На моите сограѓани по повод големиот христијански празник Велигден им ги упатувам своите најискрени честитки. Посакувам во сите домови да владее среќа, спокојство, благодет, почит и христијанската љубов. Во здравје и празнично расположение, во духот на христијанската вера, да ја потврдиме вредноста на нашата духовност споделувајќи безусловна љубов со најблиските.
И оваа година во Стојаково се одржаа традиционалните првомајски трки каде со натпреварувачки дух, забава и хумор беше одбележан празникот на трудот. Станува збор за трки кои датираат од 1951 година кои ги организира Советот на месната заедница од Стојаково а кои привлекуваат и голем број посетители од околните градови.
Учесниците се натпреваруваа во неколку дисциплини: трка со коњи, магариња, трка на сто метри за јуниори и сениори во машка и женска конкуренција, скокање во вреќи, трка на 1.500 метри, трка на 3.000 метри, трка со велосипеди, борба на рака, влечење со јаже, работничка трка со колички. Во секоја категорија за најдобрите тројца натпреварувачи беа обезбедени парични награди а имаше и богата културно-уметничка програма.
На манифестацијата присуствуваа градоначалникот на Општина Богданци, Блаже Шапов, министерката за животна средина и просторно планирање, Каја Шукова и дополнителниот министер за внатрешни работи Митко Бојмацалиев.
Голема благодарност до организаторот, Месна Заедница Стојаково кој под покровителство на општина Богданци и годинава успешно го организираше овој настан.
И оваа година, Советот на месната заедница од Стојаково, под покровителство на Општина Богданци ќе ги организира традиционалните Првомајски трки. Станува збор за натпревари во неколку дисциплини, како и богата културно-уметничка програма што секоја година се одржуваат на Први мај во Стојаково-традиција што се негува од 1951 година и веќе 73 години е заштитен белег на жителите од ова населено место.
Со почеток од 09.00 часот, учесниците ќе се натпреваруваат во неколку дисциплини: трка со коњи, трка со магариња, трка на сто метри за јуниори и сениори во машка и женска конкуренција, скокање во вреќи, трка на 1500 метри, трка на 3.000 метри, трка со велосипеди, борба на рака, влечење со јаже, работничка трка. Oваа година се воведува нова трка, насловена како трка со јајца за лица над 50 години.
На првите три натпреварувачи во сите категории, ќе им бидат доделени парични награди.
Културно-уметничката програма со почеток од 15.30 часот ќе ја исполнат следните изведувачи: членовите на Играорната фолклорна група од Стојаково, која работи во состав на КУД „Бранд Петрушев“ од Богданци, танцовата група „ДИВА“, Оливера Станковска, група „Фрка“, група “Акварела”, група „Фониа“, Томе Капсаров-Брзи и неговата група и група „Трио Форте“. Почесен гостин: Игор Џамбазов.
Ги известуваме граѓаните дека градежните работи за реконструкција на водоводната мрежа во Богданци моментално се одвиваат на потегот од крстосницата „Дојранска“ со улица „Мирче Ацев“ (кај амбулантата) и истиот ќе биде затворен. Пристапот до амбулантата ќе се одвива само преку улицата „Мирче Ацев“ се до завршување на активностите.
На ден 03.04.2024 година (среда), во 12 часот во просториите на Општина Богданци се изврши ждребење за утврдување на редоследот за истакнување на плакати без надоместок на местата определени од страна на општината, за подносителите на кандидатите за претседател кои учествуваат на Претседателските избори 2024 година.
Согласно Одлуката за утврдување на места за истакнување на изборни плакати без надоместок на подрачјето на Општина Богданци бр. 08-493/6 од 15.03.2017 година („Службен гласник на Општина Богданци“ бр. 05/17) на територијата на Општина Богданци за истакнување на Изборни плакати без надоместок во текот на изборната кампања се утврдуваат следните места:
Во Богданци
-потпорен ѕид на детското игралиште на автобуска Богданци;
-на излезот од Богданци спрема Стојаково, просторот од левата страна покрај оградата на трафостаницата на ЕВН и
-ограден ѕид на игралиште Вардарски на ул. „Маршал Тито“-Богданци.
