Вести

Со средства од Програмата за рамномерен регионален развој на Министерството за локална самоуправа до крајот на годината ќе бидат реализирани 74 нови проекти за развој на селата и на подрачјата со специфични развојни потреби во 54 општини. Вкупната вредност на проектите е 124 милиони денари, или 2 милиони евра.

За таа цел, на ден 18.07.2019 година во Владата на Република Северна Македонија Градоначалникот на Општина Богданци, Блаже Шапов и Директорот на Бирото за регионален развој Рамиз Реџепи  потпишаа договори за финансирање на одобрените проекти за развој на подрачја со специфични развојни потреби и за развој на селата. На настанот беа присутни и Вицепремиерот за економски прашања Кочо Анѓушев, министерот за локална самоуправа, Горан Милевски и заменик-министерот за локална самоуправа, Дејан Павлески.

Во мерката за Развој на подрачја со специфични развојни потреби за Општина Богданци ќе се имплементира проектот: Реконструкција на дел од улиците: Гоце Делчев, Дваесетипетмина и Никола Карев во Стојаково. Вкупната проектирана вредност на овој проект е 3.811.535,70 денари од кои одобрени средства од програмата за рамномерен регионален развој се 3.000.000.00 денари.

Во мерката за Развој на селата ке се имплементира проектот: Реконструкција на улица Солунска во Селемли. Вкупната проектирана вредност на овој проект е 1.174.878,92 денари од кои одобрени средства од програмата за рамномерен регионален развој се 587.439.46 денари.

Станува збор за проекти, кои што решаваат значајни проблеми и имаат големо влијание на квалитетот на живеење на жителите во руралните населени места во општината.

Општина Богданци согласно спроведената постапка за чистење на речни корита на територијата на Општина Богданци,  започна со чистење на речните корита.

Согласно склучениот договор ќе бидат опфатени дел од речните корита на река Луда Мара, дел од Гегова Река, дел од Медурска Река, дел од Љокова Река и дел од речното корито на ул.25-ти Мај.

На ден 17.07.2019 година се започна со чистење на река Луда Мара а активностите опфаќаат машинско чистење на речното корито со багер од земја, трска и друга вегетација. По завршување на чистење на коритото на река Луда Мара ќе се продолжи со чистење на погоренаведените речни корита.

Изведувач на активностите е правното лице ДГП „АЛФА ПРОЕКТ“ ДООЕЛ Гевгелија.

Вкупната вредност на работите предмет на договорот изнесува 650.160,00 денари + ДДВ.

All-focus

Ве информираме дека второто авио-третирање против комарци во општините Богданци, Валандово и Дојран е планирано да се изврши на 23.07.2019 година – вторник, во раните утрински часови, односно во период од 04:30 до 09:30 часот.

Доколку временските услови не дозволат да се реализира прскањето, истото ќе се спроведе  на 24.07.2019 година.

Се известуваат сопствениците на пчелни семејства да преземат соодветни мерки за заштита, односно да  ги затворат истите во најавениот временски период.

На 30-та седница на Советот на Општина Богданци се разгледаа и едногласно се усвоија измените и дополнувањата на Буџетот на Општината за 2019 година, кој е зголемен за нови 32.560.234,00 денари .

Со Ребалансот, Буџетот на Општина Богданци за 2019 година изнесува 183.536.224,00 денари од кои :

• Даночните приходи се планирани на износ од 23.254.613,00 денари
• Неданочните приходи се планирани на износ од 10.162.500,00 денари
• Капиталните приходи се планирани  на износ од 3.000.000,00 денари
• Приходите од дотации се планирани на износ од  355.738,00 денари и
• Приходите од трансферите се планирани на износ од  565.311,00 денари
• Пренесен вишок од претходната година 24.198.062,00 денари.

Во измената и дополнувањето на Буџетот на општината во делот на наменската дотација се направени комплетни измени во речиси сите програми на единките корисници. Истите како и основниот буџет се намалени на ниво на циркуларот доставен од страна на Министерството за финансии каде блок дотацитаја за 2019 година им изнесува 68.181.571,00 денари и салдо од претходна година 5.174.167,00 денари.

