Општина Богданци ги повикува сите евидентирани невработени лица (активни баратели на работа) жители на општина Богданци кои своето вработување сакаат да го решат во рамките на програмата за опшптинско корисна работа (Проект: Креирање можности за работа за сите и поддршка на Владата во спроведување на Оперативниот план за услуги на пазарот на труд и активни програми и мерки за вработување за 2020) да се пријават во центарот за вработување Гевгелија– дисперзирана канцеларија Богданци со пополнување на пријава за учество во програмата за ОКР и изјава за согласност.

На јавниот оглас може да се пријават невработени лица од следните целни групи:

• Долгорочно невработени лица (над 12 месеци во евиденција, со предност на невработени лица над 5 години)
• Млади лица до 29 години
• Лица постари од 50 години
• Лица корисници на гарантирана минимална помош
• Лица корисници на паричен надоместок по основ на невработеност
• Лица кои имале статус на деца без родители и родителска грижа
• Жртви на семејно насилство
• Лица со попреченост
• Жени припадници на ромската етничка заедница и на останатите етничките заедници
• Лица припадници на ромската етничка заедница
• Лица на кои им е решен статусот со лична документација
• Самохрани родители
• Родители на деца со пречки во развојот
• Родители на 3 и повеке деца
• Лица со незавршено средно или пониско образование

За проектот во општина Богданци ке се ангажираат 2 (две) лица за период од 6/7 (шест/седум) месеци со скратено работно време (20 работни часови неделно) со месечен надоместок од 9000 денари со вклучен персонален даноки осигурување од случај на несреќа при работа и професионално заболување за следните работни места:

• Негувател за стари лица (оддржувач на хигиена)
• Негувател за стари лица (општ работник)

Поконкретните услови, права и обврски ќе бидат уредени со склучувањето на договор со невработените лица.

Јавниот оглас е отворен од 20.08.2020 до 26.08.2020 година.

Јавен повик ОКР 2020

Третата форумска сесија во рамки на Проектот „Зајакнување на општинските совети“(  кој е финансиски поддржан од страна на Швајцарската Агенција за развој и соработка (СДЦ), а се имплементира од Програмата за развој на Обединетите нации), во

општина Богданци, се одржа 18.08.2020 во ООУ Петар Мусев, Богданци во 20.00. Присутни беа 34 граѓани и градоначалникот Г-ин Блаже Шапов.

На форумот од пет прифатени концепти минатата сесија, сега беа презентирани четири предлог проекти. Предлагачите на концептот Реконструкција на сали за состаноци во урбани и месни заедници се откажаа од понатамошно развивање на проектот.

Се презентираа, останатите четири предлог проекти, по следниот редослед :

1. Опремување и уредување на Дом на култура Стојаково и Дом на култура „Бранд Петрушев“, каде се констатира дека делот за домот во Богданци ќе отпадне бидејќи немаше интерес од групата да се доразвие овој дел од проектот,
2. Опремување на кабинети по природни науки и медиатеки
3. Безбеден граѓанин – среќен граѓанин (поставување хоризонтална и вертикална сигнализација во Богданци)
4. Спортско – рекреативни катчиња

Форумот ги прифати сите предлог проекти  со следните заклучоци и препораки, да се дополнат сите предлози, каде има потреба, да се постапи по  секоја забелешка, со посебен акцент на одржливоста, буџетот и активностите.

Овие предлог проекти се натпреваруваат рамноправно  за финансирање од страна на донаторот по однапред утврдени правила за избор.

На 06.08.2020 во ООУ Петар Мусев, Богданци во 20.00 часот беше одржана втората форумска сесија во рамки на Проектот „Зајакнување на општинските совети“ (  кој е финансиски поддржан од страна на Швајцарската Агенција за развој и соработка (СДЦ), а се имплементира од Програмата за развој на Обединетите нации), во општина Богданци. На сесијата присуствуваа вкупно 40 граѓани, а како гостин беше присутен претставник од УНДП Г-ин Илмиасан Даути и градоначалникот Г-ин Блаже Шапов.

