Републичкиот совет за безбедност на сообраќајот на патиштата  во соработка со општина Богданци на 17.09.2020 година реализира активност за промоција и поддршка на алтернативните форми на мобилност со посебен акцент на поддршка на велосипедизмот.

,,European Mobility Week,, – „Европска недела на мобилност” e активност, односно кампања која  на иницијатива на Европската комисија, се спроведува секоја година,  во периодот од 16 до 22 септември. Кампањата има за цел промоција на алтернативни форми на мобилност како што е пешачењето, велосипедизмот и користењето на јавниот превоз.

Кампањата беше организирана со цел да се запознаат жителите на Богданци, посебно младите дека:

Возењето на велосипед, или велосипедизмот, како алтернативно превозно средство носи со себе многубројни бенефити,- персонални, економски, социјални, еколошки, здравствени и многу други.  Како резултат на сите овие бенефити, луѓето сѐ повеќе ги заменуваат своите автомобили со велосипеди како начин на мобилност и транзитирање до посакуваната дестинација. Истражувањата покажуваат дека во измината деценија бројот на луѓе кои патуваат до своето работно место со велосипед, континуирано  се зголемува од ден на ден и позитивно е оваа појава да продолжи и во иднина.

Безбеден и протечен сообраќај: 

Истражувањата покажуваат дека најголемиот дел од дневните патувања кои ги правиме секојдневно се пократки од 5 километри,  што ги прави идеални за изминување со велосипед. Користењето на велосипедот како превозно средство ви овозможува да ги избегнете метежите по улиците и да патувате безбедно и да пристигнете до вашата дестинација побрзо, и со помалку нервози.  Патувањето со велосипед  исто така го елиминира еден од најголемите проблеми на патувањето со автомобил, а тоа се паркинг местата. Со велосипед, вртењето празни кругови по половина час со надеж дека ке се ослободи паркинг место ќе  биде  ваше минатото.

Вози Велосипед!

ЈУ МЕЃУОПШТИНСКИ ЦЕНТАР ЗА СОЦИЈАЛНА РАБОТА ГЕВГЕЛИЈА ГИ ИЗВЕСТУВА ГРАЃАНИТЕ НА ОПШТИНА БОГДАНЦИ  ДЕКА  ПОЧНУВАЈЌИ ОД МЕСЕЦ ОКТОМВРИ 2020 г. ПА НАТАМУ СЕКОЈ ПРВ И ВТОР ПЕТОК ВО МЕСЕЦОТ ЌЕ БИДАТ ПРИСУТНИ ВО ПРОСТОРИИТЕ НА ЦЕНТАРОТ ВО ОПШТИНА БОГДАНЦИ – ОПШТИНСКА ЗГРАДА (КАНЦЕЛАРИИТЕ ШТО ГИ КОРИСТЕШЕ ОПШТИНСКОТО ЗДРУЖЕНИЕ НА ПЕНЗИОНЕРИ) ОД 11.⁰⁰ – 13.⁰⁰ ЧАСОТ

Се известуваат сите граѓани на 10-те општини во Југоисточниот плански регион, доколку има поволни временски услови ќе се изврши четврто прскање против возрасни комарци, со следниот распоред:

1. На 30.09.2020 година (среда), во период од 16 до 18 часот во општините Конче, Радовиш, Василево, Струмица и

2. На 01.10.2020 година (четврток), во период од 16 до 18 часот во општините Ново Село, Босилово, Валандово и Богданци.

За спроведување на планираното четврто прскање против возрасни комарци, граѓаните од општините Дојран и Гевгелија ќе бидат дополнително известени.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

На 26.08.2020 во ООУ Петар Мусев, Богданци во 20.00 часот беше одржана четвртата форумска сесија во рамки на Проектот „Зајакнување на општинските совети“ (  кој е финансиски поддржан од страна на Швајцарската Агенција за развој и соработка (СДЦ), а се имплементира од Програмата за развој на Обединетите нации), во општина Богданци. На сесијата присуствуваа вкупно 42 граѓани, 5 члена на  оперативната група, а како гостин беше присутен претставник од УНДП Г-ѓа Лејла Небиу Сулејмани и градоначалникот Г-ин Блаже Шапов.

