Новости

Општина Богданци набави 50 нови контејнери со зафатнина од 1,1 метар  кубен. Станува збор за пластични контејнери со кои ќе бидат заменети некои од постоечките стари и оштетени контејнери, а ќе се постават и на места каде што досега немало садови за собирање на сметот од домаќинствата како во Богданци така и во сите населени места во Општината.

Набавката е извршена врз основа на објавениот оглас и изборот на најповолна понуда за  набавка на истите во вредност од 410.640 денари.

Општина Богданци доби финансиска поддршка од Агенцијата за финансиска поддршка во земјоделството и руралниот развој по јавниот повик за мерка 321 Подобрување на квалитетот на живот во рурални средини, подмерка 321.1 Изградба на локална патна инфраструктура (вклучително и мостови) за поврзување на две или повеке населени места во руралните средини во должина до 5 км врз основа на Програмата за финансиска поддршка во руралниот развој за 2018.

Финансиската поддршка е за проектот: Реконструкција на локален пат Стојаково –Селемли, вкупната одобрена вредност за бараната инвестиција изнесува 18.033.226,00 денари.

Општина Богданци доби финансиска поддршка од Агенцијата за финансиска поддршка во земјоделството и руралниот развој по јавниот повик за мерка 322 Обнова и развој на селата, подмерка 322.2 Инвестиции за изградба и/или реконструкција на улици во населени места во рурални средини (вклучително и атмосферска канализација и пешачки елементи) во должина до 1 км, врз основа на Програмата за финансиска поддршка во руралниот развој за 2018.

Финансиската поддршка е за проектот: Реконструкција на улици во населено место Селеми, вкупната одобрена вредност за бараната инвестиција изнесува 8.418.880,00 денари.

Општина Богданци доби финансиска поддршка од Агенцијата за финансиска поддршка во земјоделството и руралниот развој и по јавниот повик за мерка 323 Зачувување и унапредување на традиционалните вредности во руралните подрачја, подмерка 323.3 Изградба или реконструкција на патна инфраструктура за пристапност до и околу природни знаменитости во рурални средини вклучително и нивно уредување и воведување на комплементарни содржини –пешачки, велосипедски и останати спортски патеки и шеталишта, врз основа на Програмата за финансиска поддршка во руралниот развој за 2018.

Финансиската поддршка е за проектот: Реконструкција на пешачка и велосипедска патека Богданци-Чести Јавори-Паљурци, вкупната одобрена вредност за бараната инвестиција изнесува 10.681.140,00 денари.

По завршување на тендерските постапки и избор на најповолен понудувач за трите проекти ќе се пристапи кон реализација на истите.

Во Понеделник  на 24 јуни 2019 година, со почеток во 20 ч. во просториите на ЈОУ Дом на Култура Богданци ќе се одржи јавна расправа за долгорочно задолжување на Општина Богданци во рамките на Проектот за подобрување на општинските услуги, МСИП.

Предмет на задолжување е изградба на нов мост преку река Луда Мара, итноста за реализација на овој проект е заради рехабилитација на регионалниот пат Гевгелија-Богданци-Фурка дел од регионалниот пат 1109.

Учествувајќи на оваа јавна расправа, заинтересираните страни во општина Богданци ќе имаат можност да дадат придонес во определувањето на приоритетите за идна реализација  согласно условите за задолжување пропишани од проектот.

Општина Богданци ги повикува сите  граѓани, претставници од приватниот сектор, претставници од невладиниот сектор, претставниците на урбаните и месните заедници како и сите други заинтересирани страни да земат учество во јавната расправа.

Јавното претпријатие за државни патишта ја известува засегнатата јавност дека планира да реализира Проект за “Рехабилитација на регионален пат Р1109, делница Дедели-Фурка-Богданци-Гевгелија” во должина од 15,8 км.

Финансирањето на овој проект е обезбедено со средства од меѓународни финансиски институции (Светска Банка), според чии барања во делот на заштита на животната средина и социјалните аспекти, во фазата на подготовка на Извештај за процена на животна средина и социјални аспекти и План за управување со животната средина и Механизам за жалби и поплаки, потребно е да се организира  јавна консултација со засегнатите страни и локалното население на населените места долж делницата.

Извештај за процена на животна средина и социјални аспекти и План за управување со животната средина е достапен на увид во просториите на ЈП за државни патишта и во општината Богданци, како и на официјалната веб страница на ЈП за државни патишта и во општината Богданци, како и на нивните интернет страници:  https://bogdanci.gov.mk/   и www.roads.org.mk .

 Јавната консултација за Извештај за процена на животна средина и социјални аспекти, План за управување со животната средина и Механизам за жалби и поплаки за наведените проекти, во делот на заштита на животната средина и социјалните аспекти ќе се одржи во:

просториите на Дом на културата во општинa Богданци на 31.05.2019 година (петок) со почеток во 12 часот .

Лица за контакт:

Јавно претпријатие за државни патишта

Сашка Богданова Ајцева

Тел: 02/3118 044 лок.305

E-mail: saska@roads.org.mk

Општина Богданци

Јованка Ампова

Моб: 078 321 586

E-mail: jovankaampova@yahoo.com

Извештај за оцена на животната средина и социјалните аспекти за рехабилитација на Регионален пат Р1109

Образец за жалба