На форумот беа презентирани вкупно седум проектни концепти :

1. Опремување и партерно уредување на Дом на култура Стојаково
2. Опремување на кабинети по природни науки
3. Безбеден граѓанин – среќен граѓанин (поставување хоризонтална и вертикална сигнализација во Богданци)
4. Летна сцена во Дом на култура „Бранд Петрушев“
5. Спортско – рекреативни катчиња
6. Отворање на медиатеки
7. Реконструкција на сали за состаноци во урбани и месни

заедници

Пооделно, по секој концепт присутните на форумот низ дискусија  со забелешки и дополнувања одлучуваа за прифаќање на концептот од страна на форумот.  Одлуката од втората форумска сесија беше:

• да се прифатат концептите – Безбеден граѓанин – среќен граѓанин (поставување хоризонтална и      вертикална сигнализација во Богданци), Спортско – рекреативни катчиња, група образование
• да се спојат во едно концептите- Опремување на кабинети по природни науки со Отворање на медиатеки, група образование ,и Летна сцена во Дом на култура „Бранд Петрушев“ со Опремување и партерно уредување на Дом на култура Стојаково , група култура
• да се прифати но со забелешки и дополнувања концептот Реконструкција на сали за состаноци во урбани и месни заедници

Се известуваат сите граѓани од Југоисточниот плански регион дека третото прскање против возрасни комарци ќе се изврши на 19 и 20 Август 2020 година, со следниот распоред:

1.    На 19.08.2020 година (среда), во период од 19.00 до 02.00 часот во општините Конче, Радовиш, Струмица, Босилово, Василево и Ново Село;

2.    На 20.08.2020 година (четврток), во период од 19.00 до 02.00 часот во општините Валандово, Богданци, Дојран и Гевгелија.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот период.

Согласно спроведената постапка за јавна набавка правното лице ВОД-ВАР ИНЖЕНЕРИНГ ДОО Скопје започна со изградба на атмосферската канализација на ул.„Петар Мусев“ со реконструкција на дел од колекторски систем. Должината на зафатот изнесува 412 метри, а рокот за изградба е 60 дена.

Реализацијата на овој проект ќе чини 1.971.765 денари со вклучен ДДВ, средства обезбедени во Буџетот на Општина Богданци за 2020 година.

Атмосферската канализација и ставањето на колекторскиот систем во функција се од витално значење за жителите на Богданци и истите ќе значат решавање на еден децениски проблем во нашата општина, затоа што ќе се овозможи собирање и одведување на атмосферските води во реципиентот Луда Мара, додека фекалните води нема да се излеваат во речното корито.

Почитувани,

Општина Богданци во соработка со УНДП, преку проект финансиран од Швајцарската агенција за развој и соработка (SDC), Ве поканува на втората сесија од Проектниот форум, што  ќе се одржи на четврток, 06.08.2020 година, со почеток во 20.00 часот, во ООУ „Петар Мусев“ во Богданци.

На втората сесија, граѓаните ќе имаат можност да ги проследат концепт проектите, кои настанаа на основа на нивните предлози од првата форумска сесија, кои во основа ја имаат социјалната инклузија. Ќе бидат презентирани седум концепт проекти, за кои ќе се дискутира во рамките на форумот, кој ќе одлучи кои од овие предлози ќе бидат преточени во предлог проекти за следната сесија.

Во прилог на оваа покана е Дневен ред со распоредот на презентации и дискусии по концепт проектите.

Нагласуваме дека втората форумска сесија се одржува според Протоколот за одржување на форуми на заедницата во услови на ковид- 19, документ донесен од имплементаторот УНДП, со високи мерки на заштита. Просторијата е дезинфицирана, поставени се маси со пропишаното растојание од два метри при седењето, обезбедени се средства за дезинфекција и останатите потребни мерки. Организаторот, Општина Богданци ги презема сите потребни мерки, пропишани со овој Протокол.

