По повод претстојниот и најголемиот празник Велигден, денес, 12-ти Април од страна на Дом на Култура „Бранд Петрушев“ Богданци беше организирана празнична ликовна работилница на која учествуваа дечињата од големите групи од Детската Градинка „Коста Поп Ристов Делчев“. Децата изработија цртежи на тема „Велигден“ кои ќе бидат изложени во просториите на Домот и достапни за сите посетители утре, 13-ти Април во 19.00 часот. Настанот беше поздравен и од страна на Градоначалникот, Блаже Шапов, кој имаше можност да поразговара со најмалите и да ужива заедно со нив во оваа предпразнична атмосфера.
