Новости

СОС Детско село и Министерството за труд и социјална политика во рамки на проектот „Унапредување на системски недостатоци – Поддршка на реформите во системот за заштита на деца“ поддржан од Министерството за економија и развој на Германија, ја спроведуваат националната кампања „ПОДАЈ РАКА И ПРОМЕНИ ЖИВОТ – СТАНИ ЗГРИЖУВАЧ“ со цел покренување на свесноста и колективното  знаење за процесот на згрижување и бенефитот од програмата за згрижување на деца.

Ве покануваме на 08.03.2023 година на три локации во Богданци, во паркот кај општинската зграда, кај текстилната фабрика „Бребо-Екотекс“ и на излезот од Богданци (кај печатница „Софија“)  со почеток во 13:00 часот, да се запознаете подетално со повикот за Згрижување и да ја поддржите нашата визија.

Наште стручни работници ќе одговорат на сите Ваши прашање.

Сите информации може да ги добиете на тел. 075/277-447 и на Веб страна: www.zgrizuvanje.mk.

Ве очекуваме!

Акцијата, која беше спроведена во општина Богданци од 13.02 до 17.02.2023 година за собирање на помош за настраданите во земјотресот во Турција и Сирија, наиде на силен одѕив кај граѓаните и компаниите кои несебично донираа и уште еднаш ја искажаа својата солидарност. Акција за собирање на пакети со храна, средства за хигиена и други материјални добра беше организирана и во СОУ „Богданци“, ООУ „Кирил и Методиј“ Стојаково и Детската Градинка „Коста Поп Ристов Делчев“. Денес, сите собрани пакети беа предадени на Црвен Крст ОО Гевгелија.

            Советот на општина Богданци на својата 25-та седница донесе Одлука за доделување на парична помош за настраданото население во износ од 150 000 денари, кои ќе бидат уплатени на сметка на Фондот за солидарност на Црвен Крст на РСМ.

            Упатуваме голема благодарност до сите добродетели, кои уште еднаш ја потврдија својата општествена одговорност.

На ден  09.02.2023 година, во Домот на култура „Бранд Петрушев“- Богданци, општината заедно со СОУ „Богданци“ –Богданци одржаа настан, „Учи паметно работи стручно“ поддржан од Министерството за образование и наука.

На овој настан беа поканети и присуствуваа претставници од локалните компании, пратеничката Драгица Ѓавочанова, родители, наставници и директори на воспитно-образовни институции од општината, како и други заинтересирани граѓани.

Целта на оваа панел дискусија беше утврдување на потребите на стопанството и локалниот пазар на труд, недостигот на квалификуван стручен кадар во компаниите и можноста да се одговори на ваквите потреби.

Во изминатите години како општина ги следиме потребите и интересите како на учениците, така и на компаниите со воведување на нови струки и образовни профили.

Согласно добиените податоци од Електродистрибуција Гевгелија, без напојување со електрична енергија на 03.02.2023 од 08:50 до 13:30 часот ќе бидaт дел од корисниците од јужниот и источниот дел на Богданци , Беровска мала и излез кон Млаз (вклучително индустриските објекти Оранжерии Воденичар , Бреботекс , Млекара, Бовекс и други) , заради интервенција на водот.

Почитувани граѓани,

Ве известуваме дека согласно Законот за данок на имот ( Сл. Весник  на РМ бр. 61/04, 92/07, 102/08 ,35/11, 53/11, 84/12, 188/13, 154/15, 192/15 и 23/16 и Сл.весник на РСМ бр 151/21)  член 4, 7, 9, и член 29:

– Даночните обврзници се должни најдоцна до 31 јануари да поднесат даночна пријава за недвижен имот кој го поседуваат, а кој не е пријавен за оданочување.

– Даночните обврзници треба најдоцна во рок од 15 дена од стекнувањето со право на сопственост на недвижен имот или со право на користење на истиот, да го пријават имотот за оданочување кај општинската администрација.

– Обврзникот на данокот на имот од ставот (1) на овој член кој поднел даночна пријава нема обврска за истиот имот да поднесе нова пријава, доколку нема промени на податоците содржани во претходно поднесената даночна пријава, а кои се од влијание за висината на даночната обврска. Со цел да се олесни постапката за пријавување на данокот на имот, која е обврска на граѓаните и на правните лица како даночни обврзници, како и пријавување на настанатите промени на податоците во врска со имотот подлежен на даночење и податоците на даночните обврзници, Ве покануваме да пријавите во просториите на Општина Богданци.

За физички лица-граѓани потребни документи се фотокопија од имотен лист кој е изваден по завршување на постапката за легализација или купопродажба на недвижниот имот и  лична карта на увид.

За правните лица потребни документи се фотокопии од имотен лист и  тековна состојба од Централен регистар.

За подетални информации можете да се обратите на нашиот телефонски број 034/222-335  во текот на работното време (од понеделник до петок) или во просториите на Општина Богданци.

Даночна пријава

Почитувани сограѓани,

Во името на Советот на Општина Богданци и во свое лично име, Ви го честитам најголемиот христијански празник Божиќ – денот на Христовото раѓање.

Во  добро здравје со чиста мисла и  ведар дух започнете го празнувањето  со кое се величат духовните и морални вредности  кои ги поврзуваат луѓето, а нашите срца се отвораат за добри дела. Минете ги овие денови  онака како што налага традицијата,  мирно и радосно  во кругот на семејството.

Христос се роди, Навистина се роди!!!

Нека е за многу години големиот празник!