Новости

Во општина Богданци денес, 17.03.2021 година, беше промовирана новата инвестиција ветерен парк, со вредност од над 40 милиони евра. Најнапред во Дом на Култура „Бранд Петрушев“ со почеток во 10.00 часот беше оддржана кратка презентација од страна на инвеститорите, Блаж Штерк – директор на „Интеренерго“ и Матеј Рунјак – извршен директор на „Тригал“. На настанот беа присутни пратеничките Драгица Ѓавочанова и Марија Костадинова како и претсавници од политичките партии кои учествуваат во работата на Советот на општината.

На промоцијата која се оддржа во Градскиот Парк во Богданци, свое обраќање имаше претседателот на Владата на РСМ, Зоран Заев, Градоначалникот на Општина Богданци, Блаже Шапов,  директорот на компанијата „Интеренерго“ д.о.о, Љубљана, Блаж Штерк и управителот на ПВЕ ЕУРОИНГ, Ѓорѓе Ташевски .

Во рамки на втората фаза од овој проект предвидено е поставување 6 турбини во ветерниот парк Богданци со инсталирана моќност од 13,8 MW. На овој начин ќе се искористи ветрот како обновлив извор на енергија преку изградба на ветерни електрани, со цел постигнување  дополнително годишно производство од 37 GWh природно одржлива енергија.

Градоначалникот, Блаже Шапов, на своето обраќање го искажа своето задоволство што општина Богданци повторно ќе се истакне во развојот на обновливите извори на енергија, односно во развојот на нов ветерен парк од причини што расположливата ветерна енергија на повеќе локации, физичката големина на тие локации, пристапноста до нив  како и постојната потребна инфраструктура преставуваат основни компаративни предности на  општината во привлекување на инвестиции од овој тип. За исполнување на основните критериуми за изградба на ветерни паркови во овој крај сведочи и постојниот парк на ветерни електрани „Богданци“ со инсталирана снага од 36,8 MW (мегавати) со 16 ветерници, секоја со единечна снага од 2,3 MW (мегавати),  трафостаница 20/110 кВ (киловолти), Далековод од 110 кВ (киловолти) и пристапни патишта, инвестиција која чинеше 55 милиони евра.

Новата инвестиција во ветерниот парк ПВЕ ЕУРОИНГ, кој ќе се изгради на просторот помеѓу село Стојаково и село Селемли, на површина од 50 Ха земјиште, и кој се состои од 6 ветерни столба со единечна снага од 3,3 MW (мегавати), трафостаница со 33/110 кВ (киловолти), приклучен далековод 2 x 110 кВ (киловолти)  и пристапни патишта, го привлече вниманието на странските инвеститори, кои после деталните анализи од страна на ИнтерЕнерго, Тригал и Кл-Келаг,  како домашен производ преминува во нова странска инвестиција во Република Северна Македонија.

Ние како општина Богданци, секако дека се радуваме на новите инвестиции во нашата општина, бидејќи тие водат кон нов просперитет на општината, и нови можности како за развој на ветерната енергија, но исто така и развој на енергијата од сонцето, односно градба на фотонапонски електрани, бидејќи нашата општина има поволности  за развој и на тој вид на енергија.

На 51-та седница на Владата, донесена е одлука за забрана за движење на населението и на возилата од јавен превоз на територијата на Република Северна Македонија, во временски период од 22:00 часот до 05:00 часот наредниот ден, почнувајќи од 10 март 2021 година (среда) до 22 март 2021 година (понеделник).

Одлуката за забрана за движење не важи за патниците коишто доаѓаат или заминуваат од меѓународните аеродроми, на кои за време на полицискиот час како дозвола за движење ќе им се признаваат авионските карти. Оваа отстапка е иста и за патниците во меѓународниот превоз на патници.

Исклучок од забраната се вработените лица во Министерството за внатрешни работи, пропадниците на Агенцијата за национална безбедност, Министерството за здравство, Министерството за одбрана, Армијата на РСМ, противпожарните територијални единици и Царинската управа.

Отстапки од забраната ќе има и за сите граѓани кои за време на забраната за движење имаат потреба од итна медицинска грижа и за слободно движење оваа потреба ќе треба задолжително да ја најават на службата 192, Министерство за внатрешни работи.

За транспортерите на лица и на стока кои транспортот го спроведуваат за време на забраната за движење, како дозвола ќе се прифаќа патниот налог, додека транспортерите што транзитираат ќе имаат обврска најмногу за 3 часа да ја напуштат земјата од еден до друг граничен премин.

Надлежните служби на граничните премини ќе ги пропуштаат патниците кои со лични возила ја напуштиле земјата пред воведувањето полициски час, при што ќе се спроведуваат и до сега активните мерки за задолжителен ПЦР тест за оние што доаѓаат од оние земји за кои оваа постапка е задолжителна.

Со заклучок на оваа седница на Владата, Министерството за информатичко општество и администрација е задолжено да објави соопштение со кое ги известува граѓаните и економските оператори дека се обновува важноста на веќе издадените дозволи издадени за време на претходните одлуки за забрана за движење.

Министерството за информатичко општество и администрација ќе им ги преиздаде решенијата за слободно движење на оние кои во меѓувреме ги загубиле дозволите, како и на оние кои имаат дополнителни барања за дозволи за движење врз основа на доказ за неопходноста на тоа барање.

Дополнителните исклучоци во однос на забраната и посебниот режим на движење на населението и возилата, доколку има потреба ќе ги утврдува Главниот координативен кризен штаб за обезбедување целосна координација во врска со спречување на внесување и ширење на Коронавирус КОВИД-19, во соработка со надлежните органи на државната управа.