На форумот беа презентирани четирите проекти кои беа одобрени на седницата на Проектниот одбор формиран согласно критериумите од донаторот:

1. Опремување и партерно уредување на Дом на култура Стојаково
2. „Од ученик до научник“ Отварање на медијатеки и опремување на кабинети по природни науки
3. „Безбеден граѓанин – Среќен граѓанин“(хоризонатална и вертикална сигнализација во Богданци)
4. Спортско – рекреативни катчиња

После презентацијата се пристапи кон гласање согласно правилата за гласање каде можност за глас има секој граѓанин кој присуствувал најмалку на две форумски сесии, каде се гласа по работни групи/маси (вкупно седум), и секоја маса доделува бодови на секој проект поединечно по договор на сите членови, и проектот кој ќе добие најмногу гласови, од сите работни маси, е избран за финансирање.

Резултатите од гласањето се прикажани во табелата:

Согласно резултатите од гласањето ИЗБРАН е проектот за поставување на хоризонтална и вертикална сигнализација во Богданци кој по потпишување на Договорот треба да се реализира најдоцна во рок од 6 месеци .

Општина Богданци ги повикува сите евидентирани невработени лица (активни баратели на работа) жители на општина Богданци кои своето вработување сакаат да го решат во рамките на програмата за опшптинско корисна работа (Проект: Креирање можности за работа за сите и поддршка на Владата во спроведување на Оперативниот план за услуги на пазарот на труд и активни програми и мерки за вработување за 2020) да се пријават во центарот за вработување Гевгелија– дисперзирана канцеларија Богданци со пополнување на пријава за учество во програмата за ОКР и изјава за согласност.

На јавниот оглас може да се пријават невработени лица од следните целни групи:

• Долгорочно невработени лица (над 12 месеци во евиденција, со предност на невработени лица над 5 години)
• Млади лица до 29 години
• Лица постари од 50 години
• Лица корисници на гарантирана минимална помош
• Лица корисници на паричен надоместок по основ на невработеност
• Лица кои имале статус на деца без родители и родителска грижа
• Жртви на семејно насилство
• Лица со попреченост
• Жени припадници на ромската етничка заедница и на останатите етничките заедници
• Лица припадници на ромската етничка заедница
• Лица на кои им е решен статусот со лична документација
• Самохрани родители
• Родители на деца со пречки во развојот
• Родители на 3 и повеке деца
• Лица со незавршено средно или пониско образование

За проектот во општина Богданци ке се ангажираат 2 (две) лица за период од 6/7 (шест/седум) месеци со скратено работно време (20 работни часови неделно) со месечен надоместок од 9000 денари со вклучен персонален даноки осигурување од случај на несреќа при работа и професионално заболување за следните работни места:

• Негувател за стари лица (оддржувач на хигиена)
• Негувател за стари лица (општ работник)

Поконкретните услови, права и обврски ќе бидат уредени со склучувањето на договор со невработените лица.

Јавниот оглас е отворен од 20.08.2020 до 26.08.2020 година.

Јавен повик ОКР 2020

Третата форумска сесија во рамки на Проектот „Зајакнување на општинските совети“(  кој е финансиски поддржан од страна на Швајцарската Агенција за развој и соработка (СДЦ), а се имплементира од Програмата за развој на Обединетите нации), во

општина Богданци, се одржа 18.08.2020 во ООУ Петар Мусев, Богданци во 20.00. Присутни беа 34 граѓани и градоначалникот Г-ин Блаже Шапов.

На форумот од пет прифатени концепти минатата сесија, сега беа презентирани четири предлог проекти. Предлагачите на концептот Реконструкција на сали за состаноци во урбани и месни заедници се откажаа од понатамошно развивање на проектот.

Се презентираа, останатите четири предлог проекти, по следниот редослед :

1. Опремување и уредување на Дом на култура Стојаково и Дом на култура „Бранд Петрушев“, каде се констатира дека делот за домот во Богданци ќе отпадне бидејќи немаше интерес од групата да се доразвие овој дел од проектот,
2. Опремување на кабинети по природни науки и медиатеки
3. Безбеден граѓанин – среќен граѓанин (поставување хоризонтална и вертикална сигнализација во Богданци)
4. Спортско – рекреативни катчиња

Форумот ги прифати сите предлог проекти  со следните заклучоци и препораки, да се дополнат сите предлози, каде има потреба, да се постапи по  секоја забелешка, со посебен акцент на одржливоста, буџетот и активностите.

Овие предлог проекти се натпреваруваат рамноправно  за финансирање од страна на донаторот по однапред утврдени правила за избор.