Одбележан 9-ти Мај – Денот на победата над фашизмот

Денес на глобално ниво се одбележува Денот на победата над фашизмот. Со потпишувањето на безусловна капитулација на нацистичка Германија, на 9 мај 1945 година беше ставен крај на Втората светска војна.

Денот на Европа или Денот на победа против фашизмот, 9-ти Мај е ден кога се одбележува европскиот идентитет и заложбата за заедништво на сите народи на стариот континент.

По тој повод Градоначалникот на општина Богданци – Блаже Шапов, локалната самоуправа, ученици од СОУ „Богданци“ и ООУ „Петар Мусев“ заедно со Директорот и поддржувачите на делото на борците и членови на Општинското Здружение на Пензионери им оддадоа почит на народните херои и паднатите борци со положување свежо цвеќе пред бистите во Градскиот парк во Богданци.

Подвигот на борците кои ги дале своите животи на олтарот на победата над фашизмот никогаш нема да се заборави.Слава им!

ЧЕСТВУВАЊЕ НА СВЕТИ ВЕЛИКОМАЧЕНИК ГЕОРГИЈ – ЗАШТИТНИКОТ НА СЕЛЕМЛИ

Денес се празнува Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.

На 6-ти мај жителите на Селемли традиционално секоја година го прославуваат Ѓурѓовден, заштитник на ова населено место. Им посакувам на сите граѓани овој голем и важен ден за нив да го поминат во добро здравје и убаво расположение.

Честит панаѓур!

Честит Рамазан Бајрам

На верниците од исламската вероисповед им посакувам овој празник да го прослават во радост и среќа, со топли чувства кои ќе го исполнат семејниот дом. Ваквите големи празници отсекогаш биле прилика за изразување на взаемна почит и пријателство помеѓу луѓето.

 Нека Ви е честит светиот празник Рамазан Бајрам!

Честит први Мај, меѓународниот ден на трудот

Почитувани сограѓани,

Ви го честитам 1 Мај – Меѓународниот ден на трудот, посветен на борбата за зачувување и унапредување на правата на работниците. Овој ден отсекогаш бил симбол на борбата за работничките права и на изразувањето работничка солидарност.

Секогаш бидете горди и посветени на она што го работите, бидејќи трудот и посветеноста се најголеми вредности и двигатели на иднината.

Ви посакувам многу здравје и убави празнични денови со најблиските.

Нека ни е честит Празникот на трудот!

Известување за планирани прекини во дистрибутивниот систем за електрична енергија на ден 28.04.2022

Почитувани,

Ве известуваме дека согласно добиените податоци од ЕВН Македонија, на ден 28.04.2022 година (четврток) во периодот од 09.00 до 14.00 часот без снабдување со електрична енергија ќе останат корисниците од Богданци околу Полициската зграда и Централниот дел околу општината како и фирмата Рапид Гас, Магазините на АРМ во Дубрава и пумпите Водовод Дубрава.

Одбележан денот на излегувањето на првите партизани од Богданци

По повод 26-ти Април, Денот кога пред 79 години излегле првите партизани од Богданци, Гевгелија и Гевгелиско, локалната самоуправа, Здружението на борците и членови на Општинското Здружение на Пензионери им оддадоа почит на народните херои и паднатите борци со положување цвеќе пред бистите во Градскиот парк во Богданци.

Излегувањето на партизаните од овој крај се совпаднало со Велигденските празници во 1943 година, кога било договерено тие да излегуваат во групи поради безбедносни причини а првата група партизани излегла токму на 26 април, значаен ден за историјата на Богданци. Првата група ја сочинувале 10 души, а од Богданци биле Коста Поп Ристов, Илија Калчев, Ване Калчев и Петар Мусев.

По тој повод на денешен ден се празнува и патрониот празник на ООУ „Петар Мусев“ во Богданци,

Честит да ни биде Денот на училиштето, честит и вековит да биде споменот на нашиот патрон, Петар Мусев.

Известување за планирани прекини во дистрибутивниот систем за електрична енергија

Почитувани,

Ве известуваме дека поради интервенции на трафостаница кај правното лице Туран Иван Дооел во Богданци, утре (27.04.2022) во периодот од 07.00 до 12.00 часот без снабдување со електрична енергија ќе остане поголем дел од Богданци, односно истиот реон кој без електрична енергија остана на ден 15.04.2022 година поради кражба на бакарни шини на истата  трафостаница.

Се надеваме на разбирање.

Честит Велигден – За многу години

На моите сограѓани од православна вероисповест, по повод големиот христијански празник Велигден им ги упатувам  своите најискрени честитки. Посакувам во сите домови да владее среќа, спокојство, благодет, почит и христијанската љубов. Во здравје и празнично расположение, во духот на христијанската вера,  да ја потврдиме вредноста  на нашата духовност споделувајќи безусловна љубов со најблиските.

Празнувањето на Воскресението Христово – Велигден нека ни носи нова радост, среќа и бериќет, нека ни дава сила да се справиме со искушенијата, да се почитуваме и да ја градиме подобрата иднина.

Нека ни е честит Велигден!

Христос воскресна!

Навистина воскресна!

Планска програма – Интерконективен гасовод ЕП

На официјалната веб страница на Министерството за транспорт и врски е објавена одобрена Планска Програма за изработка на урбанистички план за подрачја и градби од државно значење за интерконективен гасовод Република Северна Македонија-Грција која може да се отвори на следниот линк: http://www.mtc.gov.mk/media/files/2022/%D0%9F%D0%BB%D0%B0%D0%BD%D1%81%D0%BA%D0%B0%20%D0%BF%D1%80%D0%BE%D0%B3%D1%80%D0%B0%D0%BC%D0%B0%20-%20%D0%98%D0%BD%D1%82%D0%B5%D1%80%D0%BA%D0%BE%D0%BD%D0%B5%D0%BA%D1%82%D0%B8%D0%B2%D0%B5%D0%BD%20%D0%B3%D0%B0%D1%81%D0%BE%D0%B2%D0%BE%D0%B4%20%D0%95%D0%9F.pdf

konya escort

antalya escort Saç ekimi ankara