Новости

Врз основа на Одлуката на Владата на Република Северна Македонија за доделување на средства за финансирање на проекти за развој на урбаните подрачја и одржлив и урбан развој за 2021 и 2022 година, на 21.06.2021 година се склучи договор за реализација на проектот – „Реконструкција на локален пат Л603 од с.Стојаково до с.Ѓавото општина Богданци, фаза од км0+000 до км 1+010“.  Договорни страни се Министерство за локална самоуправа, Биро за регионален развој застапуван од директорот Рамиз Реџепи од една страна и Општина Богданци  застапувана од Градоначалникот, Блаже Шапов.

Со проектот се планира ископ на постоечката коловозна конструкција со цел вградување на нова коловозна конструкција и изградба на соодветен одводен систем за одведување на атмосферските води. Со цел да се зголеми безбедноста на учесниците во сообраќајот, особено на пешаците ќе се изгрaди и тротоар од левата страна со ширина од 1,3м. За таа цел, доделени се средства во износ од 13.861.125 денари како учество на Бирото за регионален развој. Следува спроведување на постапка за јавна набавка за избор на најповолен понудувач.

Општина Богданци објави оглас за доделување договор за јавна набавка за реконструкција на шест улици во населено место Стојаково. Станува збор за улиците: „Леонид Јанков“, „Солунска“, „Дваесетипетмина крак 1“, „Дваесетипетмина крак 2“, „Карпошева крак 2“, и улица „Јане Сандански“ со вкупна должина од 1235 метри.

Сите заинтересирани правни лица понудите може да ги достават најдоцна до 06.07.2021 година, 12 часот.

Средствата за реализација на договорот во износ од 3.000.000,00 денари се озбезбедени од страна на Бирото за регионален развој, во рамки на реализација на проектот „Подобрување на сообраќајната инфраструктура преку реконструкција на шест улици во село Стојаково“ а остатокот од Буџетот на општина Богданци.

Огласот, тендерската документација како и сите прилози кон истата се достапни на следниот линк.

Почитувани,

Ве известуваме дека согласно добиените податоци од ЕВН Македонија, екипите на ЕЛЕКТРОДИСТРИБУЦИЈА ќе работат на реконструкција и модeрнизирање на дистрибутивната мрежа на одредени локации во Богданци. Заради реализација на инвестиционите зафати за подобрување на квалитетот во снабдувањето со електрична енергија, на ден 23.06.2021 година (среда) во периодот од 08.30 до 13.00 часот без снабдување ќе останат правните лица: Десива, Макпетрол Богданци и Рибик „Елита“.

Почитувани,

Ве известуваме дека согласно добиените податоци од ЕВН Македонија, екипите на ЕЛЕКТРОДИСТРИБУЦИЈА ќе работат на реконструкција и модeрнизирање на дистрибутивната мрежа на одредени локации во Богданци. Заради реализација на инвестиционите зафати за подобрување на квалитетот во снабдувањето со електрична енергија, на ден 15.06.2021 година (вторник) во периодот од 08.30 до 13.00 часот без снабдување ќе останат Риве Транспорт, Гоки Травел, Сточарство Богданци, Оранжерии Трнка, Бензинска Шимов, Ампа, Фуел Танкс, трафостаници Химез и Т Мобиле Богданци и Баџо на влез во Богданци.

Се известуваат сите граѓани на десетте општини во Југоисточниот плански регион, дека првото прскање против возрасни комарци ќе се изврши во период од 14 до 16 Јуни 2021 година, со следниот распоред:

1. На 14.06.2021 година (Понеделник), во период од 20 до 04 часот во општините Радовиш и Конче.
2. На 15.06.2021 година (Вторник), во период од 20 до 04 часот во општините Ново Село, Босилово, Василево и Струмица.
3. На 16.06.2021 година (Среда), во период од 20 до 04 часот во општините Гевгелија, Валандово, Дојран и Богданци.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Врз основа на Одлуката на Владата на Република Северна Македонија за доделување на средства за финансирање на проекти за развој на подрачја со специфични развојни потреби за 2021 и 2022 година, на 10.06.2021 година се склучи договор за реализација на проектот – „Подобрување на сообраќајната инфраструктура преку реконструкција на шест улици во село Стојаково.  Договорни страни се Министерство за локална самоуправа, Биро за регионален развој застапуван од директорот Рамиз Реџепи од една страна и Општина Богданци  застапувана од Градоначалникот, Блаже Шапов.

Со проектот се планира реконструкција на шест  улици во село Стојаково и тоа: ул „Леонид Јанков“, ул „Солунска“, ул „Дваесетипетмина крак 1“, ул „Дваесетипетмина крак 2“, ул „Карпошева крак 2“, и ул „Јане Сандански“. Вкупната должина на улиците кои се предмет на реконструкција изнесува 1235,00 метри, со вградување на павер со сива боја од 8 цм. За таа цел, доделени се средства во износ од 3.000,000 денари како учество на Бирото за регионален развој а остатокот од средствата ќе се дообезбедат од Буџетот на општина Богданци. Следува спроведување на постапка за јавна набавка за избор на најповолен понудувач.

Се известуваат граѓаните од општините во Југоисточниот регион, дека СЕ ОДЛОЖУВА првото прскање против возрасни комарци кое беше предвидено да се изврши на 07,08,09 Јуни 2021 година.

Прскањето се одложува поради неповолни временски услови т.е појава на врнежи во предвидениот период, а за спроведување на планираното прво прскање против возрасни комарци, граѓаните од Југисточниот регион ќе бидат дополнително известени.

Се известуваат сите граѓани на десетте општини во Југоисточниот плански регион, дека првото прскање против возрасни комарци ќе се изврши во период од 7 до 9 Јуни 2021 година, со следниот распоред:

1. На 07.06.2021 година (Понеделник), во период од 20 до 04 часот во општините Валандово, Дојран, Гевгелија и Богданци.
2. На 08.06.2021 година (Вторник), во период од 20 до 04 часот во општините Ново Село, Босилово, Василево и Струмица.
3. На 09.06.2021 година (Среда), во период од 20 до 04 часот во општините Радовиш и Конче.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.