На општина Богданци и се доделени 595.620,37 Евра,  средства  од владата на РСМ преку заемот на Светска Банка за Проектот за поврзување на локални патишта. Во рамки на овој проект општина Богданци ќе спроведе активности за реконструкција и санација на седум локални улици во Богданци. Проектните активности ќе бидат спроведени во два тендера и тоа:

Во првиот тендер ќе се реализираат проектни активности за реконструкција на шест улици:„ Мирче Џочков “, „ Браќа Миладинови “, „ Мирка Гинова “, „ Кочо Рацин “, „ Ѓуров Дол “ и „10 Октомври“ .

Во вториот тендер ќе се реализираат проектни активности за реконструкција на една улица:

• Санација на локалната улица „ Крушевска “ во должина од 1.318,53 м;

СО ЦЕЛ ИНФОРМИРАЊЕ НА ГРАЃАНИТЕ ЗА АКТИВНОСТИТЕ КОИ ПРЕТСТОЈАТ ПО ЗАВРШУВАЊЕ НА ТЕНДЕРСКИТЕ И ДРУГИ  ПОСТАПКИ , А СЕ ОДНЕСУВААТ НА РЕКОНСТРУКЦИЈА НА УЛИЦАТА „КРУШЕВСКА“ ВО БОГДАНЦИ ГРАДОНАЧАЛНИКОТ НА ОПШТИНАТА Г-ин БЛАЖЕ ШАПОВ, ДЕНЕС, 26.02.2021 Година, ОСТВАРИ СРЕДБА СО ГРАЃАНИТЕ И ДРУГИ ЗАИНТЕРЕСИРАНИ ЧИНИТЕЛИ ОД ОВАА УЛИЦА.

ВО ДИРЕКТНА КОМУНИКАЦИЈА ПРИСУТНИТЕ БЕА ДЕТАЛНО ЗАПОЗНАЕНИ СО ГРАДЕЖНИТЕ АКТИВНОСТИ КОИ ЌЕ СЕ РЕАЛИЗИРААТ НА УЛИЦА КРУШЕВСКА И ИМ СЕ ОБРНА ВНИМАНИЕ ДЕКА ВО СОРАБОТКА СО ПРОЕКТНАТА ЕДИНИЦА ОД МИНИСТЕРСТВОТО ЗА ТРАНСПОРТ И ВРСКИ ВЕЌЕ Е ВОСПОСТАВЕН МЕХАНИЗАМ ЗА КОМЕНТАРИ, ЗАБЕЛЕШКИ И ПОПЛАКИ КОЈ СЕ ОДНЕСУВА НА УЛИЦИТЕ ОД ПРВИОТ ТЕНДЕР, А КОИ ЌЕ СЕ ПРИМЕНАТ И ВО ПРОЦЕСОТ НА РЕКОНСТРУКЦИЈА НА ОВАА УЛИЦА.

БЕШЕ КОНСТАТИРАНО ДЕКА РЕКОНСТРУКЦИЈАТА НА ОВАА УЛИЦА Е ПРИОРИТЕТ КАКО ЗА ГРАЃАНИТЕ КОИ ЖИВЕАТ НА ИСТАТА, ТАКА И ЗА СИТЕ ДРУГИ ЖИТЕЛИ ОД БОГДАНЦИ И ПОШИРОКО, БИДЕЈЌИ СО ВОСПОСТАВУВАЊЕ НА НОВИОТ РЕЖИМ ЗА СООБРАЌАЈ СПОРЕД КОЈ ДЕЛ ОД ГЛАВНАТА УЛИЦА ИМА ЕДНОНАСОЧЕН СООБРАЌАЈ УЛИЦАТА КРУШЕВСКА ИМА ЗГОЛЕМЕНА ФРЕКФЕНЦИЈА НА СООБРАЌАЈ.

Средбата беше остварена со почитување на мерките во услови на Корона вирус.

Опис улица Крушевска

Постари објави

Потпишан Меморандум за разбирање

Линк: https://bogdanci.gov.mk/%d0%bf%d0%be%d1%82%d0%bf%d0%b8%d1%88%d0%b0%d0%bd-%d0%bc%d0%b5%d0%bc%d0%be%d1%80%d0%b0%d0%bd%d0%b4%d1%83%d0%bc-%d0%b7%d0%b0-%d1%80%d0%b0%d0%b7%d0%b1%d0%b8%d1%80%d0%b0%d1%9a%d0%b5/

ИЗВЕСТУВАЊЕ за достапност на документ контролна листа на План за управување со животната средина и со социјалните аспекти (ПУЖССА) за проект за санација на постоен пат, ул. „Крушевска“ општина Богданци, во рамки на Проектот за поврзување на локални патишта во РСМ

Линк:https://bogdanci.gov.mk/%d0%b8%d0%b7%d0%b2%d0%b5%d1%81%d1%82%d1%83%d0%b2%d0%b0%d1%9a%d0%b5-7/

ИНФОРМАЦИЈА ЗА ПРОЦЕСОТ НА КОНСУЛТИРАЊЕ – ПАТОТ ДО ОДЛУКАТА ЗА РЕКОНСТРУКЦИЈА НА УЛИЦИ ВО БОГДАНЦИ

Линк:https://bogdanci.gov.mk/%D0%B8%D0%BD%D1%84%D0%BE%D1%80%D0%BC%D0%B0%D1%86%D0%B8%D1%98%D0%B0-%D0%B7%D0%B0-%D0%BF%D1%80%D0%BE%D1%86%D0%B5%D1%81%D0%BE%D1%82-%D0%BD%D0%B0-%D0%BA%D0%BE%D0%BD%D1%81%D1%83%D0%BB%D1%82%D0%B8%D1%80/