Потребата од донесување на Ребаланс на Буџетот произлезе согласно одобрените средства од страна на Агенцијата за Финансиска поддршка во земјоделството и руралниот развој за следните проекти:

• Реконструкција на локален пат Стојаково–Селемли, вкупната одобрена вредност за бараната инвестиција 18.033.226,00 денари, каде обврска на општината е да го плати данокот за додадена вредност кој изнесува 3.245.981,00 денар;
• Реконструкција на улици во населено место Селеми, вкупната одобрена вредност за бараната инвестиција 8.418.880,00 денари, каде обврска на општината е да го плати данокот за додадена вредност кој изнесува 515.398,00 денари;
• Реконструкција на пешачка и велосипедска патека Богданци-Чести Јавори-Паљурци, вкупната одобрена вредност за бараната инвестиција 10.681.140,00 денари, каде обврска на општината е да го плати данокот за додадена вредност кој изнесува922.605,00 денари ;
• Ревитализација на локален пат Богданци – Стојаково – Ѓавато, вкупна одобрена вредност за бараната инвестиција 11.038.520,00 денари, каде обврска на општината е да го плати данокот за додадена вредност кој изнесува 1.986.933,00 денари.

АФПЗРР обезбеди средства во износ од 48.171.766,00 денари додека Општина Богданци за овие проекти ќе инвестира вкупно 8.670.917,00 денари. Вкупната инестиција изнесува 56.842.683,00 денари.

Структурата на ребалансот е така направена што средствата се насочени кон развој на општината како и подобрување на квалитетот на живот особено во руралните средини.

Почитувани,

Согласно добиеното известување од ЕВН Македонија КЕЦ Гевгелија, без напојување со електрична енергија на 20.07.2019 и 21.07.2019  од 12:00 до 18:00 часот ќе бидaт дел од корисниците од јужниот и источниот дел на  Богданци, Беровска мала и излез кон Млаз (вклучително индустриските објекти  Оранжерии Воденичар, Бреботекс, Млекара, Бовекс и други), заради интервенција на водот.

Без напојување со електрична енергија на 20.07.2019 и 21.07.2019 од 12:00 до 18:00 часот ќе бидaт  дел од корисниците од Богданци од централниот дел према влезот кон Гевгелија, заради интервенција на водот.

Без напојување со електрична енергија на 20.07.2019 од 12:00 до 18:00 часот ќе бидaт  корисниците од селата  Стојаково и Селемли, вклучително и индустриските објекти на потегот од Богданци кон Стојаково, заради интервенција на водот.

Без напојување со електрична енергија на 20.07.2019 и 21.07.2019 од 06:00 до 12:00 часот ќе бидaт  дел од корисниците од Богданци од централниот дел (околу полицијата и општината), заради интервенција на водот.

Без напојување со електрична енергија на 20.07.2019 и 21.07.2019 од 06:00 до 12:00 часот ќе бидaт дел индустриските корисници на потегот на поранешен Млаз во Богданци, заради интервенција на водот.

Без напојување со електрична енергија на 20.07.2019 и 21.07.2019  од 06:00 до 12:00 часот ќе бидaт корисниците од влезот на Богданци (кон Гевгелија)  и индустриските објекти меѓу Богданци и Гевгелија (Бензинска Шимов, сервис Ампов, Оранжерии Трнка 1 и 2, систем Спас за Дојран…), заради интервенција на водот.

Согласно постапката за јавна набавка спроведена од страна на ЈП „Комунална Чистота“ Богданци деновиве започна чистењето на депонијата во Богданци.

Активностите опфаќаат  расчистување, порамнување и одржување на депонијата со површина од 5,6 ха, оградување на истата со бетонски столбови и мрежа како и правење на тампон зона од 20м околу неа како превенција од запалување. Целиот смет ќе биде затрупан во ров со површина од околу 32.000м^2.

Во рамки на акцијата досега е расчистена околу 1ха површина од кабаст, градежен и мешан комунален отпад, а од механизација се употребуваат булдозер и багер.

Изведувач е правното лице „Вики Компани Гевгелија, а вредноста на договорот  изнесува 2.000,000 денари + ДДВ.

ЈП „Комунална Чистота“ Богданци за своите потреби набави специјално возило за чистење на канализации со пумпа со висок притисок. Со набавката на ова возило ќе се подобрат условите и ефикасноста во работењето на претпријатието и воедно ќе се олесни чистењето на канализациите бидејќи една од главните функции на истото е чистење (перење) на канализационите цевки под висок притисок.

Возилото е набавено согласно спроведена јавна набавка во вредност од 1.700,000.00 денари + ДДВ.