Новости

По повод 1 април, Денот на шегата, денес со почеток во 09.30 часот во Градскиот парк во Богданци се оддржа традиционалната манифестација „Априлијада“.

Во програмата свое учество зедоа дечиња од ЈОУДГ „Коста Поп Ристов Делчев“, како и ученици од ООУ „Петар Мусев“ Богданци и подрачното училиште во Ѓавото и СОУ „Богданци“.

Настанот го организираше Дом на Култура „Бранд Петрушев“ во соработка со Општина Богданци.

Соодветно беа наградени  следните маски:

• Прво место – „Среќни жабички“ од ЈОУДГ „Коста Поп Ристов Делчев“, Второ место – „Ролеркостер“ Vа одделение  и Трето место – „Индијанци уд Бугданци“ IIa одделение од ООУ „Петар Мусев“ Богданци;

            ООУ „Кирил и Методиј“ Стојаково и дечињата од Детската Градинка во Стојаково свое дефиле имаа во училишниот двор.

И овој пат дечињата и учениците им ги исполнија срцата на сите присутни родители, баби и дедовци, роднини и граѓани. Честитки до сите учесници за нивната креативност како и до нивните ментори, наставници, воспитувачи и негователи.

Врз основа на заклучокот донесен од страна на Советот на општина Богданци со бр.08-529/11     од 14.03.2024 год. се известуваат сите жители и деловни субјекти на територијата на општина Богданци кои имаат штета од град на земјоделските култури кој ја зафати општината (07.03 и 12.03 2024 год.) да достават до општината:

1. Барање за проценка на штета

2. Копија од лична карта,

3. Имотен лист или копија од имотен лист,

4. Лицата кои се оштетени а површините не се во нивна сопственост да достават и договор за закуп.

5.Решение од Единствениот регистар на  земјоделски стопанства (ЕРЗС).

Барањето може да го подигнат од архивата на општина Богданци или од веб страната на општината.

Барањата да се достават до општина Богданци најдоцна до 01.04.2024 год. Некомплетните барања нема да се разгледуваат.

Комисија за проценка на штети од

природни непогоди и други несреќи

На 23.01.2024 година, општините од Вардарскиот регион и три општини од Југоисточниот регион, вклучувајќи ја и општина Богданци, потпишаа Меморандум за разбирање за Организација за управување со дестинација (Destination Management Organisation – DMO).

На 13.03.2024 во просториите на општина Богданци градоначалникот Блаже Шапов имаше состанок со Техничката Помош на ЕУ за Општините (Technical Assistance of EU for Municipalities – TA EU4M), поточно со Тим Лидерот Клаус Рихтер и JTA Expert Верче Лазарова. На состанокот  се разговараше за состојбите во општината, за тоа што би значело воспоставување на Организација за Управување со Дестинација (Destination Management Organisation – DMO) за нашата општина и се договорија за следните чекори за вклучување на приватниот сектор во истата.

За таа цел на 19-ти март, ќе се оддржи работилница со фокус кон вклучување на приватниот сектор на која активно учество ќе земат и претставниците на швајцарскиот проект „IME“, Асоцијацијата „Алзас-Македонија“ и експерти од техничката помош EU4M.

Ги известуваме граѓаните дека активностите за реконструкција на водоводната мрежа во Богданци моментално се одвиваат на улицата Страшо Пинџур. Се препорачува на учесниците во сообраќајот да ја прилагодат брзината на движење спрема условите на патот, да ја почитуваат поставената сообраќајна сигнализација, сообраќајните правила и прописи и да се движат со зголемена внимателност, а по потреба да ги користат останатите улици од сообраќајната мрежа, како алтернативни правци за движење.

23 годишниот Саше Михајловиќ годинава е најсреќниот учесник во црковната манифестација на положување на светиот крст во водата на брана Паљурци во Богданци. Во Ѓавото крстот го фати Перо Попов, а во Селемли Ристо Влахов од Стојаково.

Општина Богданци среќните учесници кои го фатија крстот ги даруваше со ваучери во износ од 10 000 денари а пригодни подароци добија и од локалната бизнис заедница.

На сите нека им даде Господ здравје, среќа и бериќет ним и нивните најблиски.

Бог се јави! Навистина се јави!

За многу години денешниот ден!