Во рамките на денешната посета на јужниот регион на државата од страна на Министерот за внатрешни работи на РСМ, Оливер Спасовски се одржа и работна средба со Градоначалникот на Општина Богданци, Блаже Шапов. Средбата се одржа во кабинетот на Градоначалникот и на истата присуствуваа: Заменик министерот за внатрешни работи, Назим Буши, Државниот советник Митко Бојмацалиев, Помошникот министер Андријана Савеска, Началникот на СВР Струмица Танчо Пројковски и Командирот на ПС Гевгелија Миле Ангелков. На средбата се разговараше за актуелните теми од безбедносен аспект и за идните планови за продлабочување на соработката на локалната самоуправа и полицијата.
