Новости

Градоначалникот на Општина Богданци, БлажеШапов, денеска го пречека министерот, Златко Перински, кој престојуваше во официјална посета на општината.

Во рамки на посетата покрај средбата со градоначалникот, министерот оствари средба со советниците и општинската администрација, на кои се разговараше за развојните приоритети на општината, како и за предизвиците со кои се соочуваат во секојдневното работење.

Беше истакнато дека општините можат активно да сметаат на поддршката што ја обезбедува Ресурсниот центар за поддршка на развојот на општините и да ги користат услугите што ги нуди.

Преку двата јавни повика за проекти за капитална инфраструктура, Владата за Општина Богданци одобри 3 проекти во вредност од 80.636.327 денари.

Во рамки на Програмата  за рамномерен регионален развој и  Програмата за намалување на диспаритетите, за Општина Богданци во 2025 година се обезбедени средства за два проекти во вкупна вредност од речиси 7,3 милиони денари,  насочени кон подобрување на безбедноста во сообраќајот и унапредување на комуналнитеуслуги.

Општина Богданци останува посветена на соработка и партнерство со министерството за локална самоуправа, и ќепродолжи со напорите за обезбедување на поддршка и конкретни инвестиции, со цел на надминување на разликите во развој помеѓу регионите и разликите во развојот помеѓу општините  внатре во регионите.

Градоначалникот на општина Богданци г. Блаже Шапов, на 17.03.2026 година, оствари работна средба со економскиот аташе на Амбасадата на Соединетите Американски Држави во Северна Македонија, г. Барнабас БиркЕланд, како и со економскиот советник во Амбасадата, г. Јордан Дамчевски.

Преставниците на Амбасадата на САД се интересираа за очекувањата и фокусот во рамки на новиот мандат на градоначалникот.

Од страна на градоначалникот гостите беа запознаени со тековните активности и реализација на повеќе проекти на територијата на општина Богданци, со посебен акцент на реконструкцијата на целокупната водоводна мрежа во Богданци. Исто така беше отворена дискусија за предизвиците на локалната самоуправа, пред се за реалните приходи на општината, главните стопански дејности, положбата на младите и влијанието врз локалната самоуправа на актуелните случувања во регионот и пошироко.

Беше истакнато дека како мала општина со скромен буџет сепак привлекувањето на донаторски средства од домашни и странски извори е на задоволително ниво, но доколку би располагале со поголеми приходи нивото на привлекување на истите би се зголемило.

Во однос на компаративните предности на општината, пред се, кога е во прашање искористувањето на обновливите извори на енергија, придобивките на општина Богданци се на ниско ниво и дека е потребно сериозно преиспитување на одредени законски односно подзаконски решенија.

Градоначалникот на Општина Богданци, очекува и во новиот мандат, да продолжи стабилна и конструктивна соработка со сите советнички групи најнапред во поглед на подршка на проекти од значај за сите граѓани во општината.

На крај е констатирана заедничка посветеност во надминување на локалните предизвици кои ќе бидат од корист за локалната заедница.

Проектот, поддржан од Министерството за надворешни работи на Словенија и Словенски Каритас, предвидува опрема, обуки и поддршка на женски зелени иницијативи.

Претставници на Македонски Каритас на 10 март 2026 година одржаа работна средба со Општина Богданци, на која беше презентиран проектот „Вклучување на жените во подобрување на услугите за достапност до чиста вода и санитација и зајакнување на отпорноста на климатските промени во Македонија“.

На средбата учествуваа Томислав Микулец, Александар Младеновски, Верица Ангеловска, Филип Стојанов и отец Гоце Костов од Македонски Каритас. Градоначалникот Блаже Шапов ги поздрави присутните и ја истакна подготвеноста на општината за соработка при реализацијата на активностите.

Општинските претставници Митко Влахов, Борис Ванчев и претставничката на граѓанскиот сектор Христина Шутарова беа информирани за планираните проектни мерки и очекуваните резултати.

Беше посочено дека проектот е поддржан од Министерството за надворешни работи на Словенија и Словенски Каритас, со фокус на јакнење на локалните капацитети за справување со климатски ризици поврзани со водните ресурси, санитацијата и превенцијата од поплави и други екстремни појави.

Проектот предвидува набавка на опрема за интервенции и одржување, обуки за општински кадар со домашни и странски експерти, како и размена на искуства со партнери од Словенија.

Посебен акцент е ставен на поддршка на женски зелени иницијативи преку микро-грантови за еколошки идеи и активности, како и јавни кампањи за подигање на еколошката свест во општините вклучени во проектот.

Од двете страни беше изразена подготвеност за понатамошна соработка во рамки на проектот, при што беше најавено продолжување на координацијата околу следните чекори за реализација на активностите.

Почитувани,

Ja имаме честа да Ви соопштиме дека и во 2026 година во општина Богданци ќе се оддржи настанот традиционалното палење на коледарскиот оган.

Во Богданци настанот ке се оддржи во Понеделник 05.01.2026 година во Гратскиот парк со почеток во 19 часот а во Ѓавото во 18.00 часот. Во забавниот дел од програмата учество ќе земат ученици од ООУ„Петар Мусев“ и локални музички изведувачи.

Настанот е во организација на општина Богданци.

Во Вторник 06.01.2026 година истиот настан во организација на Месната Заедница Стојаково ќе се оддржи во населено место Стојаково придружен со оддржување на забавна програма (маскенбал) во Спортската сала со почеток во 18.30 часот. Во Селемли настанот ќе се оддржи на 06 – ти јануари во 18.30 часот.

Општина Богданци во овие мигови не ги заборави ниту Нашите Ана, Симе, Афродита, Игор и Ангел

Им посакуваме се најдобро во Новата 2026 година!!!