасни лица во текот на 24 ч. За психолошка поддршка за деца и адолесценти, консултации на дежурниот телефонски број: 078218031.
4. Да се оградат со лента летниковците покрај брана Паљурци за да нема собирање на поголеми групи на луѓе и почесто патролирање од страна на полицијата.
5. Да се известат сите маркети, аптеки, банки и објекти кои даваат поштенски услуги, задолжително да обезбедат ред при влез и во внатрешноста во овие објекти, со цел да се контролира влезот и бројот на лица во истите, така што ќе се обезбеди минимум потребното растојание од два метри помеѓу лицата пред и во објектите.
6. Да се продолжи со дезинфекција на улиците и јавните површини на територијата на општина Богданци, по однапред утврдена динамика од страна на општината.

Општина Богданци за учениците и наставниците во основните и средните училишта во општината во соработка со Ристо Чавдаров и Факултетот за електротехника и информациски технологии ја  креираше платформата  Е-учење, портал за далечинско учење, учење од дома со примена на електронска комуникација.

Целта е да се создаде интерактивна настава, која ќе придонесе во надоместување на изгубениот наставен материјал и секојдневна интеракција со учениците.

Платформата за е-учење на Општина Богданци е изработена согласно насоките од Министерството за образование и наука за реализација и организација на наставата и оценување на учениците за време на вонредната состојба.

Учениците и наставниците во основните и средното училиште во општина Богданци за следење на наставата потребно е да пристапат на следниот линк: https://e-ucenje.bogdanci.gov.mk/

Ваквиот начин на учење доаѓа како резултат на состојбата за превенција и заштита од Covid – 19 (коронавирус).

Ви посакуваме многу успех!

Компанијата ВИКИ КОМПАНИ Гевгелија донираше средства за дезинфекција на раце кои се поставени пред прометните места , маркетите, банките и поштата на територијата на општина Богданци.

Ова е еден пример кој позитивно влијае врз свеста на граѓаните и дирекно влијае врз подобрување на условите во средината каде што живееме. Изразуваме голема благодарност до оваа општествено одговорна компанија.

Миењето на рацете и течно средство за дезинфекција на рацете е една од клучните стратегии во борбата против ширењето на коронавирусот.

Да бидеме одговорни за своето и јавното здравје !

Личниот отпад (како хартиени марамчиња, крпи за чистење за еднократна употреба, маски или ракавици) се одлагаат безбедно во вреќи за отпад за еднократна употреба!

Вреќите наполнети најмногу до 2/3 од нивниот капацитет, спакувани во втора вреќа и убаво затворени, се безбедни за одлагање во вообичаениот контејнер за отпадоци од домаќинството.

Другиот отпад од домаќинствата се отстранува на  вообичаен начин.

На 26-тата седница на Владата на Република Северна Македонија е донесена одлука за измени и дополнувања на одлуката за ограничување на движењето на граѓаните на целата територија во земјата.

Забраната за движење за сите граѓани од 21:00 до 06:00 часот, се заменува со ограничување на движењето од 21:00 до 05:00 часот заради потребата на граѓаните да стигнат на работните места во утринските часови.

Дополнително,донесена е и одлука да се забрани движењето на граѓаните над 67 години од 11:00 часот до 05:00 часот следниот ден.

Владата на вечерашната седница донесе уште една одлука за ограничување на движењето на младите до 18 години и за нив забраната за движење ќе започнува во 21:00 часот и ќе трае до 12:00 часот наредниот ден.

Новите одлуки за ограничување на движењето важат од 24 март 2020 година.

Повеќе информации може да погледнете овде.

Со цел спречување на понатамошно ширење на вирусот на територијата на целата држава, Владата на Република Северна Македонија на 25-тата седница што се одржа на 21.03.2020 година одлучи:

1. Да се забрани движење на населението во Република Северна Македонија во временски период од 21:00 – 06:00, а со цел спречување на ширење на заразната болест COVID-19 и заштита на населението во Република Северна Македонија.

• Од оваа забрана се исклучуваат лица кои имаат потреба од итна медицинска помош/ животно загрозувачка состојба/лица на дијализа, исклучиво во придружба на најмногу две лица.
• Доколку поради итноста на здравствената состојба возилото биде запрено од полициска контрола, дополнително ќе се евидентира и ќе се провери оправданоста на излегувањето и превозот до здравствената институција, преку приложување на медицинската документација по завршување на медицинскиот преглед.

Секој кој нема да го почитува полицискиот час ќе биде казнет согласно член 206 од Кривичниот законик, за непостапување според здравствените прописи за време на епидемија.  Затоа да покажеме највисоко ниво на самосвест, солидарност и заедничка одговорност.

Повеќе информации може да погледнете овде.