Учесниците на форумските сесии треба да ги почитуваат пропишаните мерки за заштита во затворен простор преку носење на заштита маска.

За форумот: Целта на форумот е зголемување на учеството на граѓаните во процесот на донесување на одлуки на локално ниво. Присутните граѓани на форумот ќе имаат можност да предлагаат и да изберат приоритетни проекти, кои ќе се финансираат од проектниот фонд во износ од 50.000 швајцарски франци (CHF).

За проектот: Форумскиот процес е дел од проектот „Зајакнување на општинските совети“, чија втора компонента е зајкнување преку мали грантови за приоритетни мерки на општините, избрани преку јавни консултации.

Со почит,

Општина Богданци

По пауза од пет месеци предизвикана од епидемијата со ковид-19,Општината Богданци во соработка со УНДП, продолжува со активностите за организирање на форумите на заедницата. До март, на самиот почеток од проектот, беа организирани една сесија од форумот и една работилница, на која се развиваа предложените концепт проекти.

За 6 август е закажана втората сесија, која ќе се одржува според усвоениот протокол од страна на имплементарот, УНДП. Протоколот предвидува обемни и строги мерки на заштита на секој учесник во форумот. Тоа подразбира обезбедување на соодветен голем простор за одржување на сесијата, обезбедување на дополнителна просторија доколку има потреба некој од учесниците, задолжителна темелна дезинфекција на просторијата, додека граѓаните можат да учествуваат со маска и задолжителна дезинфекција.

Општината, како организатор, ќе ги преземе сите мерки на заштита на учесниците во форумот, така како што предвидува протоколот на УНДП, со што се гарантираат сигурни и безбедни здравствени услови за одржување на сесијата.

Втората сесија е закажана за четврток, 6 август, во 20 часот, во холот на ООУ „Петар Мусев“. Нагласуваме, дека обезбедени се сите услови според пропишаните протоколи за заштита на УНДП.

На  втората форумска сесија се очекува да бидат презентирани седум концепт проекти од областа на социјална инклузија.

Предложени се овие концепт проекти:

1.Опремување и уредување на кабинети по природни науки во основите и средното училиште;

2.Уредување на спортско катче и простор за рекреација на младите;

3.Опремување на медиатеки во сите училишта и во градинката;

4.Поставување на летна сцена до Домот ка културата во Богданци;

5.Опремување на кино сала и уредување на дворот во Домот на култура во Стојаково;

6. Поставување на хоризонтална и вертикална сигнализација;

7.Уредување и опремување на административните простории на месните и урбаните заедници.

Овие концепт проекти произлегоа од граѓанските предлози од првата сесија, што понатаму ќе се разработуваат во проекти, за кои на четвртата сесија граѓаните ќе се одлучат кој проект или проекти треба да бидат финанасирани со фондот од 50.000 швајцарски франци, што го обезбедува Швајцарската агенција за развој и соработка (SDC).

За општината е важно учеството на граѓаните и нивните предлози и приоритети, што треба да бидат спроведени од страна на општината. Форумот е позната алатка за учество на граѓаните во донесување на одлуки од важност на заедницата, поради што Општината Богданци им пристапува со особено внимание.

Поради тоа, Општината упатува  повик до граѓаните за учестуваат во донесувањето на одлуката што е тоа што е важно за нив да биде финансирано и реализирано.

За проектот: Форумскиот процес е дел од проектот „Зајакнување на општинските совети“, чија втора компонента е зајкнување преку мали грантови за приоритетни мерки на општините, избрани преку јавни консултации. Општината Богданци беше селектирана како една од деветте општини во државата, во рамките на третата фаза од овој проект на УНДП.

 За форумот: Целта на форумот е зголемување на учеството на граѓаните во процесот на донесување на одлуки на локално ниво. Присутните граѓани на форумот ќе имаат можност да предлагаат и да изберат приоритетни проекти, кои ќе се финансираат од буџетниот фонд во износ од 50.000 швајцарски франци (CHF).