Новости

Во рамки на проектот „Зајакнување на општинските совети“, финансиран од Швајцарска агенција за развој и соработка – SDC, а спроведуван од Програма за развој на обединетите нации – UNDP во општина Богданци се одржа првата форумска сесија од 5-те предвидени сесии од компонентата 2 која се однесува на Зајакнување на советите на општините преку финансиска поддршка (мали грантови) за приоритетни активности на општините што се избрани врз основа на јавни консултации.

Проектниот фонд кој е на располагање за општина Богданци во оваа компонента е 50.000 швајцарски франци. Средствата ќе бидат наменети за реализација на еден а најмногу до три проекти, кои ќе произлезат од  форумските сесии, а треба да се реализираат до крајот на Декември 2020 година.

На сесијата присуствуваа 50 претставници од повеќе сектори и области од општина Богданци кои земаа активно учество во процесот.

Од првата форумска сесија произлегоа вкупно 10 предлог решенија, проектни идеи.

Денес  (02.03.2020) во просториите на Владата на Република Северна Македонија  беше  потпишан Меморандум за разбирање за Проект за поврзување на локални патишта помеѓу Министерство за транспорт и врски на Република Северна Македонија и Општина Богданци со кој се одобрени за реконструкција  улиците : 10-ти ОКТОМВРИ, ЃУРОВ ДОЛ, БРАЌА МИЛАДИНОВЦИ, МИРКА ГИНОВА, МИРЧЕ ЏОЧКОВ, КОЧО РАЦИН И КРУШЕВСКА, сите во Богданци.

Проектот се финансира со средства од Меѓународната Банка за обнова и развој – Светска Банка, од каде за општина Богданци во рамки на компонентата „Рехабилитација на локални патишта/улици и објекти покрај истите“ се обезбедени 598.790,00 евра.

Општина Богданци за потребите на проектот достави комплетна техничка документација за сите одобрени улици. По завршување на тендерската постапка веднаш ќе се почне со реализација на проектните активности  во тековната, 2020 година.

Почитувани,

Општина Богданци во соработка со УНДП, преку проект финансиран од Швајцарската агенција за развој и соработка (SDC), Ве поканува на Проектен форум. Првата сесија од Проектниот форум ќе се одржи во вторник, 03.03.2020 година во 18 часот, во Домот на културата во Богданци.

Целта на форумот е зголемување на учеството на граѓаните во процесот на донесување на одлуки на локално ниво. Форумот е  алатка  за учество на граѓаните во подготовка и избор на приоритетни проекти.

Присутните граѓани на форумот ќе имаат можност да предлагаат и да изберат приоритетни проекти, кои ќе се финансираат од буџетниот фонд во износ од 50.000 швајцарски франци (CHF).

За проектот: Форумскиот процес е дел од проектот „Зајакнување на општинските совети“, чија втора компонента е зајкнување преку мали грантови за приоритетни мерки на општините, избрани преку јавни консултации. Преку форумскиот процес се обезбедува:

• Зголемување на транспрентноста и граѓанското учество на општините;
• Создавање и јакнење на капацитети на сите вклучени страни;
• Подобрување на соработката, вмрежување и создавање на партнерства на локално ниво;
• Подобрување на животот на луѓето во заедницата.

Со почит,

Општина Богданци

На ден 29.01.2020 година (среда) во организација на Министерство за земјоделство, шумарство водостопанство  во 11.00 часот во просториите на Гостилница ЕВРИ Богданци ќе се оддржи еднодневен настан Инфо ден ИПАРД 2014-2020.

Овој Инфо ден е наменет за МЕРКА 3 Инвестиции во основни средства за преработка и маркетинг на земјоделски и рибни производи, за лица и фирми преработувачи кои би сакале да конкурираат за субвенции.

За сите заинтересирани компании од општина Богданци, за создавање на нови услови за вработување, достигнување на ЕУ стандардите, имплементирање на нови технологии и процеси, на 28 декември 2019 година отворен е јавен повик 02/2019 година за мерка 3 Инвестиции во основни средства за преработка и маркетинг на земјоделски и рибни производи, Министертвото за земјоделство, шумарство и водостопанство, Телото за управување со ИПАРД фондовите одржува инфо денови  за спроведување и користење на Инструментот за претпристапна помош на Европската унија за рурален развој – ИПАРД 2014-2020 со особено внимание  на мерката 3. Распоредот и програмата за инфо деновите е во прилог и тие  се наменети за информирање на сите потенцијални баратели за користење на средствата од ИПАРД Програмата 2014-2020.

Линкот за инфо деновите и програмата е во продолжение.

http://ipard.gov.mk/mk/soopstenija/%d0%bd%d0%b0%d1%98%d0%b0%d0%b2%d0%b0-%d0%b7%d0%b0-%d0%b8%d0%bd%d1%84%d0%be-%d0%b4%d0%b5%d0%bd%d0%be%d0%b2%d0%b8-%d0%b7%d0%b0-%d0%bf%d1%80%d0%b5%d1%80%d0%b0%d0%b1%d0%be%d1%82%d0%ba%d0%b0-%d0%b8-%d0%bc/

Салите во кои ќе се одржуваат инфо деновите во споменатите места ќе бидат објавени на веб сајтот www.ipard.gov.mk пред одржување на настанот (во вид на соопштение).

Почитувани,

Имаме голема чест да ви соопштиме дека и во 2020 година во општина Богданци ќе се оддржи настанот традиционалното палење на коледарскиот оган.

Во Богданци настанот ке се оддржи во Недела, 05.01.2020 година, во Градскиот парк со почеток во 18 часот.

Настанот е во организација на Лебопекара ММ и Солун 53 маркети.

Во Понеделник, 06.01.2020 година, истиот настан во организација на Месната Заедница Стојаково ќе се оддржи во населено место Стојаково придружен со оддржување на забавна програма (маскенбал) во Домот на култура Стојаково со почеток во 19.30 часот.