Во Стојаково
-во центарот на просторот покрај оградата на ресторантот;
-на просторот кај место викано „Чекркот“;
-просторот кај местото викано „Геран“ и
-просторот позади Црквата.
Во Селемли
-на просторот по главната улица на населбата, на автобуската постројка.
Во Ѓавото
-на влезот на населеното место на ограден ѕид од пумпата за вода до некогашен откупен пункт на Земко и
-во центарот на населеното место кај свртувалиштето за автобуси.
Големината на просторот за истакнување на изборни плакати ќе биде подеднакво утврдена за сите подносители на кандидати за претседател според следниот редослед:
Реден број за лепење плакати
Кандидати за претседателПретседателски избори 2024 година
Општина Богданци упатува Јавен повик до учесниците во изборната кампања за Претседателските избори 2024 година дека на ден 03.04.2024 година (среда) во 12.00 часот во салата на Советот на општина Богданци ќе се изврши ждребење за утврдување на редоследот за истакнување на изборни плакати без надоместок на подрачјето на општина Богданци.
Согласно Одлуката за утврдување на места за истакнување на изборни плакати без надоместок на подрачјето на Општина Богданци бр. 08-493/6 од 15.03.2017 година („Службен гласник на Општина Богданци“ бр. 05/17) на територијата на Општина Богданци за истакнување на Изборни плакати без надоместок во текот на изборната кампања се утврдуваат следните места:
Во Богданци
-потпорен ѕид на детското игралиште на автобуска Богданци;
-на излезот од Богданци спрема Стојаково, просторот од левата страна покрај оградата на трафостаницата на ЕВН и
-ограден ѕид на игралиште Вардарски на ул. „Маршал Тито“-Богданци.
Во Стојаково
-во центарот на просторот покрај оградата на ресторантот;
-на просторот кај место викано „Чекркот“;
-просторот кај местото викано „Геран“ и
-просторот позади Црквата.
Во Селемли
-на просторот по главната улица на населбата, на автобуската постројка.
Во Ѓавото
-на влезот на населеното место на ограден ѕид од пумпата за вода до некогашен откупен пункт на Земко и
-во центарот на населеното место кај свртувалиштето за автобуси.
Сите заинтересирани учесници во изборната кампања за Претседателските избори 2024 година кои ќе присуствуваат на ждребењето, задолжително да поседуваат овласување и документ за идентификација.
По повод 1 април, Денот на шегата, денес со почеток во 09.30 часот во Градскиот парк во Богданци се оддржа традиционалната манифестација „Априлијада“.
Во програмата свое учество зедоа дечиња од ЈОУДГ „Коста Поп Ристов Делчев“, како и ученици од ООУ „Петар Мусев“ Богданци и подрачното училиште во Ѓавото и СОУ „Богданци“.
Настанот го организираше Дом на Култура „Бранд Петрушев“ во соработка со Општина Богданци.
Соодветно беа наградени следните маски:
Прво место – „Среќни жабички“ од ЈОУДГ „Коста Поп Ристов Делчев“, Второ место – „Ролеркостер“ Vа одделение и Трето место – „Индијанци уд Бугданци“ IIa одделение од ООУ „Петар Мусев“ Богданци;
ООУ „Кирил и Методиј“ Стојаково и дечињата од Детската Градинка во Стојаково свое дефиле имаа во училишниот двор.
И овој пат дечињата и учениците им ги исполнија срцата на сите присутни родители, баби и дедовци, роднини и граѓани. Честитки до сите учесници за нивната креативност како и до нивните ментори, наставници, воспитувачи и негователи.
Ве известуваме дека денес, 21-ви Март во 14.00 часот започнува 48-та седница на Совет на општина Богданци. Проследете ја во живо, на следниот линк 48 СЕДНИЦА во живо
Ги известуваме граѓаните дека утре – среда (20.03.2024 година) поради изведување на работи на новата водоводна мрежа, улица Страшо Пинџур во Богданци, на потегот од Максим Кафе до гостилница Еври ќе биде затворена за сообраќај. Се надеваме на